आयुक्त आणि जिल्हाधिकाऱ्यांच्या तपासणीनंतर प्रस्ताव निवडणूक आयोगाकडे
म. टा. प्रतिनिधी, पिंपरी
चार सदस्यीय पद्धतीने होणाऱ्या निवडणुकांसाठी ३२ प्रभागांचा प्रारूप आराखडा पिंपरी-चिंचवड महापालिका प्रशासनाने तयार केला आहे. आयुक्त दिनेश वाघमारे यांच्या स्वाक्षरीने निवडणूक विभागाचे सहायक आयुक्त डॉ. यशवंत माने यांनी बुधवारी (७ सप्टेंबर) हा आराखडा पुणे विभागीय आयुक्त एस. चोक्कलिंगम यांच्याकडे सोपविला. विभागीय आयुक्त आणि जिल्हाधिकारी आरक्षण तपासणी करून प्रारूप प्रभाग रचनेचा प्रस्ताव १२ सप्टेंबर रोजी राज्य निवडणूक आयोगाकडे पाठविणार आहेत.
महानगरपालिकांच्या फेब्रुवारी २०१७ मध्ये होणाऱ्या सार्वत्रिक निवडणुकांच्या प्रभाग प्रारूप आराखड्याबाबत कमालीची उत्सुकता आहे. निवडणुकीसाठी प्रशासन स्तरावर जोरदार तयारी सुरू असून, प्रभागाचा प्रारूप आराखडा तयार केला आहे. प्रभाग रचनेच्या प्रारूप आराखड्याबाबत अनेकांना उत्सुकता आहे. त्यामुळे अनेक नगरसेवक आणि इच्छुक कार्यकर्ते महापालिकेत याबाबत चौकशी करत होते. प्रत्येक पदाधिकाऱ्याचे आपले 'वजन' वापरून या प्रारूप आराखड्याची माहिती मिळविण्याचे प्रयत्न दिवसभर सुरू होते. परंतु, महापालिका प्रशासनाने प्रभागाच्या प्रारूप आराखड्याबाबत गुप्तता बाळगली आहे. गुगल मॅपच्या आधारे या आरखडा बनविण्यात आला आहे.
आयुक्त दिनेश वाघमारे यांनी प्रभागाचा प्रारूप आराखडा विभागीय आयुक्तांकडे बुधवारी सोपविला. आयुक्तांचे प्रतिनिधी म्हणून सहायक आयुक्त डॉ. यशवंतराव माने यांनी हा आराखडा सादर केला. विभागीय आयुक्त कार्यालयात गुरुवारपासून (८ सप्टेंबर) अनुसूचित जाती व अनुसूचित जमातीकरिता आरक्षणाचा प्रस्ताव तयार केला जाणार आहे. आरक्षणाची तपासणी करून विभागीय आयुक्त प्रारूप प्रभाग रचना १२ सप्टेंबर रोजी राज्य निवडणूक आयोगाकडे पाठविणार आहेत.
निवडणूक आयोग त्याची तपासणी करून २३ सप्टेंबर रोजी प्रभाग रचनेच्या प्रस्तावाला मान्यता देईल. त्यानंतर ७ ऑक्टोबर रोजी आरक्षण सोडतीसह प्रारूप प्रभाग रचनेचा नकाशा प्रसिद्ध केला जाणार आहे. १० ऑक्टोबर रोजी प्रारूप प्रभाग रचनेची अधिसूचना प्रसिद्ध करण्यात येणार आहे. १० ते २५ ऑक्टोबरदरम्यान प्रभाग रचनेवर नागरिकांच्या हरकती व सूचना मागविण्यात येणार आहेत. महापालिका ४ नोव्हेंबर रोजी हरकती व सूचनांवर सुनावणी घेणार आहे. १० नोव्हेंबर रोजी प्रारूप प्रभाग रचनेवर आलेल्या हरकती व सूचनांच्या सुनावणीचा अहवाल राज्य निवडणूक आयोगाकडे पाठविण्यात येईल. प्रभाग रचनेची अंतिम अधिसूचना २५ नोव्हेंबर रोजी प्रसिद्ध करण्यात येईल. त्यामुळे ७ ऑक्टोबर रोजी कुणाचा प्रभाग कुठल्या प्रभागात जोडण्यात आला आहे, हे स्पष्ट होईल. तसेच दिवाळीनंतरच अंतिम प्रभाग रचना स्पष्ट होणार आहे.
