म. टा. प्रतिनिधी, पुणे
प्रेयसीने फोन न उचलल्यामुळे तरुणाने व्हिडिओ कॉलच्या वेळी काढलेले अश्लिल फोटो व्हायरल केल्याचा धक्कादायक प्रकार समोर आला आहे. या प्रकरणी सिंहगड रोड पोलिस ठाण्यात गुन्हा दाखल करण्यात आला आहे.
याबाबत २३ वर्षीय तरुणीने तक्रार दिली आहे. त्यानुसार उमेश जांबेकर नावाच्या तरुणावर आयटी अॅक्ट व विनयभंगाचा गुन्हा दाखल करण्यात आला आहे. पोलिसांनी दिलेल्या माहितीनुसार, तक्रारदार तरुणी व आरोपी मित्र होते. त्यांच्यात प्रेमसंबध निर्माण झाल्यानंतर आरोपीने तरुणीला लग्नाचे आमिष दाखविले. त्यानंतर आरोपी तरुणीला व्हिडिओ कॉल करत असे. त्या वेळी बोलताना आरोपीने तरुणीचे अश्लील फोटो काढून ठेवले होते. काही दिवसांनंतर तरुणीने कामात असल्यामुळे आरोपीचे फोन उचलले नाही. त्यामुळे आरोपी तरुणीवर संशय घेऊ लागला. तिला व्हिडिओ कॉलच्या वेळी काढलेले अश्लिल फोटो व्हायरल करण्याची धमकी देत होता. या कारणावरून त्यांच्यात वाद झाल्यानंतर आरोपीने तरुणीने अश्लील फोटो इतरांच्या मोबाइल पाठवून तिचा विनयभंग केला. त्यानंतर तरुणीने पोलिसांकडे धाव घेऊन तक्रार दिली. या प्रकरणी सिंहगड रोड पोलिस ठाण्यात गुन्हा दाखल करण्यात आला असून, तपास सुरू आहे.