म. टा. प्रतिनिधी, पुणेः ‘महामेट्रो’च्या डेक्कन जिमखाना मेट्रो स्टेशन आणि स्टेशनला जोडणाऱ्या उन्नत पादचारी मार्गाचे काम सुरू करण्यात आले आहे. त्यामुळे डेक्कन पीएमटी बसस्टॉप येथून भिडे पुलाकडे जाणारी वाहतूक मंगळवारपासून १४ नोव्हेंबरपर्यंत बंद ठेवण्यात येणार आहे. डेक्कन येथून भिडे पूल मार्गे नारायण पेठेत येणाऱ्या वाहनचालकांनी लकडीपुल अथवा झेड पुलावरून इच्छितस्थळी जावे, असे आवाहन वाहतूक पोलिसांच्यावतीने करण्यात आले आहे.
मेट्रोच्या वनाज ते रामवाडी मार्गिकेवर डेक्कन जिमखाना येथे स्टेशन उभारण्यात येत आहे. या स्टेशनवर जाण्यासाठी डेक्कन येथील पीएमटी बसस्टॉपजवळ इलिव्हेटेड पादचारी मार्ग, त्या ठिकाणी जाण्यासाठीच्या जोड रस्त्याचे काम सुरू करण्यात येत आहे. यामुळे जंगली महाराज रस्ता अथवा आपटे रस्त्याने आल्यानंतर डेक्कन बसस्टॉप शेजारील रस्त्याने भिडे पुलावरून मध्यवर्ती शहरात येणारा वाहन मार्ग बंद करण्यात येणार आहे. या रस्त्यावर चार चाकी वाहनांना बंदी असली तरी दुचाकी आणि रिक्षा चालकांसोबतच चार चाकी वाहने या रस्त्याचा वापर मोठ्या प्रमाणावर करतात. हा मार्ग बंद करण्यात येणार असल्याने वाहन चालकांनी खंडोजी बाबा चौकातून डावीकडे लकडी पुलावरून टिळक चौकात आल्यानंतर केळकर रस्त्याने मध्यवर्ती शहरात जावे. दुचाकी चालक काकासाहेब गाडगीळ पुल अर्थात झेड ब्रिजचा वापर करू शकतील. तसेच, नारायण पेठेतून भिडे पुलावरून येणाऱ्या वाहन चालकांनी पूल संपल्यानंतर उजवीकडे सुकांता हॉटेल समोरील रस्त्याने जंगली महाराज रस्त्याकडे वळावे, असे आवाहन वाहतूक पोलिसांनी केले आहे.
मेट्रोच्या वनाज ते रामवाडी मार्गिकेवर डेक्कन जिमखाना येथे स्टेशन उभारण्यात येत आहे. या स्टेशनवर जाण्यासाठी डेक्कन येथील पीएमटी बसस्टॉपजवळ इलिव्हेटेड पादचारी मार्ग, त्या ठिकाणी जाण्यासाठीच्या जोड रस्त्याचे काम सुरू करण्यात येत आहे. यामुळे जंगली महाराज रस्ता अथवा आपटे रस्त्याने आल्यानंतर डेक्कन बसस्टॉप शेजारील रस्त्याने भिडे पुलावरून मध्यवर्ती शहरात येणारा वाहन मार्ग बंद करण्यात येणार आहे. या रस्त्यावर चार चाकी वाहनांना बंदी असली तरी दुचाकी आणि रिक्षा चालकांसोबतच चार चाकी वाहने या रस्त्याचा वापर मोठ्या प्रमाणावर करतात. हा मार्ग बंद करण्यात येणार असल्याने वाहन चालकांनी खंडोजी बाबा चौकातून डावीकडे लकडी पुलावरून टिळक चौकात आल्यानंतर केळकर रस्त्याने मध्यवर्ती शहरात जावे. दुचाकी चालक काकासाहेब गाडगीळ पुल अर्थात झेड ब्रिजचा वापर करू शकतील. तसेच, नारायण पेठेतून भिडे पुलावरून येणाऱ्या वाहन चालकांनी पूल संपल्यानंतर उजवीकडे सुकांता हॉटेल समोरील रस्त्याने जंगली महाराज रस्त्याकडे वळावे, असे आवाहन वाहतूक पोलिसांनी केले आहे.