म. टा. प्रतिनिधी, पुणे
गदिमा प्रतिष्ठानतर्फे देण्यात येणारा गदिमा पुरस्कार या वर्षी ज्येष्ठ संगीत दिग्दर्शक प्रभाकर जोग यांना जाहीर झाला आहे. येत्या १४ डिसेंबरला गजानन दिगंबर माडगूळकर अर्थात गदिमा यांच्या स्मृतिदिनी पुरस्काराचे वितरण करण्यात येणार आहे.
ज्येष्ठ तबलावादक पं. सुरेश तळवलकर यांच्या हस्ते टिळक स्मारक मंदिरामध्ये सायंकाळी पाच वाजता पुरस्कार प्रदान करण्यात येणार आहे. पुरस्काराचे यंदा चाळीसावे वर्ष असून सन्मानचिन्ह, २१ हजार रुपये असे या स्वरूप आहे, अशी माहिती प्रतिष्ठानचे कार्यकारी विश्वस्त आनंद माडगूळकर यांनी पत्रकार परिषदेत दिली. या वेळी प्रतिष्ठानचे श्रीधर माडगूळकर आणि प्रकाश भोंडे उपस्थित होते.
प्रतिष्ठानतर्फे दरवर्षी संगीत क्षेत्रात उल्लेखनीय कार्य करणाऱ्या व्यक्तींना विविध पुरस्कारांनी गौरविण्यात येते. गदिमा पुरस्काराबरोबरच गदिमा यांच्या पत्नी विद्याताई यांच्या स्मरणार्थ गेल्या वीस वर्षांपासून देण्यात येणारा ‘गृहिणी सखी सचिव पुरस्कार’ यंदा कवी सुरेश भट यांच्या पत्नी पुष्पाताई भट यांना जाहीर झाला आहे. सन्मानचिन्ह आणि अकरा हजार रुपये असे या पुरस्काराचे स्वरूप आहे. नव्या उभारीच्या प्रतिभावंतांना दिला जाणारा ‘चैत्रबन पुरस्कार’ या वर्षी प्रसिद्ध निवेदिका धनश्री लेले यांना, तसेच ‘विद्या प्रज्ञा पुरस्कारा’साठी नव्या पिढीची गायिका सावनी रवींद्र यांची निवड करण्यात आली आहे. प्रतिष्ठानतर्फे शालांन्त परीक्षेत मराठी विषयात सर्वाधिक गुण मिळविलेल्या विद्यार्थ्यास गदिमा पारितोषिक देण्यात येते. यंदा अकोला येथील बाल शिवाजी माध्यमिक विद्यालयाची विद्यार्थिनी आरोही रामदास खोडकुंभे ही पारितोषिकाची मानकरी ठरली आहे, अशी माहिती भोंडे यांनी दिली.
येत्या १४ डिसेंबरला टिळक स्मारक मंदिरात पुरस्कार वितरण समारंभ होणार आहे. कार्यक्रमाच्या उत्तरार्धात स्वरानंद प्रतिष्ठानतर्फे प्रस्तुत अमेय आणि दीपिका जोग हे प्रभाकर जोग यांच्या स्वररचनांवर आधारित ‘स्वर आले जुळुनी’ हा कार्यक्रम सादर करणार आहेत.
स्मारक अद्याप प्रतीक्षेत
गदिमा यांची जन्मशताब्दी पुढील वर्षी साजरी करण्यात येणार आहे. याचे औचित्य साधून महापालिकेने स्मारकाचे आश्वासन पूर्ण करावे, अशी मागणी या वेळी प्रतिष्ठानतर्फे करण्यात आली. महापालिकेने या पूर्वी वाकडेवाडीजवळ बजाज उद्यानाजवळील जमीन स्मारकासाठी दिली होती. यासाठी अडीच कोटीची तरतूदही करण्यात आली होती. पण स्मारकाच्या कामाला अजूनही सुरुवात झालेली नाही. या संदर्भात आम्ही वारंवार पत्रव्यवहार केला आहे. पण आता ही जागाच बदलणार असल्याचे संकेत काही अधिकाऱ्यांनी दिले आहेत. त्यामुळे महापौरांनी स्वतः यात लक्ष घालून स्मारकाची मागणी पूर्ण करावी, अशी अपेक्षा माडगूळकर यांनी व्यक्त केली.
