पुणे:
चित्रकलेचा अभ्यास पूर्ण न केल्यानं रागाच्या भरात शिक्षकानं केलेल्या मारहाणीमुळं सहावीतील विद्यार्थ्याला अर्धांगवायूचा झटका आल्याचा धक्कादायक प्रकार समोर आला आहे. पुण्यातील श्री शिवाजी प्रिपेरेटरी मिलिटरी स्कूलमध्ये हा प्रकार घडला आहे.
शिक्षक संदीप गाडे यांनी सहावीतील विद्यार्थ्यांना चित्रे काढून आणण्यास सांगितली होती. प्रसन्न पाटील याने चित्रे काढली नाहीत. त्यामुळं गाडे यांनी रागाच्या भरात प्रसन्नला मारहाण केली. चेहऱ्यावर फटके मारल्यानं नस दबली असून, चेहरा वाकडा झाला आहे. त्याला नीट बोलता येत नाही. त्याच्या शरीराचा उजवा भाग लुळा पडला आहे, असं पालकांनी सांगितलं.
३ नोव्हेंबरला हा प्रकार घडला. प्रसन्न दिवाळीच्या सुट्टीसाठी घरी गेला असता, चेहरा वाकडा आणि चेहऱ्यावर मारहाणीचे व्रण असल्याचे पालकांच्या निदर्शनास आले. याबाबत त्यांनी प्रसन्नला विचारलं असता, त्यानं घडलेला प्रकार सांगितला. पालकांनी याबाबत शाळा व्यवस्थापनाकडे शिक्षकाविरोधात तक्रार केली. व्यवस्थापनानं या घटनेची गंभीर दखल घेतली असून, शिक्षकाला तात्काळ निलंबित केलं. या प्रकरणाची चौकशी करून शिक्षकावर कारवाई करण्यात येईल, असं आश्वासन व्यवस्थापनानं पालकांना दिलं आहे. दरम्यान, विद्यार्थ्यावर बारामतीतील खासगी रुग्णालयात उपचार सुरू आहेत.
चित्रकलेचा अभ्यास पूर्ण न केल्यानं रागाच्या भरात शिक्षकानं केलेल्या मारहाणीमुळं सहावीतील विद्यार्थ्याला अर्धांगवायूचा झटका आल्याचा धक्कादायक प्रकार समोर आला आहे. पुण्यातील श्री शिवाजी प्रिपेरेटरी मिलिटरी स्कूलमध्ये हा प्रकार घडला आहे.
शिक्षक संदीप गाडे यांनी सहावीतील विद्यार्थ्यांना चित्रे काढून आणण्यास सांगितली होती. प्रसन्न पाटील याने चित्रे काढली नाहीत. त्यामुळं गाडे यांनी रागाच्या भरात प्रसन्नला मारहाण केली. चेहऱ्यावर फटके मारल्यानं नस दबली असून, चेहरा वाकडा झाला आहे. त्याला नीट बोलता येत नाही. त्याच्या शरीराचा उजवा भाग लुळा पडला आहे, असं पालकांनी सांगितलं.
३ नोव्हेंबरला हा प्रकार घडला. प्रसन्न दिवाळीच्या सुट्टीसाठी घरी गेला असता, चेहरा वाकडा आणि चेहऱ्यावर मारहाणीचे व्रण असल्याचे पालकांच्या निदर्शनास आले. याबाबत त्यांनी प्रसन्नला विचारलं असता, त्यानं घडलेला प्रकार सांगितला. पालकांनी याबाबत शाळा व्यवस्थापनाकडे शिक्षकाविरोधात तक्रार केली. व्यवस्थापनानं या घटनेची गंभीर दखल घेतली असून, शिक्षकाला तात्काळ निलंबित केलं. या प्रकरणाची चौकशी करून शिक्षकावर कारवाई करण्यात येईल, असं आश्वासन व्यवस्थापनानं पालकांना दिलं आहे. दरम्यान, विद्यार्थ्यावर बारामतीतील खासगी रुग्णालयात उपचार सुरू आहेत.