जुन्नर : कांदळी (ता. जुन्नर) येथे एका २३ वर्षीय गर्भवती महिलेचा पतीनेच खून केल्याचा प्रकार समोर आला आहे. नारायणगाव पोलिसांनी पतीला ताब्यात घेतले आहे. पत्नीच्या चारित्र्याच्या संशयावरून त्याने खून केल्याचे सहायक निरीक्षक अर्जुन घोडे पाटील यांनी सांगितले.
कविता संजय फुलमाळी (वय २३) असे खून झालेल्या महिलेचे नाव आहे. त्यांचे वडील श्याम फुलमाळी (रा. उंबरकर मळा, कांदळी) यांनी या प्रकरणी फिर्याद दिली आहे. पोलिसांनी दिलेल्या माहितीनुसार, ६ एप्रिलला सायंकाळी कविता यांचा मृतदेह उसाच्या सरीमध्ये सापडला. शेजारी एक चिठ्ठी पडलेली होती. या वेळी पोलिसांनी अकस्मिक मृत्यूची नोंद केली होती.
मात्र, अधिक तपास केला असता कोणीतरी गळा दाबून या महिलेचा खून केल्याचे समोर आले. त्यानुसार पोलिसांनी आरोपीचा शोध घेण्यास सुरुवात केली. घटनास्थळाच्या पंचनाम्यावेळी मृत महिलेजवळ सापडलेली चिठ्ठी पाहून पोलिसांनी तिच्या घरातील काही कागद तपासले. या वेळी एका वहीमधील कागद आणि चिठ्ठीचा कागद एकच असल्याचे समोर आले. यावरून पोलिसांनी पतीला ताब्यात घेतले. पोलिसी खाक्या दाखवताच त्याने खुनाची कबुली दिली.
कविता संजय फुलमाळी (वय २३) असे खून झालेल्या महिलेचे नाव आहे. त्यांचे वडील श्याम फुलमाळी (रा. उंबरकर मळा, कांदळी) यांनी या प्रकरणी फिर्याद दिली आहे. पोलिसांनी दिलेल्या माहितीनुसार, ६ एप्रिलला सायंकाळी कविता यांचा मृतदेह उसाच्या सरीमध्ये सापडला. शेजारी एक चिठ्ठी पडलेली होती. या वेळी पोलिसांनी अकस्मिक मृत्यूची नोंद केली होती.
मात्र, अधिक तपास केला असता कोणीतरी गळा दाबून या महिलेचा खून केल्याचे समोर आले. त्यानुसार पोलिसांनी आरोपीचा शोध घेण्यास सुरुवात केली. घटनास्थळाच्या पंचनाम्यावेळी मृत महिलेजवळ सापडलेली चिठ्ठी पाहून पोलिसांनी तिच्या घरातील काही कागद तपासले. या वेळी एका वहीमधील कागद आणि चिठ्ठीचा कागद एकच असल्याचे समोर आले. यावरून पोलिसांनी पतीला ताब्यात घेतले. पोलिसी खाक्या दाखवताच त्याने खुनाची कबुली दिली.