म. टा. प्रतिनिधी, पुणे
'कोविन' अॅपमध्ये तांत्रिक बिघाडामुळे नोंदणी न झाल्याने लसीकरणापासून वंचित राहिलेल्या पुण्यातील खासगी रुग्णालयातील आरोग्य कर्मचाऱ्यांसह फ्रंटलाइन वर्कर्सना आता लसीकरणाची संधी मिळणार आहे. 'कोविन २.०' हे अॅप केंद्राकडून कार्यान्वित करण्यात येत असल्याने येत्या एक मार्चपासून या नोंदणीतून गायब झालेल्या आरोग्य कर्मचाऱ्यांच्या लसीकरणाचा मार्ग खुला होणार आहे.
कोविन अॅपवर शहरातील खासगी क्लिनिक, रुग्णालयातील डॉक्टरांसह त्यांच्या कर्मचाऱ्यांनी एक ते दीड महिन्यापूर्वी नाव नोंदविले होते. अद्याप लसीकरणाचा संदेश आलेला नाही, यासाठी लसीकरण केंद्रावर जाऊन अनेक डॉक्टरांसह कर्मचाऱ्यांनी नावाबाबत शहानिशा केली. त्या वेळी दोन ते अडीच हजार आरोग्य कर्मचाऱ्यांची नावे त्या यादीत नसल्याचे उघड झाले. एकाच रुग्णालयात डॉक्टराचे नाव होते; तर कर्मचाऱ्यांचे नव्हेत. तर काही रुग्णालयातील कोणाचीच नावे नसल्याचे उघड झाले. काहींच्या नावापुढे इतरांचे मोबाइल क्रमांक असल्याचा प्रकार समोर आला. कोविन अॅपमधील या गोंधळाला 'महाराष्ट्र टाइम्स'ने सर्वप्रथम वाचा फोडली होती. इंडियन मेडिकल असोसिएशनच्या (आयएमए) पदाधिकाऱ्यांनी याबाबत पालिकेच्या अतिरिक्त आयुक्त रुबल अग्रवाल यांच्याकडे तक्रारही केली होती. 'मटा'च्या वृत्तानंतर आरोग्य खात्याने पुणे पालिकेशी संपर्क साधला; तसेच आरोग्य खात्याची एक स्वतंत्र आयटी टीम पुणे महापालिकेत पाठवून त्यांच्याकडून कोणत्या त्रुटी आहेत, हे जाणून घेतले. त्यानंतर आरोग्य खात्याच्या संचालक डॉ. अर्चना पाटील यांनी याबाबत केंद्र सरकारशी संपर्क साधून नाव नोंदवूनही यादीतून नाव गायब असलेल्या डॉक्टरांच्या व्यथा मांडल्या. त्याशिवाय या आरोग्य कर्मचाऱ्यांना लसीकरणासाठी नाव कधी नोंदविता येईल, याची विचारणा करण्यात आली. त्या वेळी केंद्राने लवकरच संधी देऊ, असे जाहीर केले होते.
दोन आठवडे झाल्यानंतरही केंद्र सरकारकडून कोविन अॅपमअये दुरुस्ती करण्यात आलेली नव्हती. अखेर ज्येष्ठांना लसीकरणासाठी 'कोविन अॅप २.०' कार्यान्वित करण्यात येत आहे. त्यामध्ये केंद्राने वंचित राहिलेल्या आरोग्य कर्मचाऱ्यांसह फ्रंटलाइन वर्कर्सना नोंदणी करण्याचा मार्ग मोकळा झाल्याचे मानले जात आहे.
..........................
कोविन अॅप २.० हे नवे अप केंद्र सरकार एक मार्चपासून कार्यान्वित करीत आहेत. त्यामध्ये ज्येष्ठ नागरिकांसह आतापर्यंत नोंदणी करता न आलेले आरोग्य कर्मचारी; तसेच फ्रंटलाइन वर्कर्सना नोंदणी करता येईल; तसेच त्यांना लसीकरणही करता येणार आहे.
- डॉ. अर्चना पाटील, आरोग्य संचालक
.............
खासगी रुग्णालयातील आरोग्य कर्मचाऱ्यांनी नावनोंदणी करून यादीत नाव नसल्याची तक्रार आम्ही महापालिकेकडे दिली होती. त्यामुळे लसीकरणापासून वंचित राहावे लागण्याची शक्यता होती. आता मात्र केंद्राने 'कोविन २.०' कार्यान्वित केल्याने वंचितांना संधी मिळेल. पुण्यातील दोन ते अडीच हजार डॉक्टर, कर्मचाऱ्यांना लसीकरणाची संधी मिळेल.
- डॉ. संजय पाटील, चेअरमन, हॉस्पिटल बोर्ड ऑफ इंडिया
.............
