म. टा. प्रतिनिधी, पुणे
चांदणी चौकातील प्रस्तावित उड्डाणपुलाचा काही भाग राष्ट्रीय संरक्षण प्रबोधिनीच्या (एनडीए) रस्त्याला जोडणारा असल्याने या कामासाठी पालिकेला लष्कराची नक्की किती जागा लागणार आहे, याची सविस्तर माहिती लष्कराने पालिकेकडून मागविली आहे. ही माहिती तयार करून त्याचा सविस्तर अहवाल पाठविण्याची तयारी पालिकेने सुरू केली आहे.
चांदणी चौकातील वाहतूक कोंडी फोडण्यासाठी राष्ट्रीय महामार्ग प्राधिकरणाच्या वतीने येथे उड्डाणपूल बांधण्यात येणार आहे. हा उड्डणपूल बावधन, कोथरूड, पौड रस्ता, एनडीए रस्त्याला जोडणारा आहे. त्यामुळे या रस्त्याची काही प्रमाणात एनडीएची जागा भूसंपादित करावी लागणार आहे. त्यासाठीचे पत्र महापालिकेकडून लष्कराच्या मालमत्ता विभागास पाठविण्यात आले होते. त्यानुसार, या विभागाने पालिकेस नेमकी कोणती आणि किती जागा हवी आहे यासाठीच्या सविस्तर प्रस्तावासह या पुलाचा सविस्तर आराखडा लष्कराने पालिकेकडून मागविला आहे. ही जागा एनडीएच्या ताब्यात असल्याने संबंधित विभागाचे ना हरकत प्रमाणपत्र (एनओसी) घेणे गरजेचे आहे. तसेच, केंद्र सरकारच्या संरक्षण विभागाची परवानगी घेणेदेखील आवश्यक असल्याने याचा सविस्तर अहवाल लवकरात लवकर सादर करण्याची सूचना लष्कराच्या वतीने महापालिकेला करण्यात आली आहे.
जागेचा सविस्तर अहवाल तातडीने सादर करण्याचे पत्र नुकतेच महापालिका आयुक्त कुणाल कुमार यांना पाठविण्यात आले असल्याचे पालिकेतील प्रशासकीय सूत्रांकडून सांगण्यात आले. त्यानुसार, हा अहवाल तयार करण्याचे काम सुरू असल्याची माहिती महापालिकेच्या प्रकल्प नियोजन विभागाकडून देण्यात आली.
‘उमटा’साठी पाठपुरावा करा’
‘शहरातील जुन्या मंडईचा कालबद्ध पुनर्विकास करण्याबरोबरच गर्दीच्या भागात नवीन मंडई बांधण्याबाबत तातडीने कार्यवाही केली जाईल. शहराची वाहतूक कोंडी सोडविण्यासाठी ‘युनिफाइड मेट्रोपॉलिटन ट्रान्सपोर्ट ऑथोरिटी’ (उमटा)साठी काम करण्यासाठी राज्य सरकारच्या विविध विभागांसोबत समन्वय राखण्यासाठी पालिकेच्या वतीने पुढाकार घेण्यात आला आहे. राज्य सरकारकडे यासाठी पाठपुरावा करावा,’ अशी अपेक्षा पालिका आयुक्त कुणाल कुमार यांनी शिवसेनेच्या उपनेत्या व प्रवक्त्या डॉ. नीलम गोऱ्हे यांच्याकडे व्यक्त केली.
शहराच्या विकासाबाबत आणि नागरिकांना आवश्यक त्या पायाभूत सुविधा उपलब्ध करून देण्यात याव्यात, या मागणीसाठी तसेच शहरातील प्रश्नांवर चर्चा करण्यासाठी डॉ. गोऱ्हे यांनी आयुक्त कुमार यांची भेट घेऊन त्यांच्याशी चर्चा केली. महापालिकेच्या हॉस्पिटलमध्ये स्वाइन फ्लू व डेंगीबाबत आवश्यक त्या उपाययोजना करण्यासोबतच याविषयी प्रचार व प्रसार मोठ्या प्रमाणात करण्यात यावा, अशी मागणी गोऱ्हे यांनी केली. याबरोबरच पालिकेने तातडीने आरोग्य विभागातील रिक्त पदे भरावीत, पालिकेच्या हॉस्पिटलमध्ये सायंकाळी डॉक्टर उपलब्ध करून देण्यात यावेत, शहरातील पाणीपुरवठा सुरळीत आणि पुरेसा करण्यासाठी प्रयत्न करावेत, अशा मागण्या गोऱ्हे यांनी आयुक्तांकडे केल्या. या सर्व गोष्टींचा पाठपुरावा करून पुढील काही महिन्यांमध्ये हे प्रश्न मार्गी लागतील, असे आश्वासन कुमार यांनी दिले.
