म. टा. प्रतिनिधी, पिंपरी
‘पिंपरी-चिंचवड महापालिकेच्या ‘अ’ क्षेत्रीय कार्यालयातील कनिष्ठ अभियंत्याला झालेल्या मारहाणप्रकरणी कारवाईबाबत नरमाईची भूमिका घेतली,’ असा आरोप पालिका अभियंत्यांनी केला आहे. पोलिस ठाण्यात तक्रार न देण्याबाबत आमची हरकत नाही असे उत्तर काही अधिकाऱ्यांनीही माध्यमांना दिल्याचेही त्यांचे म्हणणे आहे. मारहाणीच्या घटनेचा निषेध करण्यासाठी शुक्रवारी पिंपरी-चिंचवड महापालिका कर्मचारी महासंघ व अभियंता संघातर्फे सभा आयोजित करण्यात आली होती. त्या वेळी संघटनेने ही भूमिका मांडली.
मनसेचे शहराध्यक्ष सचिन चिखले यांनी गुरुवारी (८ डिसेंबर) अ क्षेत्रीय कार्यालयात जाऊन पाणीपुरवठा विभागातील कनिष्ठ अभियंता सन्मान भोसले यांना मारहाण करत कार्यालयाची तोडफोड करण्यात आली होती. सभेला महासंघाचे सदस्य, शहर अभियंता, कार्यकारी अभियंता, कनिष्ठ अभियंता यांच्यासह अभियंता संघाचे अध्यक्ष अनिल मेंगशेट्टी, सचिव सुनील बेळगावकर आदी उपस्थित होते.
मेंगशेट्टी म्हणाले, ‘अभियंता मारहाण प्रकरण गैरसमाजातून झाले होते. त्यासंदर्भात मनसेचे शहराध्यक्ष सचिन चिखले यांनी जाहीर माफी मागितली होती. त्यामुळे अभियंता सन्मान भोसले यांनी तक्रार नोंदविण्यासाठी दीड दिवसाचा कालावधी मागितला होता. मात्र, काही अधिकाऱ्यांनी माध्यमांना माहिती देताना अभियंत्याची तक्रार नसल्यामुळे आमची काही हरकत नाही, असे अजब स्पष्टीकरण दिले. महापालिकेने संबंधित दोषींवर गुन्हा दाखल करावा. तसेच राजकीय नेत्यांनी निवडणूक पाहता श्रेयासाठी, असे वर्तन करू नये. यावर महापालिकेचे नियंत्रण असावे.’
या वेळी अभियंत्यांनी सहाय्यक आयुक्त डॉ. महेशकुमार डोईफोडे यांची भेट घेतली असता त्यांनी कायदे विभागाशी चर्चा करून योग्य ती पावले उचलली जातील. तसेच महापालिका आयुक्त दिनेश वाघमारे यांच्याशी या विषयावर चर्चा करण्यासाठी मंगळवारी बैठक बोलवली जाईल, असे आश्वासन दिल्यानंतर ही निषेध सभा संपली. दोषींवर कारवाई झाली नाही तर कर्मचारी महासंघ व अभियंता संघातर्फे काम बंद आंदोलन करण्याचाही इशारा महापालिकेला देण्यात आला.
‘पिंपरी-चिंचवड महापालिकेच्या ‘अ’ क्षेत्रीय कार्यालयातील कनिष्ठ अभियंत्याला झालेल्या मारहाणप्रकरणी कारवाईबाबत नरमाईची भूमिका घेतली,’ असा आरोप पालिका अभियंत्यांनी केला आहे. पोलिस ठाण्यात तक्रार न देण्याबाबत आमची हरकत नाही असे उत्तर काही अधिकाऱ्यांनीही माध्यमांना दिल्याचेही त्यांचे म्हणणे आहे. मारहाणीच्या घटनेचा निषेध करण्यासाठी शुक्रवारी पिंपरी-चिंचवड महापालिका कर्मचारी महासंघ व अभियंता संघातर्फे सभा आयोजित करण्यात आली होती. त्या वेळी संघटनेने ही भूमिका मांडली.
मनसेचे शहराध्यक्ष सचिन चिखले यांनी गुरुवारी (८ डिसेंबर) अ क्षेत्रीय कार्यालयात जाऊन पाणीपुरवठा विभागातील कनिष्ठ अभियंता सन्मान भोसले यांना मारहाण करत कार्यालयाची तोडफोड करण्यात आली होती. सभेला महासंघाचे सदस्य, शहर अभियंता, कार्यकारी अभियंता, कनिष्ठ अभियंता यांच्यासह अभियंता संघाचे अध्यक्ष अनिल मेंगशेट्टी, सचिव सुनील बेळगावकर आदी उपस्थित होते.
मेंगशेट्टी म्हणाले, ‘अभियंता मारहाण प्रकरण गैरसमाजातून झाले होते. त्यासंदर्भात मनसेचे शहराध्यक्ष सचिन चिखले यांनी जाहीर माफी मागितली होती. त्यामुळे अभियंता सन्मान भोसले यांनी तक्रार नोंदविण्यासाठी दीड दिवसाचा कालावधी मागितला होता. मात्र, काही अधिकाऱ्यांनी माध्यमांना माहिती देताना अभियंत्याची तक्रार नसल्यामुळे आमची काही हरकत नाही, असे अजब स्पष्टीकरण दिले. महापालिकेने संबंधित दोषींवर गुन्हा दाखल करावा. तसेच राजकीय नेत्यांनी निवडणूक पाहता श्रेयासाठी, असे वर्तन करू नये. यावर महापालिकेचे नियंत्रण असावे.’
या वेळी अभियंत्यांनी सहाय्यक आयुक्त डॉ. महेशकुमार डोईफोडे यांची भेट घेतली असता त्यांनी कायदे विभागाशी चर्चा करून योग्य ती पावले उचलली जातील. तसेच महापालिका आयुक्त दिनेश वाघमारे यांच्याशी या विषयावर चर्चा करण्यासाठी मंगळवारी बैठक बोलवली जाईल, असे आश्वासन दिल्यानंतर ही निषेध सभा संपली. दोषींवर कारवाई झाली नाही तर कर्मचारी महासंघ व अभियंता संघातर्फे काम बंद आंदोलन करण्याचाही इशारा महापालिकेला देण्यात आला.