म. टा. प्रतिनिधी, पुणे
कोंढवा-वानवडी क्षेत्रीय कार्यालयाच्या हद्दीतील वानवडी, रामटेकडी-सय्यदनगर आणि महंमदवाडी कौसरबाग या तिन्ही प्रभागांमध्ये अटीतटीच्या लढती पाहायला मिळाल्या. या तीन प्रभागांतील ११ जागांपैकी पाच जागांवर राष्ट्रवादी काँग्रेसने बाजी मारली असून भारतीय जनता पक्ष तीन आणि शिवसेना दोन जागांवर विजयी झाली आहे. यामध्ये नाना भानगिरे अवघ्या ६७ मतांनी विजयी झाले. तर, प्रशांत जगताप, त्यांच्या मातोश्री रत्नप्रभा जगताप हे मोठ्या मताधिक्याने विजयी झाले.
महापालिकेसाठी यंदा प्रथमच चार उमेदवारांचा प्रभाग करण्यात आला होता. या रचनेत पक्षाला मतदान केले जाण्याची शक्यता वर्तविली जात होती. मात्र, या क्षेत्रीय कार्यालयाच्या हद्दीतील तिन्ही प्रभागांमध्ये मोठ्या प्रमाणावर ‘क्रॉस वोटिंग’ झाल्याचे दिसून आले. रामटेकडी-सय्यदगर (प्र. क्र. २४) या प्रभागातून गट अ मधून अपक्ष उमेदवार अशोक कांबळे विजयी झाले. तर, ब आणि क गटातून अनुक्रमे राष्ट्रवादी पुरस्कृत रुक्साना इनामदार आणि राष्ट्रवादीचे विद्यमान नगरसेवक आनंद अलकुंटे विजयी झाले. या प्रभागात ‘गट क’मध्ये राष्ट्रवादीच्याच फारूक इनामदार यांनी बंडखोरी केली होती. अलकुंटे यांना ११ हजार ३०५ मते मिळाली. इनामदार दुसऱ्या स्थानावर राहिले, त्यांना नऊ हजार ६४४ मते मिळाली. गट अ मध्ये अत्यंत चुरशीची लढत पाहायला मिळाली. चौथ्या फेरीपर्यंत काँग्रेसचे खंडू लोंढे आघाडीवर होते. मात्र, पाचव्या फेरीत अनपेक्षितपणे अपक्ष अशोक कांबळे यांनी विजयी आघाडी घेतली. ब गटातून राष्ट्रवादी पुरस्कृत रुक्साना इनामदार यांचा विजयी अवघ्या १७३ मतांनी विजयी झाल्या. त्यांना सात हजार ३०८ मते मिळाली. तर सारिका शिंदे यांना सात हजार १३५ मते मिळाली.
वानवडी (प्र. २५) प्रभागात अ व ब गटात भाजपचे धनराज घोगरे व कालिंदा पुंडे विजयी झाले. त्यांना अनुक्रमे आठ हजार ६८७ व १० हजार १११ मते मिळाली. त्यांच्या विरोधात काँग्रेसचे साहिल केदारी व राष्ट्रवादीच्या कांचन जाधव यांना अनुक्रमे सात हजार २२१ व आठ हजार १५४ मते मिळाली. महापौर प्रशांत जगताप आणि त्यांच्या मातोश्री रत्नप्रभा जगताप यांना अनुक्रमे १३ हजार ६८५ व ११ हजार ०७४ मते मिळाली.
महंमदवाडी-कौसरबाग प्रभागात ब गटात शिवसेनेचे नाना भानगिरे व भाजपचे जीवन जाधव यांच्यात अतिशय अतितटीचा सामना झाला. भानगिरे पहिल्या फेरीत पिछाडीवर होते. मात्र, दुसऱ्या फेरीत त्यांनी जाधव यांना मागे टाकले. मात्र, शेवटच्या फेरीपर्यंत त्यांचे मताधिक्य ३० ते ७० च्या दरम्यान खाली-वर जात होते. भानगिरे यांना अवघ्या ६७ मतांनी विजय झाला. या गटात भानगिरे यांना आठ हजार ३२३, जाधव यांना आठ हजार २५६ आणि फारूक इनामदार यांना आठ हजार १४० मते मिळाली. तसेच, अ गटातून शिवसेनेच्या प्राची आल्हाट, क गटातून भाजपचे संजय घुले आणि ड गटातून राष्ट्रवादीच्या नंदा लोणकर विजयी झाल्या.
इनामदारांना आठ आणि नऊ हजार मते
राष्ट्रवादीकडून विद्यमान नगरेसवक फारूक इनामदार यांना महंमदवाडी-कौसरबाग प्रभागातून अधिकृत उमेदवारी होती. तर, इनामदार यांनी रामटेकडी-सय्यदनगर प्रभागात राष्ट्रवादीच्या उमेदवाराविरोधात बंडखोरी केली होती. इनामदार यांना दोन्ही प्रभागात अनुक्रमे आठ हजार १४० आणि नऊ हजार ६४४ मते मिळाली.
