पुणे: राष्ट्रवादीचे सर्वेसर्वा शरद पवार यांची स्मरणशक्ती आणि या ८१ व्या वर्षांच्या वयातही त्यांच्यातील स्फुर्ती ही सर्वांच्याच आश्चर्याचा विषय आहे. या वयातही त्यांची स्मरणशक्ती इतकी तल्लख कशी, असा प्रश्न आज त्यांना विचारण्यात आला. त्याबाबत बोलताना शरद पवारांनी एक किस्सा सांगितला. ते जनतेशी कशाप्रकारे संपर्कात राहतात याचा फॉर्म्युला त्यांनी या माध्यमातून सांगितला.
राष्ट्रवादीचे आमदार रोहित पवार यांनी पुण्यात 'कनेक्ट महाराष्ट्र कॉनक्लेव्ह' हा कार्यक्रम आयोजित केला. या कार्यक्रमाला शरद पवार हे प्रमुख अतिथी म्हणून उपस्थित होते. त्यावेळी त्यांना त्यांच्या स्मरणशक्ती विषयी प्रश्न विचारण्यात आला. त्यावर उत्तर देताना ते म्हणाले,
"मला दोन लोकांबरोबर अतिशय लहान वयात काम करायची संधी मिळाली. यशवंतराव चव्हाण आणि वसंतदादा पाटील, या दोन लोकांचं वैशिष्ट्य असं होतं, की कुणीही ५० वर्षांपूर्वीचा त्यांचा जोडीदार त्यांना भेटला तर ते त्यांना पहिल्या नावाने हाक मारायचे. मी बघितलं होतं, त्यांचं राजकारण यशस्वी व्हायला अनेक गोष्टी जमेच्या बाजू आहेत. पण, पहिलं नाव घेऊन ते सुसंवाद ठेवायचे, त्यात त्यांना प्रचंड प्रतिसाद मिळायचा. त्यावर माझंही लक्ष असायचं..."
"मी मुख्यमंत्री होतो, तेव्हा माझ्या मतदार संघातील एक भगिनी काही कामासाठी भेटायला आली. ती आल्यानंतर तिला बस म्हटलं आणि विचारलं 'काय कुसुम काय चाललंय'? काय कुसुम विचारल्यावर तिच्या चेहऱ्यावर जो आनंद होता, त्यात ती ज्या कामासाठी आलेली ते कामच विसरली आणि गावात जाऊन सांगायची की, माझं काम होवो न होवो... पण, साहेबांनी मला कुसुम म्हणून हाक मारली. लोकांशी व्यक्तीगत संबंध, व्यक्तीगत नाव ही स्मरणशक्ती जर आपण कंटिन्यू केली तर आपल्याला प्रचंड उपयुक्तता होते. एक काळ असा होता की माझ्या मतदार संघातील ५० टक्के लोकांना मी पहिल्या नावाने ओळखायचो".
हेही वाचा-राष्ट्रवादीची अतिरिक्त मतं संजय पवारांना द्या, शरद पवारांच्या स्पष्ट सूचना
शरद पवारांचा हा किस्सा ऐकून तिथे उपस्थित सर्वांना त्यांचं आश्चर्य वाटलं. इतका मोठा नेता लोकांची नाव लक्षात ठेवतो. त्यांना पहिल्या नावाने हाक मारुन त्यांच्याशी व्यक्तीगत संपर्क ठेवतो, हे नवलच.
हेही वाचा-बीडीडी चाळींना बाळासाहेब ठाकरे, राजीव गांधी आणि शरद पवारांचे नाव
राष्ट्रवादीचे आमदार रोहित पवार यांनी पुण्यात 'कनेक्ट महाराष्ट्र कॉनक्लेव्ह' हा कार्यक्रम आयोजित केला. या कार्यक्रमाला शरद पवार हे प्रमुख अतिथी म्हणून उपस्थित होते. त्यावेळी त्यांना त्यांच्या स्मरणशक्ती विषयी प्रश्न विचारण्यात आला. त्यावर उत्तर देताना ते म्हणाले,
"मला दोन लोकांबरोबर अतिशय लहान वयात काम करायची संधी मिळाली. यशवंतराव चव्हाण आणि वसंतदादा पाटील, या दोन लोकांचं वैशिष्ट्य असं होतं, की कुणीही ५० वर्षांपूर्वीचा त्यांचा जोडीदार त्यांना भेटला तर ते त्यांना पहिल्या नावाने हाक मारायचे. मी बघितलं होतं, त्यांचं राजकारण यशस्वी व्हायला अनेक गोष्टी जमेच्या बाजू आहेत. पण, पहिलं नाव घेऊन ते सुसंवाद ठेवायचे, त्यात त्यांना प्रचंड प्रतिसाद मिळायचा. त्यावर माझंही लक्ष असायचं..."
"मी मुख्यमंत्री होतो, तेव्हा माझ्या मतदार संघातील एक भगिनी काही कामासाठी भेटायला आली. ती आल्यानंतर तिला बस म्हटलं आणि विचारलं 'काय कुसुम काय चाललंय'? काय कुसुम विचारल्यावर तिच्या चेहऱ्यावर जो आनंद होता, त्यात ती ज्या कामासाठी आलेली ते कामच विसरली आणि गावात जाऊन सांगायची की, माझं काम होवो न होवो... पण, साहेबांनी मला कुसुम म्हणून हाक मारली. लोकांशी व्यक्तीगत संबंध, व्यक्तीगत नाव ही स्मरणशक्ती जर आपण कंटिन्यू केली तर आपल्याला प्रचंड उपयुक्तता होते. एक काळ असा होता की माझ्या मतदार संघातील ५० टक्के लोकांना मी पहिल्या नावाने ओळखायचो".
हेही वाचा-राष्ट्रवादीची अतिरिक्त मतं संजय पवारांना द्या, शरद पवारांच्या स्पष्ट सूचना
शरद पवारांचा हा किस्सा ऐकून तिथे उपस्थित सर्वांना त्यांचं आश्चर्य वाटलं. इतका मोठा नेता लोकांची नाव लक्षात ठेवतो. त्यांना पहिल्या नावाने हाक मारुन त्यांच्याशी व्यक्तीगत संपर्क ठेवतो, हे नवलच.
हेही वाचा-बीडीडी चाळींना बाळासाहेब ठाकरे, राजीव गांधी आणि शरद पवारांचे नाव