या वेळी पालिकेतील शिवसेनेचे गटनेते संजय भोसले, माजी नगरसेवक अशोक हरणावळ, प्रमोद भानगिरे, नगरसेविका संगीता ठोसर, श्वेता चव्हाण, पल्लवी जावळे, प्राची आल्हाट यांच्यासह पालिकेचे वाहतूक विभाग प्रमुख श्रीनिवास बोनाला, सहआयुक्त सुरेश जगताप, ज्ञानेश्वर मोळक, सहआयुक्त विजय लांडगे, सहायक आयुक्त रवी पवार, मंडई विभागाचे उपायुक्त वसंत पाटील, उपायुक्त माधव देशपांडे, पाणीपुरवठा विभागाचे मुख्य अभियंता व्ही. जी. कुलकर्णी आदी उपस्थित होते.
जेधे चौकात जागेची पाहणी
स्वारगेट येथील जेधे चौकात एकात्मिक वाहतूक आराखड्यातंर्गत (इंटिग्रेटेड मल्टिमोड्यूल ट्रान्सपोर्ट हब) जागेची पाहणी महापालिका आयुक्त कुणाल कुमार आणि मेट्रोच्या अधिकाऱ्यांनी नुकतीच केली. या वेळी वेगवेगळ्या गोष्टींबाबत सविस्तर चर्चा करण्यात आली असून याचे काम लवकरच करण्याची तयारी सुरू करण्यात आली आहे.
जेधे चौकात सुमारे चार एकर जागेमध्ये मेट्रोचे स्टेशन उभारले जाणार आहे. यामध्ये एसटी महामंडळ आणि पीएमपीच्या बसलादेखील सामावून घेतले जाणार आहे. एसटी, पीएमपी आणि मेट्रो यांची सांगड घालून मेट्रो स्थानक म्हणजेच ‘ट्रान्स्पोर्ट हब’ उभारण्यात येणार आहे. याबाबत एसटी आणि पीएमपीबरोबर चर्चा करण्यात आली आहे. या ट्रान्स्पोर्ट हबचा अंतिम आराखडा तयार करण्याचे काम अखेरच्या टप्पात आहे. स्वारगेट चौकातील मेट्रोच्या स्टेशनचे काम सहा महिन्यात सुरू करण्याचे आदेश मुख्यमंत्री देवेंद्र फडणवीस यांनी दिले आहेत. या सर्व पार्श्वभूमीवर पालिका आयुक्त कुणाल कुमार आणि पालिकेच्या विविध विभागाचे अधिकारी आणि मेट्रोचे अधिकारी यांनी या जागेची पाहणी केली.
चांदणी चौकातील प्रस्तावित उड्डाणपुलाचा काही भाग राष्ट्रीय संरक्षण प्रबोधिनीच्या (एनडीए) रस्त्याला जोडणारा असल्याने या कामासाठी पालिकेला लष्कराची नक्की किती जागा लागणार आहे, याची सविस्तर माहिती लष्कराने पालिकेकडून मागविली आहे. ही माहिती तयार करून त्याचा सविस्तर अहवाल पाठविण्याची तयारी पालिकेने सुरू केली आहे.
चांदणी चौकातील वाहतूक कोंडी फोडण्यासाठी राष्ट्रीय महामार्ग प्राधिकरणाच्या वतीने येथे उड्डाणपूल बांधण्यात येणार आहे. हा उड्डणपूल बावधन, कोथरूड, पौड रस्ता, एनडीए रस्त्याला जोडणारा आहे. त्यामुळे या रस्त्याची काही प्रमाणात एनडीएची जागा भूसंपादित करावी लागणार आहे. त्यासाठीचे पत्र महापालिकेकडून लष्कराच्या मालमत्ता विभागास पाठविण्यात आले होते. त्यानुसार, या विभागाने पालिकेस नेमकी कोणती आणि किती जागा हवी आहे यासाठीच्या सविस्तर प्रस्तावासह या पुलाचा सविस्तर आराखडा लष्कराने पालिकेकडून मागविला आहे. ही जागा एनडीएच्या ताब्यात असल्याने संबंधित विभागाचे ना हरकत प्रमाणपत्र (एनओसी) घेणे गरजेचे आहे. तसेच, केंद्र सरकारच्या संरक्षण विभागाची परवानगी घेणेदेखील आवश्यक असल्याने याचा सविस्तर अहवाल लवकरात लवकर सादर करण्याची सूचना लष्कराच्या वतीने महापालिकेला करण्यात आली आहे.
जागेचा सविस्तर अहवाल तातडीने सादर करण्याचे पत्र नुकतेच महापालिका आयुक्त कुणाल कुमार यांना पाठविण्यात आले असल्याचे पालिकेतील प्रशासकीय सूत्रांकडून सांगण्यात आले. त्यानुसार, हा अहवाल तयार करण्याचे काम सुरू असल्याची माहिती महापालिकेच्या प्रकल्प नियोजन विभागाकडून देण्यात आली.