'कोविन' अॅपमध्ये तांत्रिक बिघाडामुळे नोंदणी न झाल्याने लसीकरणापासून वंचित राहिलेल्या पुण्यातील खासगी रुग्णालयातील आरोग्य कर्मचाऱ्यांसह फ्रंटलाइन वर्कर्सना आता लसीकरणाची संधी मिळणार आहे. 'कोविन २.०' हे अॅप केंद्राकडून कार्यान्वित करण्यात येत असल्याने येत्या एक मार्चपासून या नोंदणीतून गायब झालेल्या आरोग्य कर्मचाऱ्यांच्या लसीकरणाचा मार्ग खुला होणार आहे.
कोविन अॅपवर शहरातील खासगी क्लिनिक, रुग्णालयातील डॉक्टरांसह त्यांच्या कर्मचाऱ्यांनी एक ते दीड महिन्यापूर्वी नाव नोंदविले होते. अद्याप लसीकरणाचा संदेश आलेला नाही, यासाठी लसीकरण केंद्रावर जाऊन अनेक डॉक्टरांसह कर्मचाऱ्यांनी नावाबाबत शहानिशा केली. त्या वेळी दोन ते अडीच हजार आरोग्य कर्मचाऱ्यांची नावे त्या यादीत नसल्याचे उघड झाले. एकाच रुग्णालयात डॉक्टराचे नाव होते; तर कर्मचाऱ्यांचे नव्हेत. तर काही रुग्णालयातील कोणाचीच नावे नसल्याचे उघड झाले. काहींच्या नावापुढे इतरांचे मोबाइल क्रमांक असल्याचा प्रकार समोर आला. कोविन अॅपमधील या गोंधळाला 'महाराष्ट्र टाइम्स'ने सर्वप्रथम वाचा फोडली होती. इंडियन मेडिकल असोसिएशनच्या (आयएमए) पदाधिकाऱ्यांनी याबाबत पालिकेच्या अतिरिक्त आयुक्त रुबल अग्रवाल यांच्याकडे तक्रारही केली होती. 'मटा'च्या वृत्तानंतर आरोग्य खात्याने पुणे पालिकेशी संपर्क साधला; तसेच आरोग्य खात्याची एक स्वतंत्र आयटी टीम पुणे महापालिकेत पाठवून त्यांच्याकडून कोणत्या त्रुटी आहेत, हे जाणून घेतले. त्यानंतर आरोग्य खात्याच्या संचालक डॉ. अर्चना पाटील यांनी याबाबत केंद्र सरकारशी संपर्क साधून नाव नोंदवूनही यादीतून नाव गायब असलेल्या डॉक्टरांच्या व्यथा मांडल्या. त्याशिवाय या आरोग्य कर्मचाऱ्यांना लसीकरणासाठी नाव कधी नोंदविता येईल, याची विचारणा करण्यात आली. त्या वेळी केंद्राने लवकरच संधी देऊ, असे जाहीर केले होते.
दोन आठवडे झाल्यानंतरही केंद्र सरकारकडून कोविन अॅपमअये दुरुस्ती करण्यात आलेली नव्हती. अखेर ज्येष्ठांना लसीकरणासाठी 'कोविन अॅप २.०' कार्यान्वित करण्यात येत आहे. त्यामध्ये केंद्राने वंचित राहिलेल्या आरोग्य कर्मचाऱ्यांसह फ्रंटलाइन वर्कर्सना नोंदणी करण्याचा मार्ग मोकळा झाल्याचे मानले जात आहे.
..........................
कोविन अॅप २.० हे नवे अप केंद्र सरकार एक मार्चपासून कार्यान्वित करीत आहेत. त्यामध्ये ज्येष्ठ नागरिकांसह आतापर्यंत नोंदणी करता न आलेले आरोग्य कर्मचारी; तसेच फ्रंटलाइन वर्कर्सना नोंदणी करता येईल; तसेच त्यांना लसीकरणही करता येणार आहे.
- डॉ. अर्चना पाटील, आरोग्य संचालक
.............
खासगी रुग्णालयातील आरोग्य कर्मचाऱ्यांनी नावनोंदणी करून यादीत नाव नसल्याची तक्रार आम्ही महापालिकेकडे दिली होती. त्यामुळे लसीकरणापासून वंचित राहावे लागण्याची शक्यता होती. आता मात्र केंद्राने 'कोविन २.०' कार्यान्वित केल्याने वंचितांना संधी मिळेल. पुण्यातील दोन ते अडीच हजार डॉक्टर, कर्मचाऱ्यांना लसीकरणाची संधी मिळेल.
- डॉ. संजय पाटील, चेअरमन, हॉस्पिटल बोर्ड ऑफ इंडिया
.............