पिंपरी : पंतप्रधान नरेंद्र मोदी १४ जून रोजी देहूत येणार असून त्यांच्या हस्ते शिळा मंदिर, तुकोबांच्या मूर्तीचे लोकार्पण होणार आहे. या पार्श्वभूमीवर पुणे आणि पिंपरी चिंचवड परिसरात पंतप्रधान मोदी यांच्या स्वागतासाठी भाजपच्या पदाधिकाऱ्यांकडून जोरदार तयारी सुरू असून अनेक ठिकाणी पोस्टर्स लावण्यात आली आहेत. मात्र यातील एका पोस्टरवरून जोरदार वाद निर्माण झाला असून विठ्ठलापेक्षा नरेंद्र मोदी यांचा मोठा फोटो लावण्यात आल्याचं सांगत राष्ट्रवादी काँग्रेसकडून भाजपवर निशाणा साधण्यात आला.
'संत ज्ञानेश्वर महाराजांनी वारकरी संप्रदायाचा पाया रचून संत तुकाराम महाराजांनी यावर कळस चढवला. पिंपरी चिंचवड येथे भाजपने जाणीवपूर्वक मोदींचा फोटो पांडुरंगापेक्षा जाणीवपूर्वक मोठा दाखवून संप्रदायाचा अवमान केला आहे,' असा आरोप राष्ट्रवादीचे प्रवक्ते रविकांत वरपे यांनी केला. तसंच याप्रकरणी भाजपने माफी मागावी अशी मागणीही वरपे यांच्याकडून करण्यात आली.
'विटेवरी उभा पांडुरंगापेक्षा मोठा कोणीही नाही. पिं-चिंचवड भाजप पदाधिकाऱ्यांनी जाणीवपूर्वक मोदींना विठ्ठलापेक्षाही मोठे दाखवलं आहे. याबद्दल भाजपने पांडुरंगापुढे लोटांगण घालून माफी मागावी,' असं रविकांत वरपे म्हणाले. त्यावर भाजपनेही जोरदार प्रत्युत्तर देत राष्ट्रवादी जाणीवपूर्वक हा वाद निर्माण करत असल्याचं म्हटलं आहे.
मंदिर १४ जूनपर्यंत भाविकांसाठी बंद
देहूतील जगद्गुरू संत तुकाराम महाराज मंदिर मंगळवारपर्यंत (१४ जून) भाविकांना दर्शनासाठी बंद ठेण्यात येणार आहे. पंतप्रधानांच्या दौऱ्याच्या पार्श्वभूमीवर सुरक्षेच्या दृष्टीने रविवारी (१२ जून) सकाळी ८ ते १४ जून सायंकाळी पाच वाजेपर्यंत मंदिर बंद राहणार आहे. या काळात नागरिकांना मंदिराच्या बाहेरून महाराजांचे दर्शन घेता येणार आहे, अशी माहिती देवस्थानचे विश्वस्त नितीन महाराज मोरे यांनी काही दिवसांपूर्वी दिली.
महंतांना निमंत्रण
वैजापूर श्री. क्षेत्र सरला बेटाचे महंत रामगिरीजी महाराज व देवगड संस्थानचे महंत भास्करगिरीजी महाराज यांना पंतप्रधान नरेंद्र मोदी यांच्या उपस्थितीत १४ जुन रोजी देहू (पुणे) येथे होत असलेल्या जगद्गुरू संत तुकाराम महाराज यांच्या शिळा मंदिर लोकार्पण सोहळ्याचे विशेष निमंत्रण देण्यात आलं आहे.
देहू येथे जगद्गुरू संत तुकाराम महाराज यांच्या शिळा मंदिर लोकार्पण सोहळ्यासाठी पंतप्रधान नरेंद्र मोदी यांचे प्रथमच देहू नगरीत आगमन होत आहे. या सोहळ्यासाठी देहू संस्थानने व उत्सव समितीच्या वतीने नगर, नाशिक, औरंगाबाद या जिल्ह्यांमधून संत-महंतांचे प्रतिनिधी म्हणून श्रीक्षेत्र सरला बेटाचे महंत रामगिरीजी महाराज आणि श्रीक्षेत्र देवगड संस्थानचे महंत भास्करगिरी जी महाराज यांना विशेष निमंत्रित करण्यात आलं आहे.
'संत ज्ञानेश्वर महाराजांनी वारकरी संप्रदायाचा पाया रचून संत तुकाराम महाराजांनी यावर कळस चढवला. पिंपरी चिंचवड येथे भाजपने जाणीवपूर्वक मोदींचा फोटो पांडुरंगापेक्षा जाणीवपूर्वक मोठा दाखवून संप्रदायाचा अवमान केला आहे,' असा आरोप राष्ट्रवादीचे प्रवक्ते रविकांत वरपे यांनी केला. तसंच याप्रकरणी भाजपने माफी मागावी अशी मागणीही वरपे यांच्याकडून करण्यात आली.
'विटेवरी उभा पांडुरंगापेक्षा मोठा कोणीही नाही. पिं-चिंचवड भाजप पदाधिकाऱ्यांनी जाणीवपूर्वक मोदींना विठ्ठलापेक्षाही मोठे दाखवलं आहे. याबद्दल भाजपने पांडुरंगापुढे लोटांगण घालून माफी मागावी,' असं रविकांत वरपे म्हणाले. त्यावर भाजपनेही जोरदार प्रत्युत्तर देत राष्ट्रवादी जाणीवपूर्वक हा वाद निर्माण करत असल्याचं म्हटलं आहे.
मंदिर १४ जूनपर्यंत भाविकांसाठी बंद
देहूतील जगद्गुरू संत तुकाराम महाराज मंदिर मंगळवारपर्यंत (१४ जून) भाविकांना दर्शनासाठी बंद ठेण्यात येणार आहे. पंतप्रधानांच्या दौऱ्याच्या पार्श्वभूमीवर सुरक्षेच्या दृष्टीने रविवारी (१२ जून) सकाळी ८ ते १४ जून सायंकाळी पाच वाजेपर्यंत मंदिर बंद राहणार आहे. या काळात नागरिकांना मंदिराच्या बाहेरून महाराजांचे दर्शन घेता येणार आहे, अशी माहिती देवस्थानचे विश्वस्त नितीन महाराज मोरे यांनी काही दिवसांपूर्वी दिली.
महंतांना निमंत्रण
वैजापूर श्री. क्षेत्र सरला बेटाचे महंत रामगिरीजी महाराज व देवगड संस्थानचे महंत भास्करगिरीजी महाराज यांना पंतप्रधान नरेंद्र मोदी यांच्या उपस्थितीत १४ जुन रोजी देहू (पुणे) येथे होत असलेल्या जगद्गुरू संत तुकाराम महाराज यांच्या शिळा मंदिर लोकार्पण सोहळ्याचे विशेष निमंत्रण देण्यात आलं आहे.
देहू येथे जगद्गुरू संत तुकाराम महाराज यांच्या शिळा मंदिर लोकार्पण सोहळ्यासाठी पंतप्रधान नरेंद्र मोदी यांचे प्रथमच देहू नगरीत आगमन होत आहे. या सोहळ्यासाठी देहू संस्थानने व उत्सव समितीच्या वतीने नगर, नाशिक, औरंगाबाद या जिल्ह्यांमधून संत-महंतांचे प्रतिनिधी म्हणून श्रीक्षेत्र सरला बेटाचे महंत रामगिरीजी महाराज आणि श्रीक्षेत्र देवगड संस्थानचे महंत भास्करगिरी जी महाराज यांना विशेष निमंत्रित करण्यात आलं आहे.