पुणे : व्यवसायात भागीदारी देऊन अधिक नफा देण्याच्या आमिषाने २४ वर्षीय युवकाची ५१ लाखांची ऑनलाइन फसवणूक करण्यात आल्याचा प्रकार घडला आहे. कर्वेनगर परिसरात ही घटना घडली असून, वारजे पोलिस ठाण्यात गुन्हा दाखल करण्यात आला आहे. पोलिसांनी दिलेल्या माहितीनुसार, तक्रारादाराला आरोपींनी 'ब्रिऑन हर्बल कंपनी'त भागीदारी देण्याचे आमिष दाखविले. भागीदारी दिल्यावर अधिकाधिक नफा मिळविण्यासाठी तक्रारदाराला वेळोवेळी विविध रक्कम बँकेच्या खात्यात भरायला लावली. ही रक्कम ५१ लाखांवर पोहोचली. त्यानंतर काही उत्पादने तक्रारदाराला पाठविण्यात आली. कालांतराने तक्रारदारास अधिक नफा तर नाहीच; मात्र गुंतवणूक केलेली रक्कमही परत मिळाली नाही. आपली फसवणूक झाल्याचे लक्षात आल्यावर संबंधित युवकाने सायबर पोलिस ठाण्यात फिर्याद दिली.
तरुणाला घातला ५१ लाखांचा गंडा
व्यवसायात भागीदारी देऊन अधिक नफा देण्याच्या आमिषाने २४ वर्षीय युवकाची ५१ लाखांची ऑनलाइन फसवणूक करण्यात आल्याचा प्रकार घडला आहे. कर्वेनगर परिसरात ही घटना घडली असून, वारजे पोलिस ठाण्यात गुन्हा दाखल करण्यात आला आहे.
Maharashtra Times 5 Oct 2019, 5:38 am