म. टा. प्रतिनिधी, पुणे
'प्लास्टर ऑफ पॅरिस'च्या (पीओपी) गणेश मूर्तींवर यंदापासून पूर्णपणे बंदी घालण्यात आली आहे. राज्य प्रदूषण नियंत्रण महामंडळाने (एमपीसीबी) या आदेशाची अंमलबजावणी करण्याचे आदेश महापालिकांना दिले आहेत. मात्र, अंमलबजावणीबाबत पालिका उदासीन असल्याने यंदाही 'पीओपी'च्याच मूर्तींचा वापर होण्याची दाट शक्यता आहे.
यंदा ३१ ऑगस्टला गणेश चतुर्थी असून, घरोघर; तसेच सार्वजनिक गणेशोत्सव मंडळात गणरायांचे आगमन होणार आहे. त्यामुळे सध्या शहराबरोबरच राज्याच्या विविध भागांत गणेशमूर्ती निर्मितीला वेग आला आहे. प्रदूषण नियंत्रण महामंडळाने यंदापासून 'पीओपी'च्या गणेशमूर्ती विक्रीवर पूर्णपणे बंदी घातली आहे. निर्णयाच्या अंमलबजावणीचे आदेश महापालिकांना दिले आहेत.
पर्यावरणाशी संबंधित निर्णयांची अंमलबजावणी पर्यावरण विभागातर्फे करण्यात येते. गणेशमूर्ती विक्रीच्या स्टॉलना अतिक्रमण आणि मालमत्ता व्यवस्थापन विभागाकडून परवानगी देण्यात येते. घनकचरा; तसेच पर्यावरण संदर्भात कारवाई घनकचरा व्यवस्थापन विभागाकडून केली जाते. त्यामुळे नेमक्या कोणत्या विभागाने ही कारवाई करायची, याबाबतचा निर्णय प्रलंबित आहे. पर्यावरण विभागाकडून; तसेच घनकचरा व्यवस्थापन विभागाकडून कारवाईच्या सूचना क्षेत्रीय अधिकाऱ्यांना देण्यात आल्या आहेत. मात्र, कारवाईचे नेमके स्वरूप कसे असेल, विक्रेत्यांशी संपर्क साधून त्यांना सूचना कोणी द्यायच्या याबाबत संदिग्धता असल्याने क्षेत्रीय कार्यालयांनीही हात वर केले आहेत.
'पीओपी'च्या मूर्तींमुळे होणारे प्रदूषण रोखण्यासाठी नागरिकांना दर वर्षी अमोनियम बायोकार्बोनेट देण्यात येत होते. दर वर्षी महापालिका जवळपास शंभर टन अमोनियम बायकार्बोनेटची खरेदी करीत होती. मात्र, यंदा 'पीओपी'च्या मूर्ती विक्रीवर बंदी घालण्यात आल्याने यंदा अमोनियम बायोकार्बोनेटची खरेदी होणार नसल्याचे महापालिकेच्या घनकचरा व्यवस्थापन विभागाच्या प्रमुख आशा राऊत यांनी सांगितले. पर्यावरण विभागाने दिलेल्या सूचनेनुसार, क्षेत्रीय कार्यालयांनाही पत्र पाठवून आदेशाची अंमलबजावणी करण्याविषयी बजावण्यात आल्याचे त्यांनी सांगितले.
...
प्लास्टर ऑफ पॅरिसच्या गणेशमूर्तींबाबतच्या निर्णयाची अंमलबजावणी कोणी आणि कशी करावी, या निर्णयाचे उल्लंघन झाल्यास काय कारवाई करावी, याबाबत सर्व संबंधित विभागांची संयुक्त बैठक लवकरच घेण्यात येईल.
- मंगेश दिघे, पर्यावरण अधिकारी, पुणे महापालिका
'प्लास्टर ऑफ पॅरिस'च्या (पीओपी) गणेश मूर्तींवर यंदापासून पूर्णपणे बंदी घालण्यात आली आहे. राज्य प्रदूषण नियंत्रण महामंडळाने (एमपीसीबी) या आदेशाची अंमलबजावणी करण्याचे आदेश महापालिकांना दिले आहेत. मात्र, अंमलबजावणीबाबत पालिका उदासीन असल्याने यंदाही 'पीओपी'च्याच मूर्तींचा वापर होण्याची दाट शक्यता आहे.
यंदा ३१ ऑगस्टला गणेश चतुर्थी असून, घरोघर; तसेच सार्वजनिक गणेशोत्सव मंडळात गणरायांचे आगमन होणार आहे. त्यामुळे सध्या शहराबरोबरच राज्याच्या विविध भागांत गणेशमूर्ती निर्मितीला वेग आला आहे. प्रदूषण नियंत्रण महामंडळाने यंदापासून 'पीओपी'च्या गणेशमूर्ती विक्रीवर पूर्णपणे बंदी घातली आहे. निर्णयाच्या अंमलबजावणीचे आदेश महापालिकांना दिले आहेत.
पर्यावरणाशी संबंधित निर्णयांची अंमलबजावणी पर्यावरण विभागातर्फे करण्यात येते. गणेशमूर्ती विक्रीच्या स्टॉलना अतिक्रमण आणि मालमत्ता व्यवस्थापन विभागाकडून परवानगी देण्यात येते. घनकचरा; तसेच पर्यावरण संदर्भात कारवाई घनकचरा व्यवस्थापन विभागाकडून केली जाते. त्यामुळे नेमक्या कोणत्या विभागाने ही कारवाई करायची, याबाबतचा निर्णय प्रलंबित आहे. पर्यावरण विभागाकडून; तसेच घनकचरा व्यवस्थापन विभागाकडून कारवाईच्या सूचना क्षेत्रीय अधिकाऱ्यांना देण्यात आल्या आहेत. मात्र, कारवाईचे नेमके स्वरूप कसे असेल, विक्रेत्यांशी संपर्क साधून त्यांना सूचना कोणी द्यायच्या याबाबत संदिग्धता असल्याने क्षेत्रीय कार्यालयांनीही हात वर केले आहेत.
'पीओपी'च्या मूर्तींमुळे होणारे प्रदूषण रोखण्यासाठी नागरिकांना दर वर्षी अमोनियम बायोकार्बोनेट देण्यात येत होते. दर वर्षी महापालिका जवळपास शंभर टन अमोनियम बायकार्बोनेटची खरेदी करीत होती. मात्र, यंदा 'पीओपी'च्या मूर्ती विक्रीवर बंदी घालण्यात आल्याने यंदा अमोनियम बायोकार्बोनेटची खरेदी होणार नसल्याचे महापालिकेच्या घनकचरा व्यवस्थापन विभागाच्या प्रमुख आशा राऊत यांनी सांगितले. पर्यावरण विभागाने दिलेल्या सूचनेनुसार, क्षेत्रीय कार्यालयांनाही पत्र पाठवून आदेशाची अंमलबजावणी करण्याविषयी बजावण्यात आल्याचे त्यांनी सांगितले.
...
प्लास्टर ऑफ पॅरिसच्या गणेशमूर्तींबाबतच्या निर्णयाची अंमलबजावणी कोणी आणि कशी करावी, या निर्णयाचे उल्लंघन झाल्यास काय कारवाई करावी, याबाबत सर्व संबंधित विभागांची संयुक्त बैठक लवकरच घेण्यात येईल.
- मंगेश दिघे, पर्यावरण अधिकारी, पुणे महापालिका