म. टा. प्रतिनिधी, पुणे
पासपोर्टची ऑनलाइन अपॉइमेंट घेताय... मग तुम्ही ज्या वेबसाइटवर तुमची माहिती देत आहात, ती सरकारी आहे का, याची खात्री करा, असे आवाहन पुणे पासपोर्ट विभागाने केले आहे. केंद्रीय परराष्ट्र मंत्रालयाच्या पासपोर्ट वेबसाइटसारख्या हुबेहुब दिसणाऱ्या काही वेबसाइट सुरू झाल्या आहेत. या वेबसाइटवरून नागरिकांच्या माहितीचा गैरवापर आणि पैशांची फसवणूक होते आहे. नागरिकांनी खबरबदारी घेण्याची सूचना परराष्ट्र मंत्रालयाने प्रसिद्धीपत्रकारद्वारे केली आहे.
गेल्या काही महिन्यात देशभरातील विविध भागातून नागरिकांची पासपोर्ट अर्ज भरताना फसवणूक झाल्याच्या तक्रारी मंत्रालयाकडे नोंदविण्यात आल्या आहेत. ऑनलाइन गैरव्यवहार करणाऱ्यांनी पासपोर्टचा ऑनलाइन अर्ज भरण्यासाठी मूळ वेबसाइटसारख्या दिसणाऱ्या वेबसाइट केल्या आहेत. यात www.indiapassport.org, www.online-passportindia.com, www.passportindiaportal.in, www.passport-india.in, www.passport-seva.in, www.applypassport अशा वेगवेगळ्या पासपोर्ट साइट करण्यात आल्या आहेत.
लोकांकडून मिळणाऱ्या माहितीचा गैरवापर आणि पैशांचीही फसवणूक होते आहे. त्यामुळे नागरिकांनी दक्ष राहून केंद्र सरकारच्या www.passportindia.gov.in या अधिकृत वेबसाइटवर अथवा एमपासपोर्ट सेवा या मोबाइल अॅप्लिकेशनवर पासपोर्टचा अर्ज भरावा, असे प्रसिद्धपत्राकात आवाहन केले आहे.
पासपोर्टची ऑनलाइन अपॉइमेंट घेताय... मग तुम्ही ज्या वेबसाइटवर तुमची माहिती देत आहात, ती सरकारी आहे का, याची खात्री करा, असे आवाहन पुणे पासपोर्ट विभागाने केले आहे. केंद्रीय परराष्ट्र मंत्रालयाच्या पासपोर्ट वेबसाइटसारख्या हुबेहुब दिसणाऱ्या काही वेबसाइट सुरू झाल्या आहेत. या वेबसाइटवरून नागरिकांच्या माहितीचा गैरवापर आणि पैशांची फसवणूक होते आहे. नागरिकांनी खबरबदारी घेण्याची सूचना परराष्ट्र मंत्रालयाने प्रसिद्धीपत्रकारद्वारे केली आहे.
गेल्या काही महिन्यात देशभरातील विविध भागातून नागरिकांची पासपोर्ट अर्ज भरताना फसवणूक झाल्याच्या तक्रारी मंत्रालयाकडे नोंदविण्यात आल्या आहेत. ऑनलाइन गैरव्यवहार करणाऱ्यांनी पासपोर्टचा ऑनलाइन अर्ज भरण्यासाठी मूळ वेबसाइटसारख्या दिसणाऱ्या वेबसाइट केल्या आहेत. यात www.indiapassport.org, www.online-passportindia.com, www.passportindiaportal.in, www.passport-india.in, www.passport-seva.in, www.applypassport अशा वेगवेगळ्या पासपोर्ट साइट करण्यात आल्या आहेत.
लोकांकडून मिळणाऱ्या माहितीचा गैरवापर आणि पैशांचीही फसवणूक होते आहे. त्यामुळे नागरिकांनी दक्ष राहून केंद्र सरकारच्या www.passportindia.gov.in या अधिकृत वेबसाइटवर अथवा एमपासपोर्ट सेवा या मोबाइल अॅप्लिकेशनवर पासपोर्टचा अर्ज भरावा, असे प्रसिद्धपत्राकात आवाहन केले आहे.