पुणे : गेल्या वर्षी लॉकडाउन सुरू झाल्यापासून नाकाबंदीत अहोरात्र बंदोबस्त, कोव्हिड सेंटरमधून पळून जाणाऱ्या आरोपींना पकडण्यासह 'ससून'मधील करोना वॉर्डच्या बाहेर पहारा ठेवण्याचे महत्त्वाचे काम पोलिसांनी स्वत:चा जीव धोक्यात घालून केले आहे.
विविध गुन्ह्यांत अटक केलेले ७६ आरोपी करोनाबाधित असल्याचे समोर आल्यानंतर त्यांना ससून रुग्णालयात दाखल करण्यात आले होते. आरोपी पळून जाऊ नये, यासाठी सुरक्षेच्या कारणास्तव त्या प्रत्येक आरोपीसोबत एका पोलिस कर्मचाऱ्याने स्वत:चा जीव धोक्यात घालून करोना वॉर्डाबाहेर पहारा दिला.
पुण्यात नऊ मार्च २०२०ला करोनाचा पहिला रुग्ण सापडला. त्यानंतर २५ मार्चपासून लॉकडाउन जाहीर झाल्यावर विनाकारण घराबाहेर पडणाऱ्यांना अटकाव करण्यासाठी पोलिस कर्मचारी २४ तास कार्यरत होते. शहरातील सर्व प्रमुख रस्त्यांवर, चौकांत नाकाबंदी करण्यात आली होती. विविध गुन्ह्यांत अटक केलेल्या आरोपींची करोनाचाचणी करणे आणि बाधित आरोपींचे विलगीकरण करण्याचे आव्हान पोलिसांसमोर होते.
'येरवडा कारागृहात करोनाचा शिरकाव झाल्यानंतर अटक केलेल्या प्रत्येक आरोपीची 'आरटी-पीसीआर' चाचणी करण्यात येत होती. मार्चपासून आजतागायत पोलिसांनी २१ हजार ६६३ आरोपींना अटक केली. त्यापैकी १५ हजार ३३६ आरोपींची 'आरटी-पीसीआर' चाचणी करण्यात आली. त्यात ७६ आरोपी बाधित निघाले होते. त्यांना रुग्णालयात दाखल केल्यानंतर सुरक्षेसाठी दोन शिफ्टमध्ये कर्मचारी नेमले जात होते,' अशी माहिती पोलिस सहआयुक्त डॉ. रवींद्र शिसवे यांनी दिली.
करोनाबाधित आरोपीला 'ससून'मध्ये दाखल केल्यावर तो पळून जाऊ नये, यासाठी पहारा ठेवणे आवश्यक होते. प्रत्येक आरोपीसह एका पोलिसाला 'कोव्हिड ड्युटी'लावण्यात येत होती. हे कर्मचारी कोव्हिड वॉर्डबाहेर ठरलेल्या वेळेनुसार खडा पहारा देत होते.
'आरटी-पीसीआर'चे दिव्य
पोलिसांनी एकूण १५ हजार ३३६ आरोपींची आरटीपीसीआर चाचणी केली. संबंधित पोलिस ठाण्यांवर ही जबाबदारी होती. पोलिस कर्मचारी या आरोपींना चाचणीसाठी घेऊन जात होते. स्वॅब कलेक्शन सेंटरमधील गर्दीतही पोलिसांना दररोज ये-जा करावी लागत होती; तसेच अहवाल येईपर्यंत त्या आरोपींनी कोव्हिड सेंटरमध्ये ठेवण्यात येत होते.
मार्च २०२० ते २० जुलै २०२१दरम्यान
अटक केलेल्या आरोपींचा आढावा
२१,६६३
पुणे पोलिसांनी अटक केलेले एकूण आरोपी
१५,३३६
आरटी-पीसीआर चाचणी केलेल्या आरोपींची संख्या
७६
करोनाबाधित निघालेले अटक आरोपी
कारागृह प्रशासनाने आरोपींची आरटी-पीसीआर चाचणी करणे बंधनकारक केल्यापासून अटकेत असणाऱ्या प्रत्येक आरोपीची चाचणी झाली. करोनाबाधित निघालेल्या आरोपींवर उपचार केले. या काळात पोलिस कर्मचाऱ्यांनी चांगली कामगिरी केली.
- डॉ. रवींद्र शिसवे,
सहआयुक्त, पुणे पोलिस
करोनाकाळात चार ते पाच वेळा ससून रुग्णालयात ड्युटी केली. पोलिस कस्टडीतून आरोपी पळून जाणे, ही गंभीर चूक मानली जाते. त्यामुळे कोव्हिड वॉर्डबाहेर खडा पहारा द्यावा लागत होता. दिवसभर पीपीई कीट घालून वॉर्डबाहेर बसत होतो. सुरुवातीच्या काळात सर्वांच्या मनात करोनाची भीती होती. मात्र, कर्तव्य महत्त्वाचे असल्याने रुग्णालयात ड्युटी करण्यासाठी बळ मिळाले.
