म. टा. प्रतिनिधी, पुणे :
गस्तीवरील पोलिसांसाठी शहरात तीन हजार ८८१ ठिकाणी ‘क्यूआर कोड’
दामिनी पथक, पोलिस ठाण्याचे बीट मार्शल, वाहतूक शाखेचे चौकातील कर्मचारी यांची पुणे पोलिसांकडून आता ‘क्यू आरकोड’ द्वारे हजेरी घेण्यास सुरुवात करण्यात आली आहे. शहरात गुन्हे घडण्याचे प्रमाण जास्त असणारी ठिकाणे, संवेदनशील स्थळे, गर्दीचे चौक अशा विविध ठिकाणी एकूण तीन हजार ८८१ ‘क्यूआर कोड’ बसविण्यात आले आहेत. त्यामुळे वरिष्ठांना हजेरीची ऑनलाइन माहिती मिळत आहे.
पुणे पोलिस आयुक्तालयात गस्तीसाठी नेमलेल्या कर्मचाऱ्यांना त्यांना ज्या कार्यक्षेत्रात गस्त घालायची आहे, तेथे गस्त घातल्याची नोंद व्हावी, यासाठी रजिस्टरमध्ये स्वाक्षरी करावी लागत होती. मात्र, पोलिस आयुक्त डॉ. के. व्यंकटेशम यांनी ‘थर्ड आय’ कार्यप्रणालीच्या माध्यमातून ‘क्यू आर पेट्रोलिंग अॅप’ सुरू केले आहे. पोलिस अधिकारी, कर्मचारी आता हा क्यूआर कोड ‘स्कॅन’ करून त्यांची उपस्थिती नोंदवत आहेत. सध्या शहरात वाहतूक शाखेकडून ४४९, दामिनी पथकाकडून ४७० आणि पोलिस ठाण्याकडून दोन हजार ९६२ अशा एकूण तीन हजार ८८१ ठिकाणी ‘क्यूआर कोड’ बसविण्यात आले आहेत. दामिनी पथकाच्या मार्शलनी गस्तिदरम्यान स्कॅन केलेल्या क्यूआर कोडचे गुन्हे शाखेकडून नियंत्रण केले जाते. तर, वाहतूक नियमनाच्या दृष्टीने महत्वाच्या ठिकाणी व गर्दीच्या चौकात बसविण्यात आलेल्या क्यूआरकोडचे नियंत्रण वाहतूक शाखेकडून करण्यात येत आहे. पोलिस ठाण्याचे हीट मार्शल, सीआरमोबाईल, पोलिस निरीक्षक यांनी स्कॅन केलेल्या क्यूआरकोडचे नियंत्रण पोलिस ठाण्याकडून केले जात आहे.
पोलिस अधिकारी, कर्मचारी यांनी रात्र गस्तीच्या वेळी महत्त्वाच्या व संवेदनशील ठिकाणी भेटी दिल्यानंतर त्या ठिकाणाची पाहणी करावी. तिथे कोणतीही अनुचित प्रकार नसल्याची खात्री करून त्यांना तेथे लावलेला क्यूआर कोड स्कॅन करणे बंधनकारक राहणार आहे. क्यूआरकोड स्कॅन केल्यानंतर त्याची नोंद अॅपमध्ये होईल. त्याचा अहवाल तयार होऊन तो वरिष्ठांना आपोआप दिसेल. त्यानंतर वरिष्ठ अधिकारी त्या अहवालाचे विश्लेषण करतील. त्यामुळे गस्त अधिक प्रभावी होईल.
‘क्यूआरकोड’ची संख्या वाढणार
शहरात सध्या तीन हजार ८८१ क्युआर कोड बसविण्यात आले आहेत. शहरातील पोलिस ठाणे, चौक्यांची संख्या, त्यांचा विस्तार या अनुषंगाने क्यूआरकोडची संख्या ठरविण्यात आली आहे. मात्र, आणखी काही गरजेची ठिकाणे, चौक यांची माहिती घेऊन क्यूआरकोडची संख्या वाढविण्यात येणार आहे. त्यासाठी मोडस ऑपरेंडी ब्युरो (एमओबी)कडून पाहणी केली जात आहे.
क्यूआर कोडमुळे पोलिस अधिकारी व कर्मचाऱ्यांच्या गस्तीमध्ये वाढ झाल्याचे दिसत आहे. त्यामुळे रस्त्यावर पोलिसांचे अस्तित्व अधिक प्रमाणात दिसून येत असल्याने कार्यक्षमतेमध्येदेखील वाढ झाली आहे. त्यामुळे गुन्हेगारीत घट झाल्याचे दिसत आहे.
