म. टा. प्रतिनिधी, पुणे
अग्निशमन दलासाठी अत्याधुनिक ‘डिजिटल कंट्रोल’ रूम तयार करण्याचा निर्णय महापालिकेने घेतला असून त्यासाठी एक कोटी रुपये खर्च करण्यात येणार आहेत. ‘डिजिटल कंट्रोलरूम’बरोबरच संदेश वहनासाठी ‘डिजिटल वायरलेस’ सुविधाही अग्निशमन दलाला पुरविण्यात येणार आहे. गणपती विसर्जन मिरवणुकीत ही ‘डिजिटल वायरलेस’ सुविधा प्रायोगिक तत्त्वावर वापरण्यातही आली आहे.
अग्निशमन दलासाठी अत्याधुनिक ‘डिजिटल कंट्रोल’ रूम तयार करण्याचा निर्णय घेण्यात आला असून स्थायी समितीचे अध्यक्ष मुरलीधर मोहोळ यांनी त्यासाठी एक कोटी रुपयांची तरतूद केली आहे. या अत्याधुनिक कंट्रोल रूमबरोबरच ‘क्विक रिस्पॉन्स व्हेइकल’ची खरेदी करण्यासाठी महापालिकेने पावले उचलली आहेत.
अग्निशमन दलाने अत्याधुनिक ‘डिजिटल कंट्रोल’ रूमची गरज नोंदवली होती. त्यासाठी स्वतंत्र रूम, त्यामध्ये मोठी ‘एलईडी वॉल’, त्यावर अग्निशमन दलाची असणारी वाहनांचे लोकेशन्स, आग लागलेल्या घटनास्थळी सुरू असलेली धावपळ, त्यांच्यात होणारे संभाषण या सर्वांमध्ये सुसूत्रता आणण्यासाठी या कंट्रोल रूमचा महत्वाचा वाटा असणार आहे. नागरिकांकडून आग लागल्याची वर्दी देण्यात येते. सध्या हे फोन स्वीकारण्यात येत असले तरी फोन करणाऱ्या व्यक्तींबाबत फारशी माहिती राहत नाही. या कंट्रोल रूमनुसार वर्दी देणारे फोन रेकॉर्ड होणार आहेत.
अग्निशमन दलामधील अर्तंगत संदेशवहनासाठी महाराष्ट्र पोलिसांच्या धर्तीवर वायरलेस सुविधा निर्माण करण्यात येणार आहे. त्यासाठी महाराष्ट्र पोलिस दलाच्या बिनतारी संदेश विभागाकडून अभिप्राय मागविण्यात आला होता. या अभिप्रायानुसार एका एजन्सीने प्रायोगिक तत्त्वावर संदेश वहन करणारी यंत्रणा कसे काम करेल, याची प्रायोगिक चाचणी गणपती विसर्जन मिरवणुकीत घेण्यात आली असल्याचे मोहोळ म्हणाले.
अग्निशमन केंद्र हा अत्यंत महत्त्वाचा विभाग असून त्याच्या आधुनिकीकरणासाठी महापालिकेकडून ठोस पावले उचलण्यात येत आहेत. अत्याधुनिक कंट्रोल रूमबरोबरच आणखी काही वाहने, साधने ही अग्निशमन केंद्राने सुचविली असून ती त्यांना मिळवून देण्यासाठी प्रयत्न सुरू आहेत. येत्या काही दिवसांत अत्याधुनिक कंट्रोल रूम बनविण्यासाठी आवश्यक ती कार्यवाही पूर्ण होऊन प्रत्यक्ष कामास सुरुवात होईल, असा विश्वास मोहोळ यांनी व्यक्त केला.
काय बदल होणार?
- सुस्पष्ट संदेशवहन
- दुर्घटनास्थळाजवळील अग्निशमन केंद्रास (दलास) तत्काळ घटनेची माहिती मिळणार.
- दुर्घटनेची माहिती देणाऱ्या नागरिकाचा फोन क्रमांक, त्या वेळी होणारे संभाषण रेकॉर्ड होणार.
- अग्निशमन वाहनांचे जीपीएस ट्रॅकिंग होणार.
- घटनास्थळावरील व्हिडीओ रेकॉर्डिंग, तसेच त्याचे प्रसारण करणे शक्य होणार.
