म. टा. प्रतिनिधी, पुणे
फॅमिली कोर्टाच्या कामकाजाची वेळ दोन नोव्हेंबरपासून (सोमवार) वाढविण्यात आली असून, सकाळी साडेदहा ते दुपारी चार या वेळेत फॅमिली कोर्टाचे कामकाज चालणार आहे. सध्या फॅमिली कोर्टाचे कामकाज एकाच शिफ्टमध्ये सकाळी अकरा ते दोन या वेळेत सुरू असून, या वेळेत आणखी दोन तास वाढविण्यात आले आहेत.
यामुळे कोर्टाच्या कामकाजाला आणखी चालना मिळणार आहे. ज्या पक्षकारांची आणि वकिलांची कोर्टात दाव्यात सुनावणी आहे, त्यांनाच प्रत्यक्ष सुनावणीला हजर राहण्यासाठी परवानगी दिली जाणार आहे. लॉकडाउनमुळे न्यायालयीन कामकाजावरही मोठ्या प्रमाणावर परिणाम झाला. केवळ तातडीच्या दाव्यांसाठी कोर्टाचे कामकाज सुरू होते. फॅमिली कोर्टात मुलांची कस्टडी, पोटगीचे दावे, परस्परसंमतीने घटस्फोट घेण्याचे दावे यावर प्रामुख्याने सुनावणी सुरू होती. सकाळी अकरा ते दुपारी दोन या वेळेत एका शिफ्टमध्ये कोर्टाचे कामकाज सुरू होते. त्यामध्ये आता आणखी दोन तास वाढविण्यात आले आहेत.
लॉकडाउनचे सात महिने साक्ष पुरावा नोंदविण्याचे काम बंद होते. परंतु, आता ते काम सुरू होणार असल्याने वैवाहिक खटल्यांतील पक्षकारांना मोठा दिलासा मिळणार आहे. करोनाचा संसर्ग टाळण्यासाठीचे सर्व निर्देश पाळून पक्षकारांनी व वकिलांनी न्यायालयीन कामकाजात सहभागी होऊन न्यायालय प्रशासनास सहकार्य करावे.
- सुभाष काफरे, फॅमिली कोर्टाचे प्रमुख न्यायाधीश
फॅमिली कोर्टाच्या कामकाजाची वेळ दोन नोव्हेंबरपासून (सोमवार) वाढविण्यात आली असून, सकाळी साडेदहा ते दुपारी चार या वेळेत फॅमिली कोर्टाचे कामकाज चालणार आहे. सध्या फॅमिली कोर्टाचे कामकाज एकाच शिफ्टमध्ये सकाळी अकरा ते दोन या वेळेत सुरू असून, या वेळेत आणखी दोन तास वाढविण्यात आले आहेत.
यामुळे कोर्टाच्या कामकाजाला आणखी चालना मिळणार आहे. ज्या पक्षकारांची आणि वकिलांची कोर्टात दाव्यात सुनावणी आहे, त्यांनाच प्रत्यक्ष सुनावणीला हजर राहण्यासाठी परवानगी दिली जाणार आहे. लॉकडाउनमुळे न्यायालयीन कामकाजावरही मोठ्या प्रमाणावर परिणाम झाला. केवळ तातडीच्या दाव्यांसाठी कोर्टाचे कामकाज सुरू होते. फॅमिली कोर्टात मुलांची कस्टडी, पोटगीचे दावे, परस्परसंमतीने घटस्फोट घेण्याचे दावे यावर प्रामुख्याने सुनावणी सुरू होती. सकाळी अकरा ते दुपारी दोन या वेळेत एका शिफ्टमध्ये कोर्टाचे कामकाज सुरू होते. त्यामध्ये आता आणखी दोन तास वाढविण्यात आले आहेत.
लॉकडाउनचे सात महिने साक्ष पुरावा नोंदविण्याचे काम बंद होते. परंतु, आता ते काम सुरू होणार असल्याने वैवाहिक खटल्यांतील पक्षकारांना मोठा दिलासा मिळणार आहे. करोनाचा संसर्ग टाळण्यासाठीचे सर्व निर्देश पाळून पक्षकारांनी व वकिलांनी न्यायालयीन कामकाजात सहभागी होऊन न्यायालय प्रशासनास सहकार्य करावे.
- सुभाष काफरे, फॅमिली कोर्टाचे प्रमुख न्यायाधीश