बच्चन सिंग, पोलिस उपायुक्त, गुन्हे शाखा
गस्तीवरील पोलिसांसाठी शहरात तीन हजार ८८१ ठिकाणी ‘क्यूआर कोड’
दामिनी पथक, पोलिस ठाण्याचे बीट मार्शल, वाहतूक शाखेचे चौकातील कर्मचारी यांची पुणे पोलिसांकडून आता ‘क्यू आरकोड’ द्वारे हजेरी घेण्यास सुरुवात करण्यात आली आहे. शहरात गुन्हे घडण्याचे प्रमाण जास्त असणारी ठिकाणे, संवेदनशील स्थळे, गर्दीचे चौक अशा विविध ठिकाणी एकूण तीन हजार ८८१ ‘क्यूआर कोड’ बसविण्यात आले आहेत. त्यामुळे वरिष्ठांना हजेरीची ऑनलाइन माहिती मिळत आहे.
पुणे पोलिस आयुक्तालयात गस्तीसाठी नेमलेल्या कर्मचाऱ्यांना त्यांना ज्या कार्यक्षेत्रात गस्त घालायची आहे, तेथे गस्त घातल्याची नोंद व्हावी, यासाठी रजिस्टरमध्ये स्वाक्षरी करावी लागत होती. मात्र, पोलिस आयुक्त डॉ. के. व्यंकटेशम यांनी ‘थर्ड आय’ कार्यप्रणालीच्या माध्यमातून ‘क्यू आर पेट्रोलिंग अॅप’ सुरू केले आहे. पोलिस अधिकारी, कर्मचारी आता हा क्यूआर कोड ‘स्कॅन’ करून त्यांची उपस्थिती नोंदवत आहेत. सध्या शहरात वाहतूक शाखेकडून ४४९, दामिनी पथकाकडून ४७० आणि पोलिस ठाण्याकडून दोन हजार ९६२ अशा एकूण तीन हजार ८८१ ठिकाणी ‘क्यूआर कोड’ बसविण्यात आले आहेत. दामिनी पथकाच्या मार्शलनी गस्तिदरम्यान स्कॅन केलेल्या क्यूआर कोडचे गुन्हे शाखेकडून नियंत्रण केले जाते. तर, वाहतूक नियमनाच्या दृष्टीने महत्वाच्या ठिकाणी व गर्दीच्या चौकात बसविण्यात आलेल्या क्यूआरकोडचे नियंत्रण वाहतूक शाखेकडून करण्यात येत आहे. पोलिस ठाण्याचे हीट मार्शल, सीआरमोबाईल, पोलिस निरीक्षक यांनी स्कॅन केलेल्या क्यूआरकोडचे नियंत्रण पोलिस ठाण्याकडून केले जात आहे.
पोलिस अधिकारी, कर्मचारी यांनी रात्र गस्तीच्या वेळी महत्त्वाच्या व संवेदनशील ठिकाणी भेटी दिल्यानंतर त्या ठिकाणाची पाहणी करावी. तिथे कोणतीही अनुचित प्रकार नसल्याची खात्री करून त्यांना तेथे लावलेला क्यूआर कोड स्कॅन करणे बंधनकारक राहणार आहे. क्यूआरकोड स्कॅन केल्यानंतर त्याची नोंद अॅपमध्ये होईल. त्याचा अहवाल तयार होऊन तो वरिष्ठांना आपोआप दिसेल. त्यानंतर वरिष्ठ अधिकारी त्या अहवालाचे विश्लेषण करतील. त्यामुळे गस्त अधिक प्रभावी होईल.
‘क्यूआरकोड’ची संख्या वाढणार
शहरात सध्या तीन हजार ८८१ क्युआर कोड बसविण्यात आले आहेत. शहरातील पोलिस ठाणे, चौक्यांची संख्या, त्यांचा विस्तार या अनुषंगाने क्यूआरकोडची संख्या ठरविण्यात आली आहे. मात्र, आणखी काही गरजेची ठिकाणे, चौक यांची माहिती घेऊन क्यूआरकोडची संख्या वाढविण्यात येणार आहे. त्यासाठी मोडस ऑपरेंडी ब्युरो (एमओबी)कडून पाहणी केली जात आहे.
क्यूआर कोडमुळे पोलिस अधिकारी व कर्मचाऱ्यांच्या गस्तीमध्ये वाढ झाल्याचे दिसत आहे. त्यामुळे रस्त्यावर पोलिसांचे अस्तित्व अधिक प्रमाणात दिसून येत असल्याने कार्यक्षमतेमध्येदेखील वाढ झाली आहे. त्यामुळे गुन्हेगारीत घट झाल्याचे दिसत आहे.
बच्चन सिंग, पोलिस उपायुक्त, गुन्हे शाखा