म. टा. प्रतिनिधी, पिंपरी
पुणे जिल्हा शिक्षण विभाग, पुणे जिल्हा विज्ञान अध्यापक संघ आणि चिखली येथील गणेश इंटरनॅशनल स्कूलच्या वतीने आयोजित ४५व्या जिल्हास्तरीय विज्ञान प्रदर्शनात १५० प्रकल्प सादर झाले आहेत.
प्रदर्शनाचे उद्घाटन शास्त्रज्ञ योगेश वाडदेकर यांच्या हस्ते झाले. शिक्षण मंडळाचे माजी उपसभापती विष्णू नेवाळे, शाळेचे अध्यक्ष एस. बी. पाटील, संदीप जाधव, पुणे जिल्हा परिषदेच्या माध्यमिक शिक्षण विभागाचे शिक्षणाधिकारी डॉ. गणपत मोरे, उपशिक्षणाधिकारी बाळासाहेब राक्षे, संध्या गायकवाड, गणेश पाटील, आकाश पाटील, प्राचार्य विक्रम काळे, मुख्याध्यापिका रितू गुळवाणी, व्यवस्थापक सुनील शेवाळे, विज्ञान अध्यापक संघाचे शहराध्यक्ष संजीव वाखारे या वेळी उपस्थित होते.
प्रदर्शनात पिंपरी-चिंचवडसह खेड, मावळ आणि हवेली तालुक्यातील शाळांनी भाग घेतला आहे. बहुउद्देशीय स्वच्छता, प्लास्टिकपासून इंधन निर्मिती, रिव्हर क्लिनर, पाणीबचत उपकरणे, बहुद्देशीय कृषी साधने तसेच शिक्षक गटात विज्ञान गणित खेळणी, प्रकाशीय उपकरणे, प्रयोगशाळा परिसर गटात फिरती प्रयोगशाळा, पेशीय विभाजन आदी प्रयोगांचा समावेश आहे. सर्व गटांतून १५० प्रकल्प सादर केले आहेत. उद्घाटनाच्या कार्यक्रमाचे सूत्रसंचालन अनिल साकोरे, अश्विनी खरवडे यांनी केले. बाळासाहेब राक्षे यांनी आभार मानले.