Maratha Reservation: मराठा आरक्षणासाठी संभाजीराजेंचं उपोषण; जयंत पाटील म्हणाले...

पिंपरी-चिंचवड: मराठा समाजाला आरक्षण मिळावे यासह विविध प्रलंबित मागण्यांसाठी भाजपचे राज्यसभेतील खासदार संभाजीराजे भोसले (Sambhajiraje Bhosale) हे आजपासून मुंबईतील आझाद मैदानात आमरण उपोषणाला बसले आहेत. त्यामुळं आरक्षणाचा प्रश्न पुन्हा ऐरणीवर आला असून सत्ताधारी व विरोधकांमध्ये टीकाटिप्पणी सुरू झाली आहे. राष्ट्रवादी काँग्रेसचे प्रदेशाध्यक्ष तथा जलसंपदा मंत्री जयंत पाटील (Jayant Patil) यांनी याबाबत भूमिका स्पष्ट केली आहे.

वाचा: मग काय करू? तुरुंगात जाऊ का?; पत्रकाराच्या प्रश्नावर अजित पवार भडकले!

पिंपरी-चिंचवडमध्ये झालेल्या पत्रकार परिषदेत ते बोलत होते. संभाजीराजेंच्या उपोषणाबद्दल पत्रकारांनी जयंत पाटील यांना विचारले असता त्यांनी केंद्र सरकारकडं बोट दाखवलं. 'अजितदादांनी संभाजीराजेंसोबत चर्चा करून त्यांना उपोषण न करण्याचं आवाहन केलं आहे. शेवटी मराठा आरक्षण आता केंद्र सरकारच्या हातात आहे. संसदेत यावर निर्णय होणं आवश्यक आहे आणि त्यासाठी आपण सर्वांनीच केंद्र सरकारकडं आग्रह धरण्याची गरज आहे,' असं पाटील म्हणाले.

वाचा: मच्छी मार्केटमध्ये जाऊन येतो असं सांगून गेले आणि घडलं भलतंच!

किरीट सोमय्या यांच्याकडून सत्ताधारी महाविकास आघाडीतील नेत्यांवर होत असलेल्या आरोपांवर जयंत पाटील यांनी आपल्या खास शैलीत उत्तर दिलं. 'वारेमाप आरोप केल्याशिवाय लोक लक्ष देत नाहीत आणि मोठ्या माणसांची नावं घेतल्याशिवाय बातम्या होत नाहीत. बातम्यांमध्ये राहून येणाऱ्या जिल्हा परिषद, महापालिका व निवडणुकांमध्ये लोकांवर प्रभाव टाकायचा. उत्तर प्रदेश, पंजाबमधील परिस्थितीवरून लक्ष विचलित करण्यासाठी आरोप करायचे. लोकांना अटक करायची हे सगळे प्रकार सध्या सुरू आहेत,' असं पाटील म्हणाले.

वाचा: संभाजीराजेंच्या आंदोलनाला बळ! नगरमध्ये 'ही' संघटना करणार उपोषण