म. टा. प्रतिनिधी, पिंपरी
आगामी २०२१-२२ च्या आर्थिक वर्षात कोणतीही करवाढ न करता मिळकत कराचे दर 'जैसे थे' ठेवण्याच्या स्थायी समितीच्या शिफारशीवर पिंपरी-चिंचवड महापालिकेच्या सर्वसाधारण सभेने गुरुवारी शिक्कामोर्तब केले. त्यामुळे आगामी आर्थिक वर्षात कोणत्याही प्रकारच्या करांत दरवाढ होणार नसल्याच्या निर्णयामुळे नागरिकांना दिलासा मिळणार आहे.
महापालिकेची आगामी निवडणूक फेब्रुवारी २०२२ मध्ये होणे अपेक्षित आहे. त्यामुळे आगामी आर्थिक वर्षासाठी करांचे दर 'जैसे थे' ठेवण्याचा निर्णय पालिकेने घेतला आहे. महापालिका हद्दीत पाच लाख ३९ हजार १७५ मालमत्तांची नोंदणी आहे. त्यात व्यावसायिक मालमत्तांची संख्या ४७ हजार ६१४, निवासी मालमत्ता सहा लाख ३५ हजार कुटुंब आहेत. त्यामध्ये वार्षिक सरासरी सहा टक्के वाढ होत असल्याचा जनगणनेचा निष्कर्ष आहे.
करयोग्य मूल्याच्या टप्प्यानुसार निवासी मालमत्तांसाठी एक ते १२ हजार रुपयांपर्यंत १३ टक्के, ३० हजारांपर्यंत १६ टक्के आणि तीस हजार आणि त्यापुढील मूल्यासाठी २४ टक्के असे सध्याचे दर आहेत. हेच दर आगामी आर्थिक वर्षात कायम ठेवण्यात आले आहेत. साफसफाई कर, अग्निशमन कर, वृक्षकर आणि शिक्षण कर, निवासेतर करशुल्क 'जैसे थे' ठेवण्यात आले आहेत.
मालमत्ता उतारा, हस्तांतरण नोटीस, प्रशासकीय सेवा, थकबाकी नसल्याचा दाखला देणे यासाठीचे शुल्क आहे तेच राहणार आहे. सामान्य कर 'जैसे थे' ठेवण्याचा प्रस्तावाला मान्यता देऊ नये, अशी शिफारस स्थायी समितीने केली होती. त्याला सर्वसाधारण सभेने मान्यता दिली असून, या निर्णयाची अंमलबजावणी एप्रिलपासून केली जाणार आहे.
आगामी २०२१-२२ च्या आर्थिक वर्षात कोणतीही करवाढ न करता मिळकत कराचे दर 'जैसे थे' ठेवण्याच्या स्थायी समितीच्या शिफारशीवर पिंपरी-चिंचवड महापालिकेच्या सर्वसाधारण सभेने गुरुवारी शिक्कामोर्तब केले. त्यामुळे आगामी आर्थिक वर्षात कोणत्याही प्रकारच्या करांत दरवाढ होणार नसल्याच्या निर्णयामुळे नागरिकांना दिलासा मिळणार आहे.
महापालिकेची आगामी निवडणूक फेब्रुवारी २०२२ मध्ये होणे अपेक्षित आहे. त्यामुळे आगामी आर्थिक वर्षासाठी करांचे दर 'जैसे थे' ठेवण्याचा निर्णय पालिकेने घेतला आहे. महापालिका हद्दीत पाच लाख ३९ हजार १७५ मालमत्तांची नोंदणी आहे. त्यात व्यावसायिक मालमत्तांची संख्या ४७ हजार ६१४, निवासी मालमत्ता सहा लाख ३५ हजार कुटुंब आहेत. त्यामध्ये वार्षिक सरासरी सहा टक्के वाढ होत असल्याचा जनगणनेचा निष्कर्ष आहे.
करयोग्य मूल्याच्या टप्प्यानुसार निवासी मालमत्तांसाठी एक ते १२ हजार रुपयांपर्यंत १३ टक्के, ३० हजारांपर्यंत १६ टक्के आणि तीस हजार आणि त्यापुढील मूल्यासाठी २४ टक्के असे सध्याचे दर आहेत. हेच दर आगामी आर्थिक वर्षात कायम ठेवण्यात आले आहेत. साफसफाई कर, अग्निशमन कर, वृक्षकर आणि शिक्षण कर, निवासेतर करशुल्क 'जैसे थे' ठेवण्यात आले आहेत.
मालमत्ता उतारा, हस्तांतरण नोटीस, प्रशासकीय सेवा, थकबाकी नसल्याचा दाखला देणे यासाठीचे शुल्क आहे तेच राहणार आहे. सामान्य कर 'जैसे थे' ठेवण्याचा प्रस्तावाला मान्यता देऊ नये, अशी शिफारस स्थायी समितीने केली होती. त्याला सर्वसाधारण सभेने मान्यता दिली असून, या निर्णयाची अंमलबजावणी एप्रिलपासून केली जाणार आहे.