गदिमा प्रतिष्ठानतर्फे देण्यात येणारा गदिमा पुरस्कार या वर्षी ज्येष्ठ संगीत दिग्दर्शक प्रभाकर जोग यांना जाहीर झाला आहे. येत्या १४ डिसेंबरला गजानन दिगंबर माडगूळकर अर्थात गदिमा यांच्या स्मृतिदिनी पुरस्काराचे वितरण करण्यात येणार आहे.
ज्येष्ठ तबलावादक पं. सुरेश तळवलकर यांच्या हस्ते टिळक स्मारक मंदिरामध्ये सायंकाळी पाच वाजता पुरस्कार प्रदान करण्यात येणार आहे. पुरस्काराचे यंदा चाळीसावे वर्ष असून सन्मानचिन्ह, २१ हजार रुपये असे या स्वरूप आहे, अशी माहिती प्रतिष्ठानचे कार्यकारी विश्वस्त आनंद माडगूळकर यांनी पत्रकार परिषदेत दिली. या वेळी प्रतिष्ठानचे श्रीधर माडगूळकर आणि प्रकाश भोंडे उपस्थित होते.
प्रतिष्ठानतर्फे दरवर्षी संगीत क्षेत्रात उल्लेखनीय कार्य करणाऱ्या व्यक्तींना विविध पुरस्कारांनी गौरविण्यात येते. गदिमा पुरस्काराबरोबरच गदिमा यांच्या पत्नी विद्याताई यांच्या स्मरणार्थ गेल्या वीस वर्षांपासून देण्यात येणारा ‘गृहिणी सखी सचिव पुरस्कार’ यंदा कवी सुरेश भट यांच्या पत्नी पुष्पाताई भट यांना जाहीर झाला आहे. सन्मानचिन्ह आणि अकरा हजार रुपये असे या पुरस्काराचे स्वरूप आहे. नव्या उभारीच्या प्रतिभावंतांना दिला जाणारा ‘चैत्रबन पुरस्कार’ या वर्षी प्रसिद्ध निवेदिका धनश्री लेले यांना, तसेच ‘विद्या प्रज्ञा पुरस्कारा’साठी नव्या पिढीची गायिका सावनी रवींद्र यांची निवड करण्यात आली आहे. प्रतिष्ठानतर्फे शालांन्त परीक्षेत मराठी विषयात सर्वाधिक गुण मिळविलेल्या विद्यार्थ्यास गदिमा पारितोषिक देण्यात येते. यंदा अकोला येथील बाल शिवाजी माध्यमिक विद्यालयाची विद्यार्थिनी आरोही रामदास खोडकुंभे ही पारितोषिकाची मानकरी ठरली आहे, अशी माहिती भोंडे यांनी दिली.
येत्या १४ डिसेंबरला टिळक स्मारक मंदिरात पुरस्कार वितरण समारंभ होणार आहे. कार्यक्रमाच्या उत्तरार्धात स्वरानंद प्रतिष्ठानतर्फे प्रस्तुत अमेय आणि दीपिका जोग हे प्रभाकर जोग यांच्या स्वररचनांवर आधारित ‘स्वर आले जुळुनी’ हा कार्यक्रम सादर करणार आहेत.
स्मारक अद्याप प्रतीक्षेत
गदिमा यांची जन्मशताब्दी पुढील वर्षी साजरी करण्यात येणार आहे. याचे औचित्य साधून महापालिकेने स्मारकाचे आश्वासन पूर्ण करावे, अशी मागणी या वेळी प्रतिष्ठानतर्फे करण्यात आली. महापालिकेने या पूर्वी वाकडेवाडीजवळ बजाज उद्यानाजवळील जमीन स्मारकासाठी दिली होती. यासाठी अडीच कोटीची तरतूदही करण्यात आली होती. पण स्मारकाच्या कामाला अजूनही सुरुवात झालेली नाही. या संदर्भात आम्ही वारंवार पत्रव्यवहार केला आहे. पण आता ही जागाच बदलणार असल्याचे संकेत काही अधिकाऱ्यांनी दिले आहेत. त्यामुळे महापौरांनी स्वतः यात लक्ष घालून स्मारकाची मागणी पूर्ण करावी, अशी अपेक्षा माडगूळकर यांनी व्यक्त केली.