नांदेड सिटी रस्त्यावर गृहसजावटीसाठी विविध बजेटमधील पर्याय उपलब्ध
Aditya.Tanawade@timesgroup.com
Tweet : @AdityaMT
पुणे : घराला आकर्षक रूप देण्यासाठी वेगवेगळ्या पद्धतीने ते सजवण्याकडे अनेकांचा कल असतो. घरात उपलब्ध असलेल्या जागेत जागेला शोभेल अशा प्रकारचे फर्निचर केले की घर उठून दिसते. पुणेकरांची ही आवड लक्षात घेऊन पुण्याच्या सिंहगड रस्त्यावरील नांदेड सिटी परिसरात रस्त्याच्या दुतर्फा फर्निचरचे एक मार्केट भरले आहे. मध्यमवर्गीयांच्या बजेटमध्ये बसणारे आणि आकर्षक असे फर्निचर या मार्केटमध्ये उपलब्ध असून, त्याला पुणेकरांचा चांगला प्रतिसाद मिळतो आहे.
पुण्यातील शहर आणि उपनगर परिसरात इमारतींची संख्या वाढत असून फ्लॅटमध्ये राहणाऱ्या पुणेकरांची संख्या मोठी आहे. त्यांच्या घरात उपलब्ध होणारी जागा लक्षात घेऊन त्यासाठी विविध प्रकारच्या फर्निचरचे पर्याय उपलब्ध करण्यात आले आहेत. हे सर्व प्रकारचे फर्निचर नांदेड सिटीजवळ असणाऱ्या बाजारात उपलब्ध आहे. त्यामध्ये लाकडी कपाट, लोखंडी कपाट, किचन ट्रॉली, वॉर्डरोब, सिंगल डबल बेड, शूज स्टँड, डायनिंग टेबल, स्टडी टेबल, सोफा सेट, आकर्षक खुर्च्या, भिंतीला टांगता येणारे आणि गॅलरीत लावता येणारे झोके, शोकेस असे सर्व प्रकार या ठिकाणी उपलब्ध आहेत. मध्यमवर्गीयांच्या बजेटप्रमाणेच त्यांची बनावट करण्यात आलेली आहे. त्यामुळे ब्रँडेड फर्निचरला बक्कळ पैसे खर्च करण्यापेक्षा त्यापेक्षा निम्म्या किंमतीत ग्राहकांना फर्निचर उपलब्ध होत असल्याने या ठिकाणी असलेल्या वस्तूंना मागणी वाढली आहे. या बाजारात उपलब्ध असणाऱ्या सर्वच वस्तू हे व्यापारी स्वतः तयार करत असल्याने इतर ठिकाणांपेक्षा तुलनेने येथील फर्निचर स्वस्त आहे. त्याशिवाय फर्निचर खरेदी केल्यानंतर ते लावून देण्याची व्यवस्थाही व्यापाऱ्यांमार्फत होत असल्याने ग्राहकांची डोकेदुखी आणखी कमी होते. ग्राहकांच्या मागणीनुसार फर्निचर तयार करून द्यायची व्यवस्थाही येथे आहे.
पुण्याच्या आजूबाजूला वाढणारा परिसर लक्षात घेऊनच या मार्केटची निर्मिती झाली आहे. पूर्वी टिंबर मार्केटच्या परिसरात आणि शहरात झालेल्या ब्रँडेड शोरूम्समधून फर्निटरची खरेदी केली जात होती. आता मात्र अनेक ठिकाणी छोटी छोटी फर्निचर मार्केट उदयास येत आहे. नांदेड सिटीच्या परिसरात असलेले हे फर्निचरचे मार्केट त्यातीलच एक मार्केट आहे. इथे फर्निचरमधील नवे प्रकार उपलब्ध असल्याने ग्राहकांचा राबता या मार्केटकडे वळलेला आहे. सोफा कम बेड हा सोफ्याचा प्रकार लाकडी आणि लोखंडी अशा दोन प्रकारांमध्ये केला जातो. त्याची एक बाजू उघडली की त्याचा डबल बेड तयार होतो. या प्रकाराला मागणी प्रचंड आहे. त्यामुळे या मार्केटमध्ये विविध प्रकारचे सोफा कम बेड उपलब्ध आहेत. घराबाहेर भिंतीवर टांगता येणारे आणि कमी जागेत मावणारे लोखंडी शूज रॅक बाजारात दाखल झाले आहे. घराबाहेरील भिंतीला ते सरळ बसवता येत असल्याने त्यासाठी जागा अत्यंत कमी लागते. त्यामुळे त्याचे देखील आकर्षक प्रकार येथे उपलब्ध करण्यात आलेले आहेत. फायबरमध्ये तयार केलेल्या आराम खुर्च्या, आकर्षक दिसणारे आणि घराला मॉडर्न लूक देणारे सोफासेटही या ठिकाणी ग्राहकांचे लक्ष वेधून घेतात. या सगळ्या गोष्टी ग्राहकांना त्यांच्या बजेटमध्ये होलसेलच्या दरात मिळत असल्याने हे मार्केट तेजीत सुरू आहे. ५०० ते १००० रुपयांपासून ते एक लाखापर्यंतचे सर्व प्रकारचे फर्निचर या मार्केटमध्ये उपलब्ध होत असल्याने पुणेकरांसाठी हे मार्केट एक चांगला पर्याय म्हणून पुढे येत आहे.