000
असा तयार होईल आराखडा
0 आरक्षणाची तपासणी करून विभागीय आयुक्त प्रारूप प्रभाग रचना १२ सप्टेंबर रोजी राज्य निवडणूक आयोगाकडे पाठवतील.
0 निवडणूक आयोगाकडून तपासणी होऊन २३ सप्टेंबर रोजी प्रभाग रचनेच्या प्रस्तावाला मान्यता देईल.
0 ७ ऑक्टोबर रोजी आरक्षण सोडतीसह प्रारूप प्रभाग रचनेचा नकाशा प्रसिद्ध होईल.
0 १० ऑक्टोबर रोजी प्रारूप प्रभाग रचनेची अधिसूचना प्रसिद्ध होईल.
0 १० ते २५ ऑक्टोबरदरम्यान प्रभाग रचनेवर नागरिकांच्या हरकती व सूचना मागविण्यात येतील.
0 ४ नोव्हेंबर रोजी हरकती व सूचनांवर सुनावणी
0 १० नोव्हेंबर रोजी आलेल्या हरकती व सूचनांच्या सुनावणीचा अहवाल राज्य निवडणूक आयोगाकडे पाठविण्यात येईल.
0 25 नोव्हेंबर रोजी अंतिम अधिसूचना प्रसिद्ध होईल.
0 ७ ऑक्टोबर रोजी कुणाचा प्रभाग कुठल्या प्रभागात जोडण्यात आला आहे हे समजेल.
म. टा. प्रतिनिधी, पिंपरी
चार सदस्यीय पद्धतीने होणाऱ्या निवडणुकांसाठी ३२ प्रभागांचा प्रारूप आराखडा पिंपरी-चिंचवड महापालिका प्रशासनाने तयार केला आहे. आयुक्त दिनेश वाघमारे यांच्या स्वाक्षरीने निवडणूक विभागाचे सहायक आयुक्त डॉ. यशवंत माने यांनी बुधवारी (७ सप्टेंबर) हा आराखडा पुणे विभागीय आयुक्त एस. चोक्कलिंगम यांच्याकडे सोपविला. विभागीय आयुक्त आणि जिल्हाधिकारी आरक्षण तपासणी करून प्रारूप प्रभाग रचनेचा प्रस्ताव १२ सप्टेंबर रोजी राज्य निवडणूक आयोगाकडे पाठविणार आहेत.
महानगरपालिकांच्या फेब्रुवारी २०१७ मध्ये होणाऱ्या सार्वत्रिक निवडणुकांच्या प्रभाग प्रारूप आराखड्याबाबत कमालीची उत्सुकता आहे. निवडणुकीसाठी प्रशासन स्तरावर जोरदार तयारी सुरू असून, प्रभागाचा प्रारूप आराखडा तयार केला आहे. प्रभाग रचनेच्या प्रारूप आराखड्याबाबत अनेकांना उत्सुकता आहे. त्यामुळे अनेक नगरसेवक आणि इच्छुक कार्यकर्ते महापालिकेत याबाबत चौकशी करत होते. प्रत्येक पदाधिकाऱ्याचे आपले 'वजन' वापरून या प्रारूप आराखड्याची माहिती मिळविण्याचे प्रयत्न दिवसभर सुरू होते. परंतु, महापालिका प्रशासनाने प्रभागाच्या प्रारूप आराखड्याबाबत गुप्तता बाळगली आहे. गुगल मॅपच्या आधारे या आरखडा बनविण्यात आला आहे.
