सहा महिन्यांत आराखडा पूर्ण करण्याचे उद्दिष्ट
म. टा. प्रतिनिधी, पुणे
पुणे महानगर प्रदेश विकास प्राधिकरणाच्या (पीएमआरडीए) हद्दीत विविध वाहतूक साधनांचा भविष्यातील वापर कशाप्रकारे होईल, याचे नियोजन करण्यासाठी सर्वंकष वाहतूक आराखडा (मोबिलिटी प्लॅन) तयार करण्याचा निर्णय घेण्यात आला आहे. पुणे व पिंपरी-चिंचवड महापालिकांसह राष्ट्रीय महामार्ग प्राधिकरण, राज्य रस्ते विकास महामंडळ, राज्य परिवहन महामंडळ आणि इतर संबंधित घटकांशी समन्वय साधून हा आराखडा तयार करण्याचे उद्दिष्ट पीएमआरडीएने निश्चित केले आहे.
मुख्यमंत्री देवेंद्र फडणवीस यांच्या अध्यक्षतेखाली झालेल्या ‘पीएमआरडीए’च्या बैठकीत हा आराखडा तयार करण्यास मान्यता देण्यात आली. त्यामुळे, मेट्रो प्रकल्पाच्या विस्तारापासून ते रस्ते-उड्डाणपूल आणि इतर वाहतूक साधनांचा भविष्यातील वापर कशाप्रकारे राहील, याचा ‘रोडमॅप’ निश्चित करणे पीएमआरडीएला शक्य होणार आहे. पुढील सहा महिन्यांमध्ये हा आराखडा तयार करण्यात येणार असल्याची माहिती पीएमआरडीचे आयुक्त किरण गित्ते यांनी दिली.
पीएमआरडीएची कार्यकक्षा सुमारे सात हजार स्क्वेअर किमीची आहे. पुणे आणि पिंपरी-चिंचवडमधील वाहतूक समस्या सोडविण्यासाठी पीएमआरडीएकडून रिंगरोड विकसित केला जाणार आहेच. त्याशिवाय, जलद आणि सुरक्षित वाहतुकीसाठी इतर कोणकोणत्या पर्यायांचा विचार शक्य आहे, याचा आढावा आराखड्यातून घेतला जाणार आहे.
पुणे आणि पिंपरी-चिंचवड महापालिकांनी यापूर्वीच वाहतूक आराखडा तयार केला आहे. त्यामुळे, त्यांच्या आराखड्याचा संदर्भ घेत महामार्ग प्राधिकरण, रस्ते विकास महामंडळ, परिवहन महामंडळ सार्वजनिक बांधकाम विभाग, प्रादेशिक परिवहन प्राधिकरण अशा सर्वांच्या सहकार्यातून पीएमआरडीएचा आराखडा तयार करण्यात येणार आहे.
रिंगरोड होणार दोन टप्प्यांत
पीएमआरडीएकडून विकसित करण्यात येणाऱ्या रिंगरोडचे काम दोन टप्प्यांत केले जाणार आहे. पहिल्या टप्प्यात दोन अधिक दोन असे चार पदरी रस्त्याचे बांधकाम, ३.७५ किमीचे बोगद्याचे काम, सहा मोठे पूल यासह टाऊनशीपमधील मोठ्या रस्त्यांचे बांधकाम, जमीन सपाटीकरण, पाणीपुरवठा व पथ दिव्यांची कामे करण्याचे नियोजिन आहे. तर, दुसऱ्या टप्प्यात चार अधिक चार असे आठ पदरी रस्त्याचे बांधकाम, दोन्ही बाजूस सायकल ट्रॅक व पादचारी मार्ग, विना मोटार वाहतुकीच्या सुविधा (एनएमटी), आठ उड्डाण पूल, तीन रेल्वे उड्डाण पूल आणि टाउनशीपमधील अंतर्गत रस्त्याची कामे व टाउनशीप मधील मुलभूत पायाभूत सुविधांची कामे करण्यात येणार असल्याचे स्पष्ट करण्यात आले. दोन्ही टप्प्यांची कामे पुढील सात वर्षांत पूर्ण करण्याचे प्रस्तावित आहे.
