‘आरटीई’ची अंमलबजावणी न केल्याचा ठपका
म. टा. प्रतिनिधी, पुणे
बी. टी. शहानी पूर्व प्राथमिक शाळेवर शिक्षणहक्क कायद्याची (आरटीई) व्यवस्थित अंमलबजावणी न करण्याचा ठपका ठेवून शाळेची मान्यता रद्द करण्याचा प्रस्ताव पुणे महापालिकेच्या शिक्षण मंडळाने जिल्हा परिषदेच्या शिक्षणाधिकाऱ्यांकडे सादर केला आहे. मंडळाने ‘आरटीई‘ अंतर्गत शाळेत प्रवेश घेतलेल्या सहा विद्यार्थ्यांना योग्य ती वागणूक न देण्याचा आणि शिक्षणाच्या अधिकारापासून वंचित ठेवण्याचा ठपका ठेवला आहे, अशी माहिती मंडळाच्या अधिकाऱ्यांनी दिली.
बी. टी. शहानी शाळेत ‘आरटीई’ अंतर्गत सहा विद्यार्थ्यांनी मोठ्या गटात प्रवेश घेतला आहे. शाला प्रशासनाने या विद्यार्थ्यांना मोठ्या गटात न बसविता इयत्ता पहिलीच्या वर्गात बसविले. तसेच, त्यांना दुजाभावाची वागणूक दिली. या पार्श्वभूमीवर संबंधित मुलांच्या पालकांनी अखिल भारतीय समाजवादी अध्यापक सभेच्या माध्यमातून शिक्षण मंडळाकडे तक्रार करण्यात आली, असे सभेचे प्रा. शरद जावडेकर यांनी सांगितले
‘याबाबत शिक्षण मंडळ, शाला प्रशासन, पालक आणि सभेची एकत्रित बैठक घेण्यात आली. बैठकीत मंडळाकडून शाला प्रशासनाला विद्यार्थ्यांची काळजी घेण्याचे आदेश देण्यात आले. त्यावेळी प्रशासनाने विद्यार्थ्यांची काळजी घेण्याचे आश्वासन दिले. मात्र, परिस्थितीत काहीच बदल झाला नाही. त्यामुळे जिल्हा परिषदेच्या शिक्षणाधिकाऱ्यांनी शिक्षण मंडळाच्या आरटीई अधिकारी वैशाली पांढरे यांना पाहणीच्या सूचना केल्या. पांढरे यांनी शाळेला भेट देऊन शिक्षणाधिकाऱ्यांकडे अहवाल सादर केला,’ असे प्रा. जावडेकर यांनी सांगितले. या अहवालानुसार आरटीईची व्यवस्थित अंमलबजावणी न करण्याचा ठपका ठेवून शाळेवर कलम ‘ख’ अंतर्गत कारवाई केली जाईल. तसेच, शाळेची मान्यता रद्द करण्याचा प्रस्ताव जिल्हा परिषदेच्या शिक्षणाधिकाऱ्यांकडे सादर करण्यात आल्याची माहिती देण्यात आली.
‘शिक्षणाधिकारी घेणार निर्णय‘
शिक्षण मंडळाने बी. टी. शहानी इंग्रजी शाळेवर आरटीईची व्यवस्थित अंमलबजावणी न करण्याचा ठपका ठेवला आहे. त्यानुसार शाळेची मान्यता रद्द करण्याचा प्रस्ताव जिल्हा परिषदेच्या शिक्षणाधिकाऱ्यांकडे सादर केला. या प्रस्तावावर जिल्हा परिषदेच्या शिक्षणाधिकारी निर्णय घेतील, असे पांढरे यांनी सांगितले. दरम्यान, या प्रकाराबाबत अधिक माहितीसाठी शाळेच्या मुख्याध्यापिका यांच्याशी संपर्क केला असता तो होऊ शकला नाही.
म. टा. प्रतिनिधी, पुणे
बी. टी. शहानी पूर्व प्राथमिक शाळेवर शिक्षणहक्क कायद्याची (आरटीई) व्यवस्थित अंमलबजावणी न करण्याचा ठपका ठेवून शाळेची मान्यता रद्द करण्याचा प्रस्ताव पुणे महापालिकेच्या शिक्षण मंडळाने जिल्हा परिषदेच्या शिक्षणाधिकाऱ्यांकडे सादर केला आहे. मंडळाने ‘आरटीई‘ अंतर्गत शाळेत प्रवेश घेतलेल्या सहा विद्यार्थ्यांना योग्य ती वागणूक न देण्याचा आणि शिक्षणाच्या अधिकारापासून वंचित ठेवण्याचा ठपका ठेवला आहे, अशी माहिती मंडळाच्या अधिकाऱ्यांनी दिली.
बी. टी. शहानी शाळेत ‘आरटीई’ अंतर्गत सहा विद्यार्थ्यांनी मोठ्या गटात प्रवेश घेतला आहे. शाला प्रशासनाने या विद्यार्थ्यांना मोठ्या गटात न बसविता इयत्ता पहिलीच्या वर्गात बसविले. तसेच, त्यांना दुजाभावाची वागणूक दिली. या पार्श्वभूमीवर संबंधित मुलांच्या पालकांनी अखिल भारतीय समाजवादी अध्यापक सभेच्या माध्यमातून शिक्षण मंडळाकडे तक्रार करण्यात आली, असे सभेचे प्रा. शरद जावडेकर यांनी सांगितले
‘याबाबत शिक्षण मंडळ, शाला प्रशासन, पालक आणि सभेची एकत्रित बैठक घेण्यात आली. बैठकीत मंडळाकडून शाला प्रशासनाला विद्यार्थ्यांची काळजी घेण्याचे आदेश देण्यात आले. त्यावेळी प्रशासनाने विद्यार्थ्यांची काळजी घेण्याचे आश्वासन दिले. मात्र, परिस्थितीत काहीच बदल झाला नाही. त्यामुळे जिल्हा परिषदेच्या शिक्षणाधिकाऱ्यांनी शिक्षण मंडळाच्या आरटीई अधिकारी वैशाली पांढरे यांना पाहणीच्या सूचना केल्या. पांढरे यांनी शाळेला भेट देऊन शिक्षणाधिकाऱ्यांकडे अहवाल सादर केला,’ असे प्रा. जावडेकर यांनी सांगितले. या अहवालानुसार आरटीईची व्यवस्थित अंमलबजावणी न करण्याचा ठपका ठेवून शाळेवर कलम ‘ख’ अंतर्गत कारवाई केली जाईल. तसेच, शाळेची मान्यता रद्द करण्याचा प्रस्ताव जिल्हा परिषदेच्या शिक्षणाधिकाऱ्यांकडे सादर करण्यात आल्याची माहिती देण्यात आली.
‘शिक्षणाधिकारी घेणार निर्णय‘
शिक्षण मंडळाने बी. टी. शहानी इंग्रजी शाळेवर आरटीईची व्यवस्थित अंमलबजावणी न करण्याचा ठपका ठेवला आहे. त्यानुसार शाळेची मान्यता रद्द करण्याचा प्रस्ताव जिल्हा परिषदेच्या शिक्षणाधिकाऱ्यांकडे सादर केला. या प्रस्तावावर जिल्हा परिषदेच्या शिक्षणाधिकारी निर्णय घेतील, असे पांढरे यांनी सांगितले. दरम्यान, या प्रकाराबाबत अधिक माहितीसाठी शाळेच्या मुख्याध्यापिका यांच्याशी संपर्क केला असता तो होऊ शकला नाही.