Aditya.Tanawade@timesgroup.com
Tweet : @AdityaMT
पुणे : घराला आकर्षक रूप देण्यासाठी वेगवेगळ्या पद्धतीने ते सजवण्याकडे अनेकांचा कल असतो. घरात उपलब्ध असलेल्या जागेत जागेला शोभेल अशा प्रकारचे फर्निचर केले की घर उठून दिसते. पुणेकरांची ही आवड लक्षात घेऊन पुण्याच्या सिंहगड रस्त्यावरील नांदेड सिटी परिसरात रस्त्याच्या दुतर्फा फर्निचरचे एक मार्केट भरले आहे. मध्यमवर्गीयांच्या बजेटमध्ये बसणारे आणि आकर्षक असे फर्निचर या मार्केटमध्ये उपलब्ध असून, त्याला पुणेकरांचा चांगला प्रतिसाद मिळतो आहे.
पुण्यातील शहर आणि उपनगर परिसरात इमारतींची संख्या वाढत असून फ्लॅटमध्ये राहणाऱ्या पुणेकरांची संख्या मोठी आहे. त्यांच्या घरात उपलब्ध होणारी जागा लक्षात घेऊन त्यासाठी विविध प्रकारच्या फर्निचरचे पर्याय उपलब्ध करण्यात आले आहेत. हे सर्व प्रकारचे फर्निचर नांदेड सिटीजवळ असणाऱ्या बाजारात उपलब्ध आहे. त्यामध्ये लाकडी कपाट, लोखंडी कपाट, किचन ट्रॉली, वॉर्डरोब, सिंगल डबल बेड, शूज स्टँड, डायनिंग टेबल, स्टडी टेबल, सोफा सेट, आकर्षक खुर्च्या, भिंतीला टांगता येणारे आणि गॅलरीत लावता येणारे झोके, शोकेस असे सर्व प्रकार या ठिकाणी उपलब्ध आहेत. मध्यमवर्गीयांच्या बजेटप्रमाणेच त्यांची बनावट करण्यात आलेली आहे. त्यामुळे ब्रँडेड फर्निचरला बक्कळ पैसे खर्च करण्यापेक्षा त्यापेक्षा निम्म्या किंमतीत ग्राहकांना फर्निचर उपलब्ध होत असल्याने या ठिकाणी असलेल्या वस्तूंना मागणी वाढली आहे. या बाजारात उपलब्ध असणाऱ्या सर्वच वस्तू हे व्यापारी स्वतः तयार करत असल्याने इतर ठिकाणांपेक्षा तुलनेने येथील फर्निचर स्वस्त आहे. त्याशिवाय फर्निचर खरेदी केल्यानंतर ते लावून देण्याची व्यवस्थाही व्यापाऱ्यांमार्फत होत असल्याने ग्राहकांची डोकेदुखी आणखी कमी होते. ग्राहकांच्या मागणीनुसार फर्निचर तयार करून द्यायची व्यवस्थाही येथे आहे.
पुण्याच्या आजूबाजूला वाढणारा परिसर लक्षात घेऊनच या मार्केटची निर्मिती झाली आहे. पूर्वी टिंबर मार्केटच्या परिसरात आणि शहरात झालेल्या ब्रँडेड शोरूम्समधून फर्निटरची खरेदी केली जात होती. आता मात्र अनेक ठिकाणी छोटी छोटी फर्निचर मार्केट उदयास येत आहे. नांदेड सिटीच्या परिसरात असलेले हे फर्निचरचे मार्केट त्यातीलच एक मार्केट आहे. इथे फर्निचरमधील नवे प्रकार उपलब्ध असल्याने ग्राहकांचा राबता या मार्केटकडे वळलेला आहे. सोफा कम बेड हा सोफ्याचा प्रकार लाकडी आणि लोखंडी अशा दोन प्रकारांमध्ये केला जातो. त्याची एक बाजू उघडली की त्याचा डबल बेड तयार होतो. या प्रकाराला मागणी प्रचंड आहे. त्यामुळे या मार्केटमध्ये विविध प्रकारचे सोफा कम बेड उपलब्ध आहेत. घराबाहेर भिंतीवर टांगता येणारे आणि कमी जागेत मावणारे लोखंडी शूज रॅक बाजारात दाखल झाले आहे. घराबाहेरील भिंतीला ते सरळ बसवता येत असल्याने त्यासाठी जागा अत्यंत कमी लागते. त्यामुळे त्याचे देखील आकर्षक प्रकार येथे उपलब्ध करण्यात आलेले आहेत. फायबरमध्ये तयार केलेल्या आराम खुर्च्या, आकर्षक दिसणारे आणि घराला मॉडर्न लूक देणारे सोफासेटही या ठिकाणी ग्राहकांचे लक्ष वेधून घेतात. या सगळ्या गोष्टी ग्राहकांना त्यांच्या बजेटमध्ये होलसेलच्या दरात मिळत असल्याने हे मार्केट तेजीत सुरू आहे. ५०० ते १००० रुपयांपासून ते एक लाखापर्यंतचे सर्व प्रकारचे फर्निचर या मार्केटमध्ये उपलब्ध होत असल्याने पुणेकरांसाठी हे मार्केट एक चांगला पर्याय म्हणून पुढे येत आहे.