म. टा. प्रतिनिधी, पुणे
कर्वे रस्त्यावर एसएनडीटी विद्यापीठाजवळ एका टँकरमधून वायूगळती होऊ लागल्याने नागरिकांमध्ये घबराट उडाली. शनिवारी रात्री दहा वाजता हा प्रकार घडला. अग्निशामक दलाचे जवान तातडीने घटनास्थळी दाखल झाले आणि हा टँकर तेथून दूर नेण्यात आला. टँकरमध्ये नायट्रोजन होता. तो विषारीही नव्हता आणि ज्वलनशीलही नव्हता. त्यामुळे घाबरण्याचे कारण नाही, असे अग्निशामक दलाच्या वतीने सांगण्यात आले. पोलिसांनी चालकाला घेऊन टँकर तेथून दूर नेला.