अ‍ॅपशहर

मंतरवाडीतील गोदामाला आग

मंतरवाडी येथील प्लास्टिकच्या भंगारच्या गोदामाला बुधवारी पहाटे दोन वाजता आग लागल्याचा प्रकार घडला.

Maharashtra Times 21 Dec 2017, 3:00 am
म. टा. प्रतिनिधी, हडपसर
महाराष्ट्र टाइम्स.कॉम plastic godown caught fire in mantarwadi in pune
मंतरवाडीतील गोदामाला आग

मंतरवाडी येथील प्लास्टिकच्या भंगारच्या गोदामाला बुधवारी पहाटे दोन वाजता आग लागल्याचा प्रकार घडला. आगीमध्ये दोन दुचाकी व दोन ट्रक जळून खाक झाले आहेत. अग्निशामक दलाचे सहा बंब आणि ग्रामीण भागातील पाण्याच्या टँकरच्या मदतीने १२ तासांनी ही आग आटोक्यात आणण्यात आली. आगीचे कारण बुधवारी रात्री उशिरापर्यंत समजू शकले नाही.

अग्निशामक दलाच्या जवानांनी दिलेल्या माहितीनुसार, उरुळी देवाची मंतरवाडी येथील भंगाराच्या गोदामाला पहाटे दोन वाजता आग लागली. ‘लकी एन्टरप्रायजेस’ असे गोदामाचे नाव आहे. अचानक आग लागल्यामुळे शेजारी राहणाऱ्या सोसायटीतील रहिवाशांनी पळ काढला. आगीमुळे गोदामात प्लास्टिक वितळून बाहेर येत होते. त्यामुळे आगीवर नियंत्रण मिळवताना अग्निशामक दलाला अडचण येत होती. मंतरवाडी येथील नागरिकांनी गावातील पाण्याचे टँकर आणून आग आटोक्यात आणण्याचे प्रयत्न केले.

कोंढवा अग्निशामक केंद्राचे तीन व हडपसर विभागाचे दोन असे पाच बंब, पाण्याचे टँकर घटनास्थळी दाखल झाले. कोंढवा केंद्राचे सुभाष जाधव, हडपसर केंद्राचे शिवाजी चव्हाण, मारुती शेलार, संजय चौरे, सखाराम पवार, मंगेश टकले, बापू अडागळे, सुदाम झगडे, बाळासाहेब कामठे, नारायण जगताप, पंकज जगताप, अनिल गायकवाड, अभिजित होळकर, अभिजित कोणगेकर यांनी अथक प्रयत्न करून दुपारी तीन वाजेपर्यंत आग पूर्णपणे नियंत्रणात आणली.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज