पुण्यात ज्युनिअर अभिनेत्रीवर दिग्दर्शकाकडून बलात्कार, पीडितेने पोलिसांना दिली धक्कादायक माहिती

पुणे : राज्यात महिला अत्याचाराच्या घटना काही थांबण्याचं नाव घेत नाहीयेत. अशात पुण्यात एक धक्कादायक प्रकार समोर आला आहे. पुण्यात एका दिग्दर्शकाने ज्युनिअर अभिनेत्रीवर बलात्कार केल्याची घटना घडली आहे. यामुळे संपूर्ण परिसरात खळबळ उडाली असून पोलीस तपास सुरू असल्याची माहिती आहे.

मिळालेल्या माहितीनुसार, पार्टीच्या बहाण्याने बोलावून ज्युनिअर अभिनेत्रीवर दिग्दर्शकाकडून बलात्कार करण्यात आला. सगळ्यात धक्कादायक बाब म्हणजे १७ वर्षांची असल्यापासून आजपर्यंत या दिग्दर्शकाने तिच्यावर लैंगिक अत्याचार केले आहेत, अशी तक्रार पीडितेकडून करण्यात आली आहे.

मित्राच्या लग्नात बेधुंद नाचताना झाली 'मोठी' चूक, तरुणाचा लग्न मंडपातचं मृत्यू
अमित प्रेमचंद सिटलानी (वय ४०) असं या दिग्दर्शकाचं नाव असून त्याच्याविरोधात विश्रांतवाडी इथे गुन्हा दाखल करण्यात आला आहे. अमित सिटलानी हा सन फिल्म्सचा कास्टिंग डायरेक्टर आहे. काम मिळवून देण्याच्या बहाण्याने त्याने पीडितेवर वारंवार अत्याचार केले. इतकंच नाहीतर तर अत्याचाराचे व्हिडिओ शूट करून ते व्हिडिओ व्हायरल करण्याची धमकी दिल्याचंही पीडितेने तक्रारीत म्हटलं आहे.

या सगळ्यावर आता पोलीस चौकशी करत असून आरोपीविरोधात कठोर कारवाईची मागणी करण्यात येत आहे. दरम्यान, या घटनेमुळे पुन्हा एकदा महिला किती असुरक्षित आहेत? हा मुद्दा अधोरेखित होतो.