Pune : पोलिसांची कुंभार इमारतीत धडक कारवाई, १५० किलो भेसळयुक्त तूप जप्त

पुणे : श्रावण सुरू होताच आता सण उत्सव सुरू झाले आहेत. या पार्श्वभूमीवर बाजारात तेल, तुपाची मागणी वाढली आहे. आता भेसळ करणाऱ्यांचे प्रकारही वाढले आहेत. पुण्यात तुपाच्या भेसळीचा एक प्रकार समोर आला आहे. नवले पुलावरून कात्रजकडे जाणाऱ्या रस्त्याच्या बाजूला असलेल्या आयशर-शो रूमजवळ कुंभार इमारतीत भेसळयुक्त तूप तयार करण्यात येत होते. भेसळीची माहिती मिळताच पोलिसांना तातडीने कारवाई केली.

पोलिसांनी टाकलेल्या छाप्यात डालडा, पामतेल, कलर आणि इतर घातक आणि विषारी रसायन जप्त केले आहे. पोलिसांनी या प्रकरणी मोहिंदर सिंग याला ताब्यात घेतले आहे. पोलिसांनी केलेल्या या कारवाईत ३३, ५०० रुपयांचा मुद्देमाल जप्त केला आहे.

पोलिसांनी केलेल्या कारवाईत १५० किलो भेसळयुक्त तूप आणि ते तयार करण्यासाठी आणलेले साहित्य जप्त केले आहे. या कारवाईची माहिती अन्न व औषध प्रशासनाला देण्यात आली आहे. या संदर्भात पुढील कारवाई करून गुन्हा दाखल करण्यात येणार असल्याचे पोलिसांनी सांगितले.

भरतीसाठी ६८ हजार अर्ज;महापालिकेतील बहुचर्चित भरती लवकरच होण्याची

पोलिसांनी कुंभार इमारतीतून जप्त केलेले दीडशे किलो भेसळयुक्त तूप तपासणीसाठी पाठवण्यात आले आहे. त्याचा अहवाल आल्यानंतर पुढील कारवाई केली जाईल, अशी माहिती अन्न व औषध भेसळ नियंत्रण विभागातील अधिकाऱ्यांनी दिली आहे.

सैन्यदलात नोकरी लावून देतो सांगून फसवणूक; आरोपीला अटक