दुकानांचे नियमबाह्य फलक हटविण्याचे पालिका आयुक्तांचे आदेश
म. टा. प्रतिनिधी, पुणे
शहरातील व्यावसायिकांनी आपल्या दुकानाच्या बाहेर नियम डावलून लावलेल्या नामफलकांवर तातडीने कारवाई करण्याचे आदेश महापालिका आयुक्त कुणाल कुमार यांनी दिले आहेत. पंधरा क्षेत्रीय आयुक्तांना हे आदेश देण्यात आले आहेत. बहुतांश दुकानांच्या बाहेर नामफलक लावताना अनेक व्यावसायिकांनी नियमांचे उल्लंघन केल्याने आयुक्त कुमार यांनी हे आदेश काढले आहेत.
आपल्या व्यवसायाच्या माहितीसाठी लावण्यात येणाऱ्या नामफलकांची परवानगी देण्याचे अधिकार क्षेत्रीय कार्यालयाच्या हद्दीनुसार संबधित क्षेत्रीय कार्यालयाच्या सहायक आयुक्तांना देण्यात आले आहेत. दुकानदारांना स्वत:च्या व्यवसायाची माहिती देण्यासाठी करण्यात येणाऱ्या जाहिरातीमध्ये आकाशचिन्हाचा वापर
करायचा असेल आणि ही जागा मालकीची, भाडेतत्त्वावर घेतलेली असेल, तर किरकोळ जाहिरातीसाठी आयुक्तांची मान्यता घेण्याची गरज नाही. तसेच त्याचे शुल्कही भरण्याची गरज नसल्याचे राज्य सरकारचे परिपत्रक आहे. मात्र, याचा योग्य तो अर्थ पालिकेच्या क्षेत्रीय आयुक्तांनी न लावल्याने नियम डावलून अनेक दुकानदारांनी उंच आणि मोठ्या आकाराचे जाहिरात फलक लावले असल्याच्या तक्रारी नागरिकांकडून, तसेच विविध स्तरातून पालिकेकडे करण्यात आल्या आहेत. याची शहानिशा केल्यानंतर यामध्ये तथ्य असल्याचे समोर आले आहे. त्यामुळे बेकायदा आणि चुकीच्या पद्धतीने लावण्यात आलेल्या दुकानांच्या नामफलकांवर तातडीने कारवाई करावी, असे आदेश आयुक्तांनी पंधरा क्षेत्रीय कार्यालयांना दिले आहेत.
व्यावसायिकांनी आपल्या दुकानाच्या बाहेर दुकानाच्या लांबी एवढाच लांब फलक लावता येणार आहे. तसेच त्याची उंची तीन मीटरपेक्षा उंच असता कामा नये. अशा पद्धतीचा एकच फलक दुकानाच्या दर्शनी भागात विनाशुल्क लावण्याची परवानगी असणार आहे.
म. टा. प्रतिनिधी, पुणे
शहरातील व्यावसायिकांनी आपल्या दुकानाच्या बाहेर नियम डावलून लावलेल्या नामफलकांवर तातडीने कारवाई करण्याचे आदेश महापालिका आयुक्त कुणाल कुमार यांनी दिले आहेत. पंधरा क्षेत्रीय आयुक्तांना हे आदेश देण्यात आले आहेत. बहुतांश दुकानांच्या बाहेर नामफलक लावताना अनेक व्यावसायिकांनी नियमांचे उल्लंघन केल्याने आयुक्त कुमार यांनी हे आदेश काढले आहेत.
आपल्या व्यवसायाच्या माहितीसाठी लावण्यात येणाऱ्या नामफलकांची परवानगी देण्याचे अधिकार क्षेत्रीय कार्यालयाच्या हद्दीनुसार संबधित क्षेत्रीय कार्यालयाच्या सहायक आयुक्तांना देण्यात आले आहेत. दुकानदारांना स्वत:च्या व्यवसायाची माहिती देण्यासाठी करण्यात येणाऱ्या जाहिरातीमध्ये आकाशचिन्हाचा वापर
करायचा असेल आणि ही जागा मालकीची, भाडेतत्त्वावर घेतलेली असेल, तर किरकोळ जाहिरातीसाठी आयुक्तांची मान्यता घेण्याची गरज नाही. तसेच त्याचे शुल्कही भरण्याची गरज नसल्याचे राज्य सरकारचे परिपत्रक आहे. मात्र, याचा योग्य तो अर्थ पालिकेच्या क्षेत्रीय आयुक्तांनी न लावल्याने नियम डावलून अनेक दुकानदारांनी उंच आणि मोठ्या आकाराचे जाहिरात फलक लावले असल्याच्या तक्रारी नागरिकांकडून, तसेच विविध स्तरातून पालिकेकडे करण्यात आल्या आहेत. याची शहानिशा केल्यानंतर यामध्ये तथ्य असल्याचे समोर आले आहे. त्यामुळे बेकायदा आणि चुकीच्या पद्धतीने लावण्यात आलेल्या दुकानांच्या नामफलकांवर तातडीने कारवाई करावी, असे आदेश आयुक्तांनी पंधरा क्षेत्रीय कार्यालयांना दिले आहेत.
व्यावसायिकांनी आपल्या दुकानाच्या बाहेर दुकानाच्या लांबी एवढाच लांब फलक लावता येणार आहे. तसेच त्याची उंची तीन मीटरपेक्षा उंच असता कामा नये. अशा पद्धतीचा एकच फलक दुकानाच्या दर्शनी भागात विनाशुल्क लावण्याची परवानगी असणार आहे.