म. टा. प्रतिनिधी, पुणे
महाराष्ट्र पोलिस दलात उल्लेखनीय कामगिरी केल्याबद्दल पुणे पोलिस दलातील ३२ जणांना पोलिस महासंचालक सन्मानचिन्ह जाहीर करण्यात आले आहे. यात पाच पोलिस अधिकाऱ्यांचा समावेश आहे; तसेच पुणे दहशतवादविरोधी पथकाचे सहायक पोलिस आयुक्त सुनील यादव यांनाही हे पदक जाहीर झाले आहे.
महाराष्ट्र दिनाच्या पूर्वसंध्येला प्रत्येक वर्षी पोलिस दलात उल्लेखनीय कामगिरी करणाऱ्या पोलिसांना महासंचालक सन्मानचिन्ह जाहीर केले जाते. गुरुवारी राज्यातील ८०० पोलिस अधिकारी व कर्मचाऱ्यांना पोलिस महासंचालक सन्मानचिन्ह जाहीर झाले आहे.
पोलिस निरीक्षक क्रांतीकुमार पाटील, महेंद्र जगताप व संतोष बर्गे; उपनिरीक्षक अविनाश ढमे व बाळासाहेब अंतरकर आणि कर्मचारी संभाजी नाईक, भरत मोरे, दिलीप पोटे, शशिकांत शिंदे, माणिक पवार, अशोक सणस, संजय चांदणे, दिलीप मोरे, संतोष पगार, अस्लम आत्तार, महादेव निंबाळकर, प्रदीप शहारे, विजय भोसले, विकास शिंदे, जिलाजी मोमीण, सुनील बोरकर, दिलीप वाळके, संतोष मोहिते, गोपाळ खांदवे, राकेश गुजर, साक्षी मुळे, राहुल शिंदे, विनोद साळुंके, अतुल गायकवाड, मंगेश चव्हाण, सुधीर इंगळे, नारायण पवार या पुणे शहर पोलिस दलातील पोलिसांना सन्मानचिन्ह जाहीर झाले आहे.