म. टा. प्रतिनिधी, पुणे
पुणे महानगर प्रदेश विकास प्राधिकरणाच्या (पीएमआरडीए) हद्दीत विविध वाहतूक साधनांचा भविष्यातील वापर कशाप्रकारे होईल, याचे नियोजन करण्यासाठी सर्वंकष वाहतूक आराखडा (मोबिलिटी प्लॅन) तयार करण्याचा निर्णय घेण्यात आला आहे. पुणे व पिंपरी-चिंचवड महापालिकांसह राष्ट्रीय महामार्ग प्राधिकरण, राज्य रस्ते विकास महामंडळ, राज्य परिवहन महामंडळ आणि इतर संबंधित घटकांशी समन्वय साधून हा आराखडा तयार करण्याचे उद्दिष्ट पीएमआरडीएने निश्चित केले आहे.
मुख्यमंत्री देवेंद्र फडणवीस यांच्या अध्यक्षतेखाली झालेल्या ‘पीएमआरडीए’च्या बैठकीत हा आराखडा तयार करण्यास मान्यता देण्यात आली. त्यामुळे, मेट्रो प्रकल्पाच्या विस्तारापासून ते रस्ते-उड्डाणपूल आणि इतर वाहतूक साधनांचा भविष्यातील वापर कशाप्रकारे राहील, याचा ‘रोडमॅप’ निश्चित करणे पीएमआरडीएला शक्य होणार आहे. पुढील सहा महिन्यांमध्ये हा आराखडा तयार करण्यात येणार असल्याची माहिती पीएमआरडीचे आयुक्त किरण गित्ते यांनी दिली.
पीएमआरडीएची कार्यकक्षा सुमारे सात हजार स्क्वेअर किमीची आहे. पुणे आणि पिंपरी-चिंचवडमधील वाहतूक समस्या सोडविण्यासाठी पीएमआरडीएकडून रिंगरोड विकसित केला जाणार आहेच. त्याशिवाय, जलद आणि सुरक्षित वाहतुकीसाठी इतर कोणकोणत्या पर्यायांचा विचार शक्य आहे, याचा आढावा आराखड्यातून घेतला जाणार आहे.
पुणे आणि पिंपरी-चिंचवड महापालिकांनी यापूर्वीच वाहतूक आराखडा तयार केला आहे. त्यामुळे, त्यांच्या आराखड्याचा संदर्भ घेत महामार्ग प्राधिकरण, रस्ते विकास महामंडळ, परिवहन महामंडळ सार्वजनिक बांधकाम विभाग, प्रादेशिक परिवहन प्राधिकरण अशा सर्वांच्या सहकार्यातून पीएमआरडीएचा आराखडा तयार करण्यात येणार आहे.
रिंगरोड होणार दोन टप्प्यांत
पीएमआरडीएकडून विकसित करण्यात येणाऱ्या रिंगरोडचे काम दोन टप्प्यांत केले जाणार आहे. पहिल्या टप्प्यात दोन अधिक दोन असे चार पदरी रस्त्याचे बांधकाम, ३.७५ किमीचे बोगद्याचे काम, सहा मोठे पूल यासह टाऊनशीपमधील मोठ्या रस्त्यांचे बांधकाम, जमीन सपाटीकरण, पाणीपुरवठा व पथ दिव्यांची कामे करण्याचे नियोजिन आहे. तर, दुसऱ्या टप्प्यात चार अधिक चार असे आठ पदरी रस्त्याचे बांधकाम, दोन्ही बाजूस सायकल ट्रॅक व पादचारी मार्ग, विना मोटार वाहतुकीच्या सुविधा (एनएमटी), आठ उड्डाण पूल, तीन रेल्वे उड्डाण पूल आणि टाउनशीपमधील अंतर्गत रस्त्याची कामे व टाउनशीप मधील मुलभूत पायाभूत सुविधांची कामे करण्यात येणार असल्याचे स्पष्ट करण्यात आले. दोन्ही टप्प्यांची कामे पुढील सात वर्षांत पूर्ण करण्याचे प्रस्तावित आहे.