म. टा. प्रतिनिधी, पुणे
पुणे महानगर परिवहन महामंडळाच्या (पीएमपी) ताफ्यातील आयुर्मान संपलेल्या बस ‘पीएमपी’ प्रशासनासाठी डोकेदुखी ठरत आहे. ‘पीएमपी’च्या ताफ्यातील स्वत:च्या मालकीच्या १३७९ बसपैकी तब्बल ६४७ बसचे आयुर्मान संपले आहे. मात्र, प्रवाशांच्या तुलनेत पीएमपी बसची संख्या कमी असल्याने त्या मार्गावर सोडाव्या लागत आहे. त्यामुळे ब्रेकडाउनचे प्रमाण वाढत आहे. तसेच, या बसच्या देखभाल दुरुस्तीसाठीच्या खर्चातही वाढ होत असल्याची माहिती पीएमपी अधिकाऱ्यांनी दिली.
पीएमपीच्या ताफ्यात स्वत:च्या मालकीच्या एक हजार ३७९, तर भाडेतत्वावरील ६२७ बस आहेत. स्वत:च्या मालकीच्या बसपैकी ८१६ बस डिझेलवर आणि ५६३ बस ‘सीएनजी’वर चालणाऱ्या आहेत. पीएमपीच्या बसचे सरासरी आयुर्मान नऊ वर्षे आहे. इतर बसच्या तुलनेत पीएमपीच्या बसचा वापर जास्त होत असतो. दर अर्धा किलोमीटरवर थांबा असल्याने या बस पहिल्या, दुसऱ्या आणि तिसऱ्या गीअरवरच चालवाव्या लागतात. त्यामुळे इंजिनवर ताण येतो. बसची आसन क्षमता ४५ ते ५० असताना बसमध्ये सरासरी ८० ते ११० प्रवासी असतात. त्यामुळे या बसचे आयुर्मान कमी होते. सद्यस्थितीत पीएमपीच्या ताफ्यातील स्वत:च्या मालकीच्या एक हजार ३७९ बसपैकी शून्य ते पाच वर्षांपर्यंतच्या बसची संख्या २२१ आहे. सहा ते आठ वर्षे आयुर्मान झालेल्या बसची संख्या ५११, ११ ते १२ वर्षे आयुर्मान झालेल्या बसची संख्या १८० तर १२ वर्षांपेक्षा जास्त आयुर्मान झालेल्या बसची संख्या १४७ आहे. एकूणच पीएमपीच्या ताफ्यातील नऊ वर्षांपेक्षा जास्त आयुर्मान असलेल्या बसची संख्या ६४७ एवढी आहे, असे पीएमपी अधिकाऱ्यांनी सांगितले.
पीएमपीची एक बस दररोज सरासरी २०० किलोमीटर धावते. एक दिवसभरातील १७ तास रस्त्यावर असते. त्यामुळे पीएमपीच्या बसचे सरासरी आयुर्मान कमी होते. सद्यस्थितीत पीएमपीकडे आयुर्मान संपलेल्या बस जास्त आहेत. या बसच्या बदल्यात नवीन बस उपलब्ध होत नसल्याने आरटीओकडून फिटनेस तपासणी करून आयुर्मान संपलेल्या बसच संचलनात आणाव्या लागत आहेत, असे अधिकाऱ्यांनी स्पष्ट केले.
पीएमपीची एकूण बस संख्या : २००६
पीएमच्या मालकीच्या बस : १३७९
भाडेतत्वावरील बस : ६२७
आयुर्मान ‘पीएमपी’च्या मालकीच्या बस
० ते ५ वर्षे २२१
६ ते ८ वर्षे५११
९ ते १० वर्षे३२०
११ ते १२ वर्षे१८०
१२ वर्षांहून अधिक १४७
पुणे महानगर परिवहन महामंडळाच्या (पीएमपी) ताफ्यातील आयुर्मान संपलेल्या बस ‘पीएमपी’ प्रशासनासाठी डोकेदुखी ठरत आहे. ‘पीएमपी’च्या ताफ्यातील स्वत:च्या मालकीच्या १३७९ बसपैकी तब्बल ६४७ बसचे आयुर्मान संपले आहे. मात्र, प्रवाशांच्या तुलनेत पीएमपी बसची संख्या कमी असल्याने त्या मार्गावर सोडाव्या लागत आहे. त्यामुळे ब्रेकडाउनचे प्रमाण वाढत आहे. तसेच, या बसच्या देखभाल दुरुस्तीसाठीच्या खर्चातही वाढ होत असल्याची माहिती पीएमपी अधिकाऱ्यांनी दिली.
पीएमपीच्या ताफ्यात स्वत:च्या मालकीच्या एक हजार ३७९, तर भाडेतत्वावरील ६२७ बस आहेत. स्वत:च्या मालकीच्या बसपैकी ८१६ बस डिझेलवर आणि ५६३ बस ‘सीएनजी’वर चालणाऱ्या आहेत. पीएमपीच्या बसचे सरासरी आयुर्मान नऊ वर्षे आहे. इतर बसच्या तुलनेत पीएमपीच्या बसचा वापर जास्त होत असतो. दर अर्धा किलोमीटरवर थांबा असल्याने या बस पहिल्या, दुसऱ्या आणि तिसऱ्या गीअरवरच चालवाव्या लागतात. त्यामुळे इंजिनवर ताण येतो. बसची आसन क्षमता ४५ ते ५० असताना बसमध्ये सरासरी ८० ते ११० प्रवासी असतात. त्यामुळे या बसचे आयुर्मान कमी होते. सद्यस्थितीत पीएमपीच्या ताफ्यातील स्वत:च्या मालकीच्या एक हजार ३७९ बसपैकी शून्य ते पाच वर्षांपर्यंतच्या बसची संख्या २२१ आहे. सहा ते आठ वर्षे आयुर्मान झालेल्या बसची संख्या ५११, ११ ते १२ वर्षे आयुर्मान झालेल्या बसची संख्या १८० तर १२ वर्षांपेक्षा जास्त आयुर्मान झालेल्या बसची संख्या १४७ आहे. एकूणच पीएमपीच्या ताफ्यातील नऊ वर्षांपेक्षा जास्त आयुर्मान असलेल्या बसची संख्या ६४७ एवढी आहे, असे पीएमपी अधिकाऱ्यांनी सांगितले.
पीएमपीची एक बस दररोज सरासरी २०० किलोमीटर धावते. एक दिवसभरातील १७ तास रस्त्यावर असते. त्यामुळे पीएमपीच्या बसचे सरासरी आयुर्मान कमी होते. सद्यस्थितीत पीएमपीकडे आयुर्मान संपलेल्या बस जास्त आहेत. या बसच्या बदल्यात नवीन बस उपलब्ध होत नसल्याने आरटीओकडून फिटनेस तपासणी करून आयुर्मान संपलेल्या बसच संचलनात आणाव्या लागत आहेत, असे अधिकाऱ्यांनी स्पष्ट केले.
पीएमपीची एकूण बस संख्या : २००६
पीएमच्या मालकीच्या बस : १३७९
भाडेतत्वावरील बस : ६२७
आयुर्मान ‘पीएमपी’च्या मालकीच्या बस
० ते ५ वर्षे २२१
६ ते ८ वर्षे५११
९ ते १० वर्षे३२०
११ ते १२ वर्षे१८०
१२ वर्षांहून अधिक १४७