म. टा. प्रतिनिधी, पुणे
पिंपरी-चिंचवड ते स्वारगेट या मार्गावरील मेट्रो कात्रजपर्यंत नेण्यासाठी निधीत वाटा उचलण्याची तयारी पुणे महापालिकेने दर्शविली आहे. या मार्गासाठी आवश्यक १४० कोटी रुपयांचा निधी महापालिका देणार असून त्याबाबतची प्राथमिक चर्चा महामेट्रोच्या अधिकाऱ्यांबरोबर करण्यात आली आहे. या कामाच्या सविस्तर प्रकल्प अहवालसाठी (डीपीआर) महापालिकेने ३० लाख रुपये देण्यासही तयारी दर्शवली आहे.
पिंपरी-चिंचवड ते स्वारगेट या मेट्रोमार्गाचे काम प्रगतिपथावर आहे. स्वारगेटपर्यंत येणारी मेट्रो पुढे कात्रजपर्यंत नेण्यात यावी, या मागणीने जोर धरला होता. कात्रज परिसरातून उद्योगनगरी असलेल्या पिंपरी-चिंचवडमध्ये दररोज ये-जा करणाऱ्या प्रवाशांची संख्याही मोठ्या प्रमाणात आहे. या पार्श्वभूमीवर या वाढीव मार्गासाठी लागणाऱ्या खर्च करण्यास महापालिकेने तयारी दर्शवली आहे, अशी माहिती पालिकेतील सभागृह नेते श्रीनाथ भिमाले यांनी दिली.
मेट्रोला ५० टक्के अनुदान हे केंद्र सरकारतर्फे दिले जाते. त्याप्रमाणे स्वारगेट ते कात्रज या मार्गासाठी ३०० कोटी रुपये खर्च अपेक्षित आहे. त्यापोटी महापालिका १४० कोटी रुपये देण्यास तयार आहे. याबाबत ‘महामेट्रो’चे अधिकारी, तसेच पालकमंत्री गिरीश बापट यांच्याशी चर्चा केली असल्याचे भिमाले यांनी सांगितले. या कामाच्या ‘डीपीआर’साठी ६० लाख रुपये खर्च येणार असून त्यातील ५० टक्के रक्कम महापालिकेने देण्याची तयारी दर्शवली आहे, असे भिमाले यांनी सांगितले.
महाराष्ट्र मेट्रो रेल्वे कॉर्पोरेशनतर्फे (महामेट्रो) पुणे मेट्रो प्रकल्पाची अंमलबजावणी केली जात आहे. या प्रकल्पाची नेमकी आखणी (अलाइनमेंट) आणि स्टेशनच्या स्थानांची माहिती होण्यासाठी महापालिकेतील सदस्यांसमोर सविस्तर सादरीकरण करण्यात आले होते. या सादरीकरणानंतर पालिकेतील अनेक सदस्यांनी मेट्रोच्या विस्ताराचे काम केव्हा होणार? त्यासाठीचे नियोजन केले आहे का? कात्रज-वाघोलीपर्यंत मेट्रो कधी येणार यासारख्या अनेक प्रश्नांची सरबत्ती महामेट्रोच्या अधिकाऱ्यांवर केली. केंद्र सरकारने मान