म. टा. प्रतिनिधी, पिंपरी
अत्यावश्यक वस्तू आणि सेवांचा पुरवठा करणाऱ्या व्यक्ती आणि आस्थापनांना पोलिसांकडून आता पास दिले जाणार आहेत. संबंधित पोलिस ठाण्याचे देखरेख प्रमुख असणाऱ्या पोलिस उपायुक्तांच्या कार्यालयात याची व्यवस्था करण्यात आली आहे. आवश्यक कागदपत्रांची पूर्तता केल्यानंतर पास मिळणार आहेत.
'लॉकडाउन'च्या आदेशाची अंमलबजावणी करण्यासाठी पिंपरी-चिंचवड शहरात पोलिस उपायुक्त सुधीर हिरेमठ (आयुक्तालया करिता), पोलिस उपायुक्त स्मिता पाटील (परिमंडळ एक), पोलिस उपायुक्त विनायक ढाकणे (परिमंडळ दोन) यांची इन्सिडंट कमांडर म्हणून नियुक्ती करण्यात आली आहे. 'लॉकडाउन'च्या कालावधीत अत्यावश्यक वस्तू आणि सेवांचा पुरवठा सुरू राहणार आहे. त्यासाठी ज्यांना पास हवे आहेत, त्यांनी आपल्या आस्थापना ज्या हद्दीत आहेत, त्या पोलिस ठाण्यांच्या पोलिस उपायुक्त परिमंडळ कार्यालयातून आवश्यक कागदपत्रे जमा करून पास घ्यावेत, असे सांगण्यात आले आहेत.
.
पास मिळण्याची ठिकाणे
परिमंडळ एक : पोलिस उपायुक्त स्मिता पाटील
कार्यालय पत्ता : दुसरा मजला, प्रीमियर कंपनी शेजारी, जुना पुणे-मुंबई रस्ता, चिंचवड
संपर्क क्रमांक : ९८३४९५७५२६
ई-मेल : dcpzone1.pcpc-mh@gov.in
परिमंडळ हद्दीतील पोलिस चौक्या : पिंपरी, चिंचवड, भोसरी, एमआयडीसी भोसरी, निगडी, दिघी, चाकण, आळंदी पोलिस स्टेशन, म्हाळुंगे पोलिस चौकी
परिमंडळ दोन : पोलिस उपायुक्त विनायक ढाकणे
कार्यालय पत्ता : पहिला मजला, प्रीमियर कंपनी शेजारी, जुना पुणे-मुंबई रस्ता, चिंचवड
संपर्क क्रमांक : ९५२९८६१४७१
ई-मेल : dcpzone2.pcpc-mh@gov.in
परिमंडळ हद्दीतील पोलिस चौक्या : हिंजवडी, वाकड, सांगवी, देहूरोड, चिखली, तळेगाव दाभाडे, तळेगाव एमआयडीसी पोलिस स्टेशन, रावेत, शिरगाव पोलिस चौकी
--