- सोमनाथ कांबळे,
पोलिस अंमलदार, स्वारगेट पोलिस ठाणे
विविध गुन्ह्यांत अटक केलेले ७६ आरोपी करोनाबाधित असल्याचे समोर आल्यानंतर त्यांना ससून रुग्णालयात दाखल करण्यात आले होते. आरोपी पळून जाऊ नये, यासाठी सुरक्षेच्या कारणास्तव त्या प्रत्येक आरोपीसोबत एका पोलिस कर्मचाऱ्याने स्वत:चा जीव धोक्यात घालून करोना वॉर्डाबाहेर पहारा दिला.
पुण्यात नऊ मार्च २०२०ला करोनाचा पहिला रुग्ण सापडला. त्यानंतर २५ मार्चपासून लॉकडाउन जाहीर झाल्यावर विनाकारण घराबाहेर पडणाऱ्यांना अटकाव करण्यासाठी पोलिस कर्मचारी २४ तास कार्यरत होते. शहरातील सर्व प्रमुख रस्त्यांवर, चौकांत नाकाबंदी करण्यात आली होती. विविध गुन्ह्यांत अटक केलेल्या आरोपींची करोनाचाचणी करणे आणि बाधित आरोपींचे विलगीकरण करण्याचे आव्हान पोलिसांसमोर होते.
'येरवडा कारागृहात करोनाचा शिरकाव झाल्यानंतर अटक केलेल्या प्रत्येक आरोपीची 'आरटी-पीसीआर' चाचणी करण्यात येत होती. मार्चपासून आजतागायत पोलिसांनी २१ हजार ६६३ आरोपींना अटक केली. त्यापैकी १५ हजार ३३६ आरोपींची 'आरटी-पीसीआर' चाचणी करण्यात आली. त्यात ७६ आरोपी बाधित निघाले होते. त्यांना रुग्णालयात दाखल केल्यानंतर सुरक्षेसाठी दोन शिफ्टमध्ये कर्मचारी नेमले जात होते,' अशी माहिती पोलिस सहआयुक्त डॉ. रवींद्र शिसवे यांनी दिली.
करोनाबाधित आरोपीला 'ससून'मध्ये दाखल केल्यावर तो पळून जाऊ नये, यासाठी पहारा ठेवणे आवश्यक होते. प्रत्येक आरोपीसह एका पोलिसाला 'कोव्हिड ड्युटी'लावण्यात येत होती. हे कर्मचारी कोव्हिड वॉर्डबाहेर ठरलेल्या वेळेनुसार खडा पहारा देत होते.
'आरटी-पीसीआर'चे दिव्य
पोलिसांनी एकूण १५ हजार ३३६ आरोपींची आरटीपीसीआर चाचणी केली. संबंधित पोलिस ठाण्यांवर ही जबाबदारी होती. पोलिस कर्मचारी या आरोपींना चाचणीसाठी घेऊन जात होते. स्वॅब कलेक्शन सेंटरमधील गर्दीतही पोलिसांना दररोज ये-जा करावी लागत होती; तसेच अहवाल येईपर्यंत त्या आरोपींनी कोव्हिड सेंटरमध्ये ठेवण्यात येत होते.
मार्च २०२० ते २० जुलै २०२१दरम्यान
अटक केलेल्या आरोपींचा आढावा
२१,६६३
पुणे पोलिसांनी अटक केलेले एकूण आरोपी
१५,३३६
आरटी-पीसीआर चाचणी केलेल्या आरोपींची संख्या
७६
करोनाबाधित निघालेले अटक आरोपी
कारागृह प्रशासनाने आरोपींची आरटी-पीसीआर चाचणी करणे बंधनकारक केल्यापासून अटकेत असणाऱ्या प्रत्येक आरोपीची चाचणी झाली. करोनाबाधित निघालेल्या आरोपींवर उपचार केले. या काळात पोलिस कर्मचाऱ्यांनी चांगली कामगिरी केली.
- डॉ. रवींद्र शिसवे,
सहआयुक्त, पुणे पोलिस
करोनाकाळात चार ते पाच वेळा ससून रुग्णालयात ड्युटी केली. पोलिस कस्टडीतून आरोपी पळून जाणे, ही गंभीर चूक मानली जाते. त्यामुळे कोव्हिड वॉर्डबाहेर खडा पहारा द्यावा लागत होता. दिवसभर पीपीई कीट घालून वॉर्डबाहेर बसत होतो. सुरुवातीच्या काळात सर्वांच्या मनात करोनाची भीती होती. मात्र, कर्तव्य महत्त्वाचे असल्याने रुग्णालयात ड्युटी करण्यासाठी बळ मिळाले.
- सोमनाथ कांबळे,
पोलिस अंमलदार, स्वारगेट पोलिस ठाणे