आमदारांनी थेट दारुचे वेगवेगळे प्रकारच आंदोलनात मांडले; पोलिसांचे अवैध धंद्यांना संरक्षण असल्याचा आरोप

मावळ, पुणे : कामशेत पोलीस स्टेशन परिसरातील अवैध धंदे ताबडतोब बंद करावे, या मागणीसाठी राष्ट्रवादी काँग्रेसकडून पोलिस स्टेशनवर बेधडक मोर्चा काढण्यात आला होता. मावळ तालुक्याच्या ग्रामीण भागातील सर्वांत मोठी बाजारपेठ अशी ओळख असलेल्या कामशेत शहरासह पोलीस स्टेशन हद्दीतील गावात अवैध धंद्याचा सुळसुळाट वाढला आहे. या अवैध दारू धंद्याला सर्वस्वी पोलीस प्रशासन जबाबदार असल्याचा आरोप राष्ट्रवादीचे आमदार सुनील शेळके ( Sunil Shelke ) यांनी केला आहे.

अवैध धंद्यात दारू विक्री, गांजा विक्रीसह जुगार फोफावला आहे. अवैध धंद्यांमुळे तरुण पिढी अक्षरशः बरबाद होत असून व्यसनाधीन तरुणांकडून समाजविघातक कृत्य घडत आहेत. पोलीस प्रशासनाने अवैध धंदे बंद करून सर्वसामान्य जनतेला न्याय द्यावा, यासाठी हा बेधडक मोर्चा पोलिस स्टेशनवर काढण्यात आला.

एका दिवसात कामशेतमधील अवैध धंदे बंद झाले नाही तर विधिमंडळ अधिवेशनाला दारूचे कॅन घेऊन मंत्रालयात जाण्याचा इशारा मावळचे आमदार सुनील शेळकेंनी दिला. या २० रुपयांना मिळणाऱ्या दारूमुळे आजची तरुण पिढी वाया जात आहे. यास सर्वस्वी जबाबदार पोलीस प्रशासन असल्याचा आरोप शेळकेंनी केला. मावळ तालुक्यात दारू धंद्यांमध्ये वाढ झाली आहे. दारुचे विविध प्रकार याठिकाणी मिळू लागले आहेत. इतकेच नाही तर प्रत्येक गावात दारुचे फुगे मिळतात. ते कसे बनवले जातात हे अनेकांना माहीत आहे. हे दारुचे फुगे पिऊन अनेक तरुण व्यवसनाच्या आहारी जाऊन आपल्या जीवाला दसखल त्यांना गमवावे लागत आहेत, असे शेळके म्हणाले.

पुणे हादरलं! शेतात नेलं अन् तिघांकडून अल्पवयीन मुलीवर लैंगिक अत्याचार

याबाबत आपण मंत्रालयात दारुचे कॅन नेऊन निषेध करणार असल्याचे शेळके यांनी सांगितले. त्यामुळे पोलीस प्रशासनाने या दारू धंद्यांवर आळा घालावा यासाठी हे आंदोलन करत असल्याचे शेळके यांनी सांगितले.

पुण्यात अघोरी कृत्य; भानामती उतरवण्यासाठी पत्नीची सर्वांसमोर आंघोळ, पतीने मांत्रिकाला दिले २ कोटी!