म. टा. प्रतिनिधी, पुणे
टपाल खात्यातर्फे देण्यात येणाऱ्या पब्लिक प्रिव्हिडंट फंड (पीपीएफ), सुकन्या योजना, रिकरिंग डिपॉजिट आणि इतर सुविधांचे हप्ते आता ऑनलाइन भरता येणार आहेत. पेमेंट बँकेच्या खात्याद्वारे हप्त्यांचे ऑनलाइन व्यवहार करता येणार असून, प्रत्येक वेळी नागरिकांना पोस्ट ऑफिसमध्ये जायची गरज भासणार नाही.
टपाल विभागाकडून नुकतीच या संदर्भात जनजागृती मोहीम सुरू करण्यात आली आहे. अधिकाधिक ग्राहकांनी घरबसल्या विविध योजना आणि गुंतवणुकीचे हप्ते ऑनलाइन पद्धतीने भरावेत, असे आवाहन टपाल विभागातर्फे करण्यात येत आहे. यापूर्वी अनेक ज्येष्ठांना; तसेच नागरिकांना वेगवेगळ्या गुंतवणूक योजनांसाठीचे हप्ते प्रत्यक्ष कार्यालयात जाऊन भरायला लागत होते. आता मात्र पोस्टाने ऑनलाइन प्रणाली स्वीकारली असल्याने थेट पेमेंट बँकेद्वारे हे हप्ते जाऊ शकणार आहेत. यात ग्राहकांना केवळ पोस्ट पेमेंट बँकेचे खाते उघडावे लागणार आहे.
यानंतर दरमहा येणाऱ्या हप्त्याच्या तारखेपर्यंत त्यात संबंधित रक्कम भरणे बंधनकारक राहणार असून, जवळच्या पोस्टाच्या कार्यालयात या अकाउंटची माहिती द्यावी लागणार आहे. पेमेंट बँकेचे अकाउंट ऑनलाइन सुरू करण्याची व्यवस्थाही देण्यात आली आहे. पोस्टात होणारी गर्दी टाळण्यासाठी पुढील काही काळात सर्वच सुविधा ऑनलाइन पुरवण्यावर भर राहणार असल्याचे पोस्टातर्फे स्पष्ट करण्यात आले आहे.
सुकन्या योजना, पीपीएफ आणि रिकरिंग सारख्या योजनांमध्ये नागरिकाना आता ऑनलाइन हप्ते भरण्याची सुविधा देण्यात आली आहे. ही सुविधा अधिक सुरक्षित असून, पेमेंट बँकेचे खाते उघडले, की या सर्व प्रकारच्या सेवांचा लाभ घेता येणार आहे. शहरातील अधिकाधिक नागरिकांनी या सुविधेचा लाभ घ्यावा.
- बी. पी. एरंडे, वरिष्ठ पोस्टमास्तर
टपाल खात्यातर्फे देण्यात येणाऱ्या पब्लिक प्रिव्हिडंट फंड (पीपीएफ), सुकन्या योजना, रिकरिंग डिपॉजिट आणि इतर सुविधांचे हप्ते आता ऑनलाइन भरता येणार आहेत. पेमेंट बँकेच्या खात्याद्वारे हप्त्यांचे ऑनलाइन व्यवहार करता येणार असून, प्रत्येक वेळी नागरिकांना पोस्ट ऑफिसमध्ये जायची गरज भासणार नाही.
टपाल विभागाकडून नुकतीच या संदर्भात जनजागृती मोहीम सुरू करण्यात आली आहे. अधिकाधिक ग्राहकांनी घरबसल्या विविध योजना आणि गुंतवणुकीचे हप्ते ऑनलाइन पद्धतीने भरावेत, असे आवाहन टपाल विभागातर्फे करण्यात येत आहे. यापूर्वी अनेक ज्येष्ठांना; तसेच नागरिकांना वेगवेगळ्या गुंतवणूक योजनांसाठीचे हप्ते प्रत्यक्ष कार्यालयात जाऊन भरायला लागत होते. आता मात्र पोस्टाने ऑनलाइन प्रणाली स्वीकारली असल्याने थेट पेमेंट बँकेद्वारे हे हप्ते जाऊ शकणार आहेत. यात ग्राहकांना केवळ पोस्ट पेमेंट बँकेचे खाते उघडावे लागणार आहे.
यानंतर दरमहा येणाऱ्या हप्त्याच्या तारखेपर्यंत त्यात संबंधित रक्कम भरणे बंधनकारक राहणार असून, जवळच्या पोस्टाच्या कार्यालयात या अकाउंटची माहिती द्यावी लागणार आहे. पेमेंट बँकेचे अकाउंट ऑनलाइन सुरू करण्याची व्यवस्थाही देण्यात आली आहे. पोस्टात होणारी गर्दी टाळण्यासाठी पुढील काही काळात सर्वच सुविधा ऑनलाइन पुरवण्यावर भर राहणार असल्याचे पोस्टातर्फे स्पष्ट करण्यात आले आहे.
सुकन्या योजना, पीपीएफ आणि रिकरिंग सारख्या योजनांमध्ये नागरिकाना आता ऑनलाइन हप्ते भरण्याची सुविधा देण्यात आली आहे. ही सुविधा अधिक सुरक्षित असून, पेमेंट बँकेचे खाते उघडले, की या सर्व प्रकारच्या सेवांचा लाभ घेता येणार आहे. शहरातील अधिकाधिक नागरिकांनी या सुविधेचा लाभ घ्यावा.
- बी. पी. एरंडे, वरिष्ठ पोस्टमास्तर