म. टा. प्रतिनिधी, पुणे
जिल्हा परिषदेच्या आरोग्य विभागातील रिक्त पदांमुळे आरोग्यसेवेवर परिणाम होत आहे. त्यामुळे या विभागातील आरोग्य सेवक, औषध निर्माण अधिकारी तसेच प्रयोगशाळा तंत्रज्ञांसह ५८५ जागा रिक्त आहेत. या जागा भरण्याची मागणी जिल्हा परिषदेच्या बांधकाम व आरोग्य सभापती प्रवीण माने यांनी जिल्हाधिकारी सौरव राव यांच्याकडे केली आहे.
या संदर्भातील निवेदन जिल्हाधिकाऱ्यांना देण्यात आले आहे. त्या वेळी खासदार सुप्रिया सुळे, आमदार दत्तात्रय भरणे आदी उपस्थित होते. जिल्ह्यात १३ तालुक्यांमध्ये ९६ प्राथमिक आरोग्य केंद्रे आहेत. त्याशिवाय ५३९ उपकेंद्रे असून त्या ठिकाणी आरोग्य सेवक महिला व पुरुष तसेच औषध निर्माण अधिकारी, प्रयोगशाळा तंत्रज्ञ या संवर्गाची पदे मंजूर आहेत. ही पदे मंजूर असूनही अनेक पदे रिक्त आहेत. विविध पदावरील जागा रिक्त असल्याने आरोग्यसेवा देताना अनेक अडचणी येत आहेत. प्राथमिक आरोग्य केंद्रात औषध निर्माण अधिकारी तसेच प्रयोगशाळा तंत्रज्ञ नसल्याने अनेकांना बाहेरून औषधे घेण्याची तसेच तपासण्या करण्याची वेळ येत आहे. त्याचा नागरिकांना मनःस्ताप सहन करावा लागत आहे.
जिल्ह्यातील प्राथमिक आरोग्य केंद्रासह ५३९ उपकेंद्राच्या ठिकाणी आरोग्य सेवक महिलाच्या ३५० जागा रिक्त आहेत. त्याशिवाय पुरुष आरोग्य सेवकांच्या २२१ तर औषध निर्माण अधिकाऱ्यांची १२ तर प्रयोगशाळा तंत्रज्ञांसह सुमारे ५८५ पदे रिक्त आहेत. ही रिक्त पदे भरण्याचे अधिकार आरोग्य खात्याने जिल्हाधिकाऱ्यांना दिले आहेत. त्यामुळे जिल्हाधिकाऱ्यांच्या परवानगीशिवाय पदे भरता येत नाही, याकडे जिल्हा परिषदेने जिल्हाधिकाऱ्यांचे लक्ष वेधून पदे भरण्याची मागणी केली आहे. रिक्त पदाची प्रक्रिया पूर्ण करण्यासाठी प्रशासनाच्या वतीने मान्यता देण्यात येणार आहे.
वैद्यकीय अधिकाऱ्यांचीही वानवा
झेडपीच्या प्राथमिक आरोग्य केंद्रांसह उपजिल्हा तसेच ग्रामीण हॉस्पिटलमध्ये वैद्यकीय अधिकाऱ्यांची वानवा आहे. जिल्ह्यातील १३ तालुक्यातील ९६ प्राथमिक आरोग्य केंद्रामंध्ये १८७ पदे मंजूर आहेत. जिल्ह्यात सद्यस्थितीत ४५ पदे व जिल्हा शल्यचिकीत्सकांच्या अखत्यारीतील २२ पदे रिक्त आहेत. वैद्यकीय अधिकारी नसल्याने नागरिकांची गैरसोय होत आहे. तसेच प्राथमिक आरोग्य केंद्रामध्ये वारंवार हेलपाटे मारावे लागत आहेत. याबाब नागरिकांमध्ये नाराजी आहे.
जिल्हा परिषदेच्या आरोग्य विभागातील रिक्त पदांमुळे आरोग्यसेवेवर परिणाम होत आहे. त्यामुळे या विभागातील आरोग्य सेवक, औषध निर्माण अधिकारी तसेच प्रयोगशाळा तंत्रज्ञांसह ५८५ जागा रिक्त आहेत. या जागा भरण्याची मागणी जिल्हा परिषदेच्या बांधकाम व आरोग्य सभापती प्रवीण माने यांनी जिल्हाधिकारी सौरव राव यांच्याकडे केली आहे.
या संदर्भातील निवेदन जिल्हाधिकाऱ्यांना देण्यात आले आहे. त्या वेळी खासदार सुप्रिया सुळे, आमदार दत्तात्रय भरणे आदी उपस्थित होते. जिल्ह्यात १३ तालुक्यांमध्ये ९६ प्राथमिक आरोग्य केंद्रे आहेत. त्याशिवाय ५३९ उपकेंद्रे असून त्या ठिकाणी आरोग्य सेवक महिला व पुरुष तसेच औषध निर्माण अधिकारी, प्रयोगशाळा तंत्रज्ञ या संवर्गाची पदे मंजूर आहेत. ही पदे मंजूर असूनही अनेक पदे रिक्त आहेत. विविध पदावरील जागा रिक्त असल्याने आरोग्यसेवा देताना अनेक अडचणी येत आहेत. प्राथमिक आरोग्य केंद्रात औषध निर्माण अधिकारी तसेच प्रयोगशाळा तंत्रज्ञ नसल्याने अनेकांना बाहेरून औषधे घेण्याची तसेच तपासण्या करण्याची वेळ येत आहे. त्याचा नागरिकांना मनःस्ताप सहन करावा लागत आहे.
जिल्ह्यातील प्राथमिक आरोग्य केंद्रासह ५३९ उपकेंद्राच्या ठिकाणी आरोग्य सेवक महिलाच्या ३५० जागा रिक्त आहेत. त्याशिवाय पुरुष आरोग्य सेवकांच्या २२१ तर औषध निर्माण अधिकाऱ्यांची १२ तर प्रयोगशाळा तंत्रज्ञांसह सुमारे ५८५ पदे रिक्त आहेत. ही रिक्त पदे भरण्याचे अधिकार आरोग्य खात्याने जिल्हाधिकाऱ्यांना दिले आहेत. त्यामुळे जिल्हाधिकाऱ्यांच्या परवानगीशिवाय पदे भरता येत नाही, याकडे जिल्हा परिषदेने जिल्हाधिकाऱ्यांचे लक्ष वेधून पदे भरण्याची मागणी केली आहे. रिक्त पदाची प्रक्रिया पूर्ण करण्यासाठी प्रशासनाच्या वतीने मान्यता देण्यात येणार आहे.
वैद्यकीय अधिकाऱ्यांचीही वानवा
झेडपीच्या प्राथमिक आरोग्य केंद्रांसह उपजिल्हा तसेच ग्रामीण हॉस्पिटलमध्ये वैद्यकीय अधिकाऱ्यांची वानवा आहे. जिल्ह्यातील १३ तालुक्यातील ९६ प्राथमिक आरोग्य केंद्रामंध्ये १८७ पदे मंजूर आहेत. जिल्ह्यात सद्यस्थितीत ४५ पदे व जिल्हा शल्यचिकीत्सकांच्या अखत्यारीतील २२ पदे रिक्त आहेत. वैद्यकीय अधिकारी नसल्याने नागरिकांची गैरसोय होत आहे. तसेच प्राथमिक आरोग्य केंद्रामध्ये वारंवार हेलपाटे मारावे लागत आहेत. याबाब नागरिकांमध्ये नाराजी आहे.