शास्त्रज्ञांचे साहस, विलक्षण बुद्धिमत्ता आणि चिकाटी यांची अद्भूत कहाणी असलेल्या 'व्हिटॅमिन्स' या पुस्तकाचे प्रकाशन होणार आहे. जीवनसत्त्वांअभावी होणार्‍या बेरीबेरी, रातांधळेपणा, पेलाग्रा, स्कर्व्ही या आजारांचा शोध, इतिहास व उपाय याची साद्यंत माहिती या पुस्तकात असून, मानवी आरोग्यासाठी अतिआवश्यक असणाऱ्या अ, ब, क, के ही जीवनसत्त्वे आणि बी कॉम्प्लेक्स आणि रायबोफलेविन इत्यादी सूक्ष्म पोषणतत्त्वांचा शोध, त्यांच्या अभावाने घातलेले थैमान याविषयीची रंजक माहिती पुस्तकात आहे. लेखक अच्युत गोडबोले आणि डॉ. वैदेही लिमये लिखित 'व्हिटॅमिन्स' या पुस्तकाचा आणि 'रक्त' या पुस्तकाच्या पाचव्या आवृत्तीचे प्रकाशन इंटर डिसिप्लिनरी स्कूल ऑफ हेल्थ सायन्स येथील प्राध्यापक व सेंटर फॉर कॉम्प्लिमेंटरी अँड इंटिग्रेटिव्ह हेल्थ (सीसीआयएच) या पुणे विद्यापीठातील संस्थेचे संचालक डॉ. भूषण पटवर्धन व मराठी विज्ञान परिषदेचे कार्यवाह अ. पां. देशपांडे यांच्या हस्ते होणार आहे. साकेत प्रकाशन व अक्षरधारा बुक गॅलरी यांच्या संयुक्त विद्यमाने आयोजित कार्यक्रम नवी पेठेतील पुणे पत्रकार संघ येथे सायंकाळी ६ वाजता होणार आहे.
पत्रकार संघ : सायं. ६