म. टा. प्रतिनिधी, पुणे
अखिल भारतीय माळी समाज प्रबोधन व शिक्षण संस्थेचे माजी अध्यक्ष कृष्णकांत कुदळे यांच्या ७५व्या जयंतीनिमित्त अभिवादन सभा आयोजित करण्यात आली होती. या वेळी नगरसेविका अश्विनी कदम, संस्थेचे अध्यक्ष दिलीप राऊत, प्रशांत एकतपुरे, विजय लोणकर, धीरज कुदळे, राहुल गिरमे, रवी चौधरी उपस्थित होते.
सन्मान सोहळा
धनकवडी सांस्कृतिक मंचाच्या वतीने सांस्कृतिक शिबिर आणि विविध क्षेत्रांत काम करणाऱ्या व्यक्तींचा सन्मान सोहळा आयोजित करण्यात आला होता. कार्यक्रमाच्या अध्यक्षस्थानी 'वनराई'चे अध्यक्ष रवींद्र धारिया होते. ज्येष्ठ अभिनेत्री जयमाला इनामदार, भारतीय बॉक्सिंग संघटनेचे उपाध्यक्ष मदन कोठुळे, महाराष्ट्र विद्यार्थी सहायक मंडळाचे सचिव डॉ. विकास आबनावे, ॲॅड. वैशाली भोसले, नितीन भोसले, ऋतिका कदम उपस्थित होते. २४ व्यक्तींना 'डॉ. सर्वपल्ली राधाकृष्णन' आणि 'फिल्डमार्शल सॅम माणेकशॉ' पुरस्काराने गौरविण्यात आले. 'देशाचे दुसरे राष्ट्रपती व शिक्षणतज्ज्ञ डॉ. सर्वपल्ली राधाकृष्णन यांनी पाश्चात्य जगताला भारतीय तत्त्वज्ञानाचा परिचय करून दिला. १९७१च्या भारत-पाकिस्तान युद्धात फिल्डमार्शल सॅम माणेकशॉ यांनी महत्त्वाची भूमिका बजावली होती,' असे आबनावे यांनी सांगितले. भैरवनाथ कानडे यांनी सूत्रसंचालन केले.
रक्तदान शिबिरास प्रतिसाद
महाराष्ट्र दिनानिमित्त राष्ट्रवादी काँग्रेस पार्टीच्या वीराची तालीम मंडळाच्या वतीने ४४वे रक्तदान शिबिर आयोजित करण्यात आले. यात ११७ व्यक्तींनी रक्तदान केले. या वेळी गिरीश बापट, मोहन जोशी, उल्हास पवार, अंकुश काकडे, राजेश येनपुरे, हेमंत रासने, संजय बालगुडे उपस्थित होते. शिबिराचे आयोजन मदन गोगावले, बाळासाहेब दाभेकर, माधव दळवी, सुरेश गोगावले यांनी केले होते.