पुणे-मुंबई एक्स्प्रेस वेवरील अमृतांजन पूल स्फोटाच्या साह्यानं जमीनदोस्त

लोणावळा: पुणे आणि रायगड जिल्ह्याच्या सीमेवर असणारा खंडाळा घाटातील १९० वर्षे जुना ब्रिटिशकालीन अमृतांजन पूल रविवारी सायंकाळी सव्वासहा वाजता स्फोटकांचा साह्याने जमीनदोस्त करण्यात आला. एक्स्प्रेस वेवर सातत्याने होणारे अपघात आणि वाहतूक कोंडीच्या पार्श्वभूमीवर हा पूल पाडण्याचा निर्णय सरकार व रस्ते विकास महामंडळाने घेतला होता.

रविवारी सकाळी साडेनऊ वाजता पूल पाडण्याच्या कामाला सुरुवात करण्यात आली. आधुनिक ड्रिल मशिनच्या साह्याने पुलाला ४० होल पाडण्यात आले. नवयुग कंपनीतर्फे हे काम करण्यात आले. यानंतर स्फोटकांच्या साह्याने पूल पाडण्यात आला. रस्ते विकास महामंडळाचे मुख्य कार्यकारी अभियंता डी. डी. उकिर्डे, अधीक्षक अभियंता ए. पी. नागरगोजे, कार्यकारी अभियंता आर. पी. सोनवणे, ठाणे महामार्ग पोलिस अधीक्षक डॉ. दिगंबर प्रधान, पोलिस निरीक्षक सुदाम पाचोरकर आदी या वेळी उपस्थित होते.

नगर: 'त्या' विदेशींनी धर्मप्रसार केल्याचं उघड

दिवे लावा, पण घराबाहेर पडू नका; अजित पवारांचं आवाहन

या वेळी मुंबईहून पुण्याकडे जाणारी वाहतूक किलोमीटर क्रमांक ४४ अंडा पाँइंट येथून जुन्या मार्गाने लोणावळा एक्झिट येथून पुन्हा एक्सप्रेस वर वळविण्यात आली आहे. पुण्याकडून मुंबईला जाणारी वाहतूक जुन्या मार्गाने लोणावळा एक्झिट येथून ४४ अंडा पाँइंट अशी वळविण्यात आली आहे.

आर्थिक राजधानीला करोनाने घेरले; निम्मे रुग्ण मुंबईत

पुण्यात २४ तासांत दोघांचा मृत्यू; करोना बळींची संख्या ४वर