‘उमटा’साठी पाठपुरावा करा’
‘शहरातील जुन्या मंडईचा कालबद्ध पुनर्विकास करण्याबरोबरच गर्दीच्या भागात नवीन मंडई बांधण्याबाबत तातडीने कार्यवाही केली जाईल. शहराची वाहतूक कोंडी सोडविण्यासाठी ‘युनिफाइड मेट्रोपॉलिटन ट्रान्सपोर्ट ऑथोरिटी’ (उमटा)साठी काम करण्यासाठी राज्य सरकारच्या विविध विभागांसोबत समन्वय राखण्यासाठी पालिकेच्या वतीने पुढाकार घेण्यात आला आहे. राज्य सरकारकडे यासाठी पाठपुरावा करावा,’ अशी अपेक्षा पालिका आयुक्त कुणाल कुमार यांनी शिवसेनेच्या उपनेत्या व प्रवक्त्या डॉ. नीलम गोऱ्हे यांच्याकडे व्यक्त केली.
शहराच्या विकासाबाबत आणि नागरिकांना आवश्यक त्या पायाभूत सुविधा उपलब्ध करून देण्यात याव्यात, या मागणीसाठी तसेच शहरातील प्रश्नांवर चर्चा करण्यासाठी डॉ. गोऱ्हे यांनी आयुक्त कुमार यांची भेट घेऊन त्यांच्याशी चर्चा केली. महापालिकेच्या हॉस्पिटलमध्ये स्वाइन फ्लू व डेंगीबाबत आवश्यक त्या उपाययोजना करण्यासोबतच याविषयी प्रचार व प्रसार मोठ्या प्रमाणात करण्यात यावा, अशी मागणी गोऱ्हे यांनी केली. याबरोबरच पालिकेने तातडीने आरोग्य विभागातील रिक्त पदे भरावीत, पालिकेच्या हॉस्पिटलमध्ये सायंकाळी डॉक्टर उपलब्ध करून देण्यात यावेत, शहरातील पाणीपुरवठा सुरळीत आणि पुरेसा करण्यासाठी प्रयत्न करावेत, अशा मागण्या गोऱ्हे यांनी आयुक्तांकडे केल्या. या सर्व गोष्टींचा पाठपुरावा करून पुढील काही महिन्यांमध्ये हे प्रश्न मार्गी लागतील, असे आश्वासन कुमार यांनी दिले.
या वेळी पालिकेतील शिवसेनेचे गटनेते संजय भोसले, माजी नगरसेवक अशोक हरणावळ, प्रमोद भानगिरे, नगरसेविका संगीता ठोसर, श्वेता चव्हाण, पल्लवी जावळे, प्राची आल्हाट यांच्यासह पालिकेचे वाहतूक विभाग प्रमुख श्रीनिवास बोनाला, सहआयुक्त सुरेश जगताप, ज्ञानेश्वर मोळक, सहआयुक्त विजय लांडगे, सहायक आयुक्त रवी पवार, मंडई विभागाचे उपायुक्त वसंत पाटील, उपायुक्त माधव देशपांडे, पाणीपुरवठा विभागाचे मुख्य अभियंता व्ही. जी. कुलकर्णी आदी उपस्थित होते.
जेधे चौकात जागेची पाहणी
स्वारगेट येथील जेधे चौकात एकात्मिक वाहतूक आराखड्यातंर्गत (इंटिग्रेटेड मल्टिमोड्यूल ट्रान्सपोर्ट हब) जागेची पाहणी महापालिका आयुक्त कुणाल कुमार आणि मेट्रोच्या अधिकाऱ्यांनी नुकतीच केली. या वेळी वेगवेगळ्या गोष्टींबाबत सविस्तर चर्चा करण्यात आली असून याचे काम लवकरच करण्याची तयारी सुरू करण्यात आली आहे.
जेधे चौकात सुमारे चार एकर जागेमध्ये मेट्रोचे स्टेशन उभारले जाणार आहे. यामध्ये एसटी महामंडळ आणि पीएमपीच्या बसलादेखील सामावून घेतले जाणार आहे. एसटी, पीएमपी आणि मेट्रो यांची सांगड घालून मेट्रो स्थानक म्हणजेच ‘ट्रान्स्पोर्ट हब’ उभारण्यात येणार आहे. याबाबत एसटी आणि पीएमपीबरोबर चर्चा करण्यात आली आहे. या ट्रान्स्पोर्ट हबचा अंतिम आराखडा तयार करण्याचे काम अखेरच्या टप्पात आहे. स्वारगेट चौकातील मेट्रोच्या स्टेशनचे काम सहा महिन्यात सुरू करण्याचे आदेश मुख्यमंत्री देवेंद्र फडणवीस यांनी दिले आहेत. या सर्व पार्श्वभूमीवर पालिका आयुक्त कुणाल कुमार आणि पालिकेच्या विविध विभागाचे अधिकारी आणि मेट्रोचे अधिकारी यांनी या जागेची पाहणी केली.