कोंढवा-वानवडी क्षेत्रीय कार्यालयाच्या हद्दीतील वानवडी, रामटेकडी-सय्यदनगर आणि महंमदवाडी कौसरबाग या तिन्ही प्रभागांमध्ये अटीतटीच्या लढती पाहायला मिळाल्या. या तीन प्रभागांतील ११ जागांपैकी पाच जागांवर राष्ट्रवादी काँग्रेसने बाजी मारली असून भारतीय जनता पक्ष तीन आणि शिवसेना दोन जागांवर विजयी झाली आहे. यामध्ये नाना भानगिरे अवघ्या ६७ मतांनी विजयी झाले. तर, प्रशांत जगताप, त्यांच्या मातोश्री रत्नप्रभा जगताप हे मोठ्या मताधिक्याने विजयी झाले.
महापालिकेसाठी यंदा प्रथमच चार उमेदवारांचा प्रभाग करण्यात आला होता. या रचनेत पक्षाला मतदान केले जाण्याची शक्यता वर्तविली जात होती. मात्र, या क्षेत्रीय कार्यालयाच्या हद्दीतील तिन्ही प्रभागांमध्ये मोठ्या प्रमाणावर ‘क्रॉस वोटिंग’ झाल्याचे दिसून आले. रामटेकडी-सय्यदगर (प्र. क्र. २४) या प्रभागातून गट अ मधून अपक्ष उमेदवार अशोक कांबळे विजयी झाले. तर, ब आणि क गटातून अनुक्रमे राष्ट्रवादी पुरस्कृत रुक्साना इनामदार आणि राष्ट्रवादीचे विद्यमान नगरसेवक आनंद अलकुंटे विजयी झाले. या प्रभागात ‘गट क’मध्ये राष्ट्रवादीच्याच फारूक इनामदार यांनी बंडखोरी केली होती. अलकुंटे यांना ११ हजार ३०५ मते मिळाली. इनामदार दुसऱ्या स्थानावर राहिले, त्यांना नऊ हजार ६४४ मते मिळाली. गट अ मध्ये अत्यंत चुरशीची लढत पाहायला मिळाली. चौथ्या फेरीपर्यंत काँग्रेसचे खंडू लोंढे आघाडीवर होते. मात्र, पाचव्या फेरीत अनपेक्षितपणे अपक्ष अशोक कांबळे यांनी विजयी आघाडी घेतली. ब गटातून राष्ट्रवादी पुरस्कृत रुक्साना इनामदार यांचा विजयी अवघ्या १७३ मतांनी विजयी झाल्या. त्यांना सात हजार ३०८ मते मिळाली. तर सारिका शिंदे यांना सात हजार १३५ मते मिळाली.
वानवडी (प्र. २५) प्रभागात अ व ब गटात भाजपचे धनराज घोगरे व कालिंदा पुंडे विजयी झाले. त्यांना अनुक्रमे आठ हजार ६८७ व १० हजार १११ मते मिळाली. त्यांच्या विरोधात काँग्रेसचे साहिल केदारी व राष्ट्रवादीच्या कांचन जाधव यांना अनुक्रमे सात हजार २२१ व आठ हजार १५४ मते मिळाली. महापौर प्रशांत जगताप आणि त्यांच्या मातोश्री रत्नप्रभा जगताप यांना अनुक्रमे १३ हजार ६८५ व ११ हजार ०७४ मते मिळाली.
महंमदवाडी-कौसरबाग प्रभागात ब गटात शिवसेनेचे नाना भानगिरे व भाजपचे जीवन जाधव यांच्यात अतिशय अतितटीचा सामना झाला. भानगिरे पहिल्या फेरीत पिछाडीवर होते. मात्र, दुसऱ्या फेरीत त्यांनी जाधव यांना मागे टाकले. मात्र, शेवटच्या फेरीपर्यंत त्यांचे मताधिक्य ३० ते ७० च्या दरम्यान खाली-वर जात होते. भानगिरे यांना अवघ्या ६७ मतांनी विजय झाला. या गटात भानगिरे यांना आठ हजार ३२३, जाधव यांना आठ हजार २५६ आणि फारूक इनामदार यांना आठ हजार १४० मते मिळाली. तसेच, अ गटातून शिवसेनेच्या प्राची आल्हाट, क गटातून भाजपचे संजय घुले आणि ड गटातून राष्ट्रवादीच्या नंदा लोणकर विजयी झाल्या.
इनामदारांना आठ आणि नऊ हजार मते
राष्ट्रवादीकडून विद्यमान नगरेसवक फारूक इनामदार यांना महंमदवाडी-कौसरबाग प्रभागातून अधिकृत उमेदवारी होती. तर, इनामदार यांनी रामटेकडी-सय्यदनगर प्रभागात राष्ट्रवादीच्या उमेदवाराविरोधात बंडखोरी केली होती. इनामदार यांना दोन्ही प्रभागात अनुक्रमे आठ हजार १४० आणि नऊ हजार ६४४ मते मिळाली.