अग्निशमन दलासाठी अत्याधुनिक ‘डिजिटल कंट्रोल’ रूम तयार करण्याचा निर्णय महापालिकेने घेतला असून त्यासाठी एक कोटी रुपये खर्च करण्यात येणार आहेत. ‘डिजिटल कंट्रोलरूम’बरोबरच संदेश वहनासाठी ‘डिजिटल वायरलेस’ सुविधाही अग्निशमन दलाला पुरविण्यात येणार आहे. गणपती विसर्जन मिरवणुकीत ही ‘डिजिटल वायरलेस’ सुविधा प्रायोगिक तत्त्वावर वापरण्यातही आली आहे.
अग्निशमन दलासाठी अत्याधुनिक ‘डिजिटल कंट्रोल’ रूम तयार करण्याचा निर्णय घेण्यात आला असून स्थायी समितीचे अध्यक्ष मुरलीधर मोहोळ यांनी त्यासाठी एक कोटी रुपयांची तरतूद केली आहे. या अत्याधुनिक कंट्रोल रूमबरोबरच ‘क्विक रिस्पॉन्स व्हेइकल’ची खरेदी करण्यासाठी महापालिकेने पावले उचलली आहेत.
अग्निशमन दलाने अत्याधुनिक ‘डिजिटल कंट्रोल’ रूमची गरज नोंदवली होती. त्यासाठी स्वतंत्र रूम, त्यामध्ये मोठी ‘एलईडी वॉल’, त्यावर अग्निशमन दलाची असणारी वाहनांचे लोकेशन्स, आग लागलेल्या घटनास्थळी सुरू असलेली धावपळ, त्यांच्यात होणारे संभाषण या सर्वांमध्ये सुसूत्रता आणण्यासाठी या कंट्रोल रूमचा महत्वाचा वाटा असणार आहे. नागरिकांकडून आग लागल्याची वर्दी देण्यात येते. सध्या हे फोन स्वीकारण्यात येत असले तरी फोन करणाऱ्या व्यक्तींबाबत फारशी माहिती राहत नाही. या कंट्रोल रूमनुसार वर्दी देणारे फोन रेकॉर्ड होणार आहेत.
अग्निशमन दलामधील अर्तंगत संदेशवहनासाठी महाराष्ट्र पोलिसांच्या धर्तीवर वायरलेस सुविधा निर्माण करण्यात येणार आहे. त्यासाठी महाराष्ट्र पोलिस दलाच्या बिनतारी संदेश विभागाकडून अभिप्राय मागविण्यात आला होता. या अभिप्रायानुसार एका एजन्सीने प्रायोगिक तत्त्वावर संदेश वहन करणारी यंत्रणा कसे काम करेल, याची प्रायोगिक चाचणी गणपती विसर्जन मिरवणुकीत घेण्यात आली असल्याचे मोहोळ म्हणाले.
अग्निशमन केंद्र हा अत्यंत महत्त्वाचा विभाग असून त्याच्या आधुनिकीकरणासाठी महापालिकेकडून ठोस पावले उचलण्यात येत आहेत. अत्याधुनिक कंट्रोल रूमबरोबरच आणखी काही वाहने, साधने ही अग्निशमन केंद्राने सुचविली असून ती त्यांना मिळवून देण्यासाठी प्रयत्न सुरू आहेत. येत्या काही दिवसांत अत्याधुनिक कंट्रोल रूम बनविण्यासाठी आवश्यक ती कार्यवाही पूर्ण होऊन प्रत्यक्ष कामास सुरुवात होईल, असा विश्वास मोहोळ यांनी व्यक्त केला.
काय बदल होणार?
- सुस्पष्ट संदेशवहन
- दुर्घटनास्थळाजवळील अग्निशमन केंद्रास (दलास) तत्काळ घटनेची माहिती मिळणार.
- दुर्घटनेची माहिती देणाऱ्या नागरिकाचा फोन क्रमांक, त्या वेळी होणारे संभाषण रेकॉर्ड होणार.
- अग्निशमन वाहनांचे जीपीएस ट्रॅकिंग होणार.
- घटनास्थळावरील व्हिडीओ रेकॉर्डिंग, तसेच त्याचे प्रसारण करणे शक्य होणार.