अ‍ॅपशहर

दिवाळी सुट्टीत नऊ घरफोड्या

दिवाळी सुट्टीत नागरिक गावी गेल्यानंतर चोरट्यांनी फ्लॅट फोडून ऐवज नेल्याचे प्रकार समोर येऊ लागले आहेत. शहराच्या विविध भागात शनिवारी रात्रीपर्यंतत नऊ घरफोड्या झाल्याचे उघडकीस आले आहे.

Maharashtra Times 30 Oct 2017, 3:00 am
पुण्यातील चोऱ्यांचे सत्र रोखण्यात पोलिस अपयशी
महाराष्ट्र टाइम्स.कॉम nine bulgarlray incidents in pune city in diwali days
दिवाळी सुट्टीत नऊ घरफोड्या


म. टा. प्रतिनिधी, पुणे
दिवाळी सुट्टीत नागरिक गावी गेल्यानंतर चोरट्यांनी फ्लॅट फोडून ऐवज नेल्याचे प्रकार समोर येऊ लागले आहेत. शहराच्या विविध भागात शनिवारी रात्रीपर्यंतत नऊ घरफोड्या झाल्याचे उघडकीस आले आहे. यामध्ये तीन घरफोड्या हडपसर येथे झाल्या, तर कोथरूड, कोंढवा, निगडी, खडकी येथे फ्लॅट फोडल्याचे समोर आले आहे. यामध्ये लाखो रुपयांचा ऐवज चोरीला गेला आहे.

हडपसर परिसरातील पोस्ट ऑफिस व दोन फ्लॅट फोडून दीड लाखांचा ऐवज चोरून नेल्याचे आढळून आले आहे. सत्यराज कॉम्पलेक्समध्ये राहणारे शबीर अली (वय ४५) यांचा फ्लॅट फोडून ७४ हजार रुपयांचा मुद्देमाल लंपास केला, तर ससाणेनगर परिसरातील दीपक बिरासदार (वय ३३) यांचा बंद फ्लॅट फोडून ७० हजार रुपये चोरून नेले.

मांजरी फर्म येथील पोस्टाचे कार्यालय फोडण्यात आल्याचे समोर आले आहे. पण, या ठिकाणी चोरट्यांना काहीच हाती लागलेले नाही. कोथरूड परिसरातील सद्‍‍भाव सोसायटीत श्रीपाल ऐनपुरे (वय ७४) यांचा २० ते २८ ऑक्टोबर दरम्यान बंद असलेला फ्लॅट फोडून नेल्याचे समोर आले आहे. त्यांच्या फ्लॅटमधून ७४ हजार रुपयांचा ऐवज चोरीला गेला आहे. तर शेजारीच असलेल्या प्रज्ञानंद अपार्टमेंटमधील विजयकुमार मुश्रीफ (वय ६७) यांचा फ्लॅट फोडून ८९ हजार रुपये चोरले आहेत. या ठिकाणी आणखी काही फ्लॅटमध्ये चोरीचा प्रयत्न झाला आहे.

निगडी, भोसरी आणि खडकी परिसरातही घरफोडीच्या घटना समोर आल्या आहेत. निगडीतील विश्वकर्मा हाउसिंग सोसायटीतील रवींद्र खाडे (वय ३१) यांच्या फ्लॅटमधून १५ हजार रुपये चोरीला गेले आहेत. तर, भोसरीतील विकास कॉलनीमधील शंकर ढाकू यांचा फ्लॅट फोडून तब्बल एक लाख दहा हजार रुपयांचा ऐवज लंपास केला. खडकी येथील सोना अपार्टमेंटमधील विजय मसुरकर यांच्या फ्लॅट फोडून दोन लाख नऊ हजार रुपये लंपास करण्यात आल्याचे समोर आले आहे. कोंढव्यातील काकडे वस्ती येथे सुनीता नरस यांचा फ्लॅट फोडून ५४ हजार रुपयांचा ऐवज चोरण्यात आला. शहरात घरफोड्यांचे सत्र सुरूच असून या घटना रोखण्यात पोलिसांना अपयश येत आहे.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज