सेक्स रॅकेटमधील ३ अभिनेत्रींची सुटका; पिंपरी चिंचवड पोलिसांची मोठी कारवाई

पिंपरी चिंचवड : वाकड परिसरातील मोठ्या सेक्स रॅकेटचा पर्दाफाश करण्यात आला आहे. यावेळी छत्तीसगढी गाण्यांचे अल्बम आणि स्टेज शोमध्ये काम करणाऱ्या अभिनेत्री व इतर दोन मुलींची जबरदस्तीच्या वेश्याव्यवसायातून पोलिसांनी सुटका केली आहे. पिंपरी चिंचवड पोलिसांनी ही कारवाई केली असून वैयक्तिक फायद्यासाठी वाकड परिसरात अभिनेत्रींकडून वेश्याव्यवसाय करवून घेणाऱ्या दलालांवरही कारवाई करण्यात आली आहे. (Pune Sex Racket)

पिंपरी चिंचवड पोलिसांनी सापळा रचून बनावट ग्राहक पाठवत या रॅकेटचा पर्दाफाश केला असून यातून तीन पीडित मुलींची सुटका करण्यात आली आहे. हा सर्व प्रकार वाकड पोलीस स्टेशनच्या हद्दीत घडला असून पोलिसांनी पाच गुन्हेगारांना ताब्यात घेतलं आहे. जितेंद्र हस्तीमल बोकडीया, हेमंत साहू, मुकेश केसवाणी, करण, युसुफ शेख आणि त्यांच्या काही साथीदारांना पोलिसांनी अटक केली आहे.

Russia Ukraine War: रशियाचे १ हजार सैनिक ठार; युक्रेनच्या 'या' गनिमी काव्याने पुतीन हादरले!

पीडित अभिनेत्रींपैकी एक महिला छत्तीसगडची आहे तर उर्वरित दोन महिला राजस्थान आणि मुंबईच्या आहेत. या सर्व महिला आपला उदरनिर्वाह करण्यासाठी छत्तीसगढी गाण्यांच्या अल्बम आणि स्टेज शोमध्ये काम करत होत्या. मात्र आरोपीने जास्त पैशांचं आमिष दाखवून या अभिनेत्रींना वेश्याव्यवसायात आणलं.

दरम्यान, आरोपींच्या ताब्यातून आतापर्यंत १० हजार रुपयांची रोकड, जवळपास ९ हजार रुपये किमतीचे दोन मोबाईल असा मुद्देमाल जप्त केला असून पुढील तपास पिंपरी चिंचवड पोलीस करत आहेत.