आयुक्त दिनेश वाघमारे यांनी प्रभागाचा प्रारूप आराखडा विभागीय आयुक्तांकडे बुधवारी सोपविला. आयुक्तांचे प्रतिनिधी म्हणून सहायक आयुक्त डॉ. यशवंतराव माने यांनी हा आराखडा सादर केला. विभागीय आयुक्त कार्यालयात गुरुवारपासून (८ सप्टेंबर) अनुसूचित जाती व अनुसूचित जमातीकरिता आरक्षणाचा प्रस्ताव तयार केला जाणार आहे. आरक्षणाची तपासणी करून विभागीय आयुक्त प्रारूप प्रभाग रचना १२ सप्टेंबर रोजी राज्य निवडणूक आयोगाकडे पाठविणार आहेत.
निवडणूक आयोग त्याची तपासणी करून २३ सप्टेंबर रोजी प्रभाग रचनेच्या प्रस्तावाला मान्यता देईल. त्यानंतर ७ ऑक्टोबर रोजी आरक्षण सोडतीसह प्रारूप प्रभाग रचनेचा नकाशा प्रसिद्ध केला जाणार आहे. १० ऑक्टोबर रोजी प्रारूप प्रभाग रचनेची अधिसूचना प्रसिद्ध करण्यात येणार आहे. १० ते २५ ऑक्टोबरदरम्यान प्रभाग रचनेवर नागरिकांच्या हरकती व सूचना मागविण्यात येणार आहेत. महापालिका ४ नोव्हेंबर रोजी हरकती व सूचनांवर सुनावणी घेणार आहे. १० नोव्हेंबर रोजी प्रारूप प्रभाग रचनेवर आलेल्या हरकती व सूचनांच्या सुनावणीचा अहवाल राज्य निवडणूक आयोगाकडे पाठविण्यात येईल. प्रभाग रचनेची अंतिम अधिसूचना २५ नोव्हेंबर रोजी प्रसिद्ध करण्यात येईल. त्यामुळे ७ ऑक्टोबर रोजी कुणाचा प्रभाग कुठल्या प्रभागात जोडण्यात आला आहे, हे स्पष्ट होईल. तसेच दिवाळीनंतरच अंतिम प्रभाग रचना स्पष्ट होणार आहे.
000
असा तयार होईल आराखडा
0 आरक्षणाची तपासणी करून विभागीय आयुक्त प्रारूप प्रभाग रचना १२ सप्टेंबर रोजी राज्य निवडणूक आयोगाकडे पाठवतील.
0 निवडणूक आयोगाकडून तपासणी होऊन २३ सप्टेंबर रोजी प्रभाग रचनेच्या प्रस्तावाला मान्यता देईल.
0 ७ ऑक्टोबर रोजी आरक्षण सोडतीसह प्रारूप प्रभाग रचनेचा नकाशा प्रसिद्ध होईल.
0 १० ऑक्टोबर रोजी प्रारूप प्रभाग रचनेची अधिसूचना प्रसिद्ध होईल.
0 १० ते २५ ऑक्टोबरदरम्यान प्रभाग रचनेवर नागरिकांच्या हरकती व सूचना मागविण्यात येतील.
0 ४ नोव्हेंबर रोजी हरकती व सूचनांवर सुनावणी
0 १० नोव्हेंबर रोजी आलेल्या हरकती व सूचनांच्या सुनावणीचा अहवाल राज्य निवडणूक आयोगाकडे पाठविण्यात येईल.
0 25 नोव्हेंबर रोजी अंतिम अधिसूचना प्रसिद्ध होईल.
0 ७ ऑक्टोबर रोजी कुणाचा प्रभाग कुठल्या प्रभागात जोडण्यात आला आहे हे समजेल.