म. टा. प्रतिनिधी, पुणे
जिल्ह्यातील नोकरीसाठी इच्छुक असणाऱ्या उमेदवारांसाठी कौशल्य विकास, रोजगार आणि उद्योजकता मार्गदर्शन केंद्राच्या वतीने उद्या, मंगळवारी (९ नोव्हेंबर) पंडित दीनदयाल उपाध्याय ऑनलाइन रोजगार मेळाव्याचे आयोजन करण्यात आले आहे. या मेळाव्यात ऑनलाइन पद्धतीने सहभागी होता येणार आहे.
मेळाव्यात बारावी, पदविका, पदवीधर उत्तीर्ण उमेदावारांना सहभागी होता येईल. या मेळाव्यात फिटर, वेल्डर, टर्नर, मशिनिस्ट, ऑटोमोबाइल, टूल अँड डायमेकर आदी विविध प्रकारची पदे उपलब्ध आहेत. या पदांसाठी आवश्यक पात्रता धारण केलेल्या उमेदवारांना संधीचा लाभ घेता येईल. मेळाव्यात सहभागी होण्यासाठी https://rojgar.mahaswwam.gov.in या वेबसाइटवर नोंदणी करावी लागणार आहे. त्यानंतर उपलब्ध असणाऱ्या पदांसाठी उमेदवारांना ऑनलाइन पद्धतीने अर्ज सादर करावा लागेल. रोजगार नोंदणी केली नसल्यास, नोंदणी करून नंतर अर्ज सादर करावा, असे आवाहन करण्यात आले आहे. या मेळाव्यासाठी नामांकित उद्योजकांनी सहभाग नोंदवून रिक्तपदांची माहिती दिली आहेत. याबाबत काही अडचण आल्यास ०२०-२६१३३६०६ या दूरध्वनी क्रमांकावर संपर्क करावा. या वेबसाइटवर रोजगार उपलब्धतेबाबत दररोज माहिती अद्ययावत करण्यात येते. उमेदवारांनी रोजगार मेळाव्याच्या कालावधीत दररोज माहिती पाहावी व पसंतीनुसार मेळाव्यासाठी नोंदणी करावी, असे आवाहन कौशल्य विकास, रोजगार व उद्योजकता मार्गदर्शन अधिकारी ह. श्री. नलावडे यांनी केले आहे.
जिल्ह्यातील नोकरीसाठी इच्छुक असणाऱ्या उमेदवारांसाठी कौशल्य विकास, रोजगार आणि उद्योजकता मार्गदर्शन केंद्राच्या वतीने उद्या, मंगळवारी (९ नोव्हेंबर) पंडित दीनदयाल उपाध्याय ऑनलाइन रोजगार मेळाव्याचे आयोजन करण्यात आले आहे. या मेळाव्यात ऑनलाइन पद्धतीने सहभागी होता येणार आहे.
मेळाव्यात बारावी, पदविका, पदवीधर उत्तीर्ण उमेदावारांना सहभागी होता येईल. या मेळाव्यात फिटर, वेल्डर, टर्नर, मशिनिस्ट, ऑटोमोबाइल, टूल अँड डायमेकर आदी विविध प्रकारची पदे उपलब्ध आहेत. या पदांसाठी आवश्यक पात्रता धारण केलेल्या उमेदवारांना संधीचा लाभ घेता येईल. मेळाव्यात सहभागी होण्यासाठी https://rojgar.mahaswwam.gov.in या वेबसाइटवर नोंदणी करावी लागणार आहे. त्यानंतर उपलब्ध असणाऱ्या पदांसाठी उमेदवारांना ऑनलाइन पद्धतीने अर्ज सादर करावा लागेल. रोजगार नोंदणी केली नसल्यास, नोंदणी करून नंतर अर्ज सादर करावा, असे आवाहन करण्यात आले आहे. या मेळाव्यासाठी नामांकित उद्योजकांनी सहभाग नोंदवून रिक्तपदांची माहिती दिली आहेत. याबाबत काही अडचण आल्यास ०२०-२६१३३६०६ या दूरध्वनी क्रमांकावर संपर्क करावा. या वेबसाइटवर रोजगार उपलब्धतेबाबत दररोज माहिती अद्ययावत करण्यात येते. उमेदवारांनी रोजगार मेळाव्याच्या कालावधीत दररोज माहिती पाहावी व पसंतीनुसार मेळाव्यासाठी नोंदणी करावी, असे आवाहन कौशल्य विकास, रोजगार व उद्योजकता मार्गदर्शन अधिकारी ह. श्री. नलावडे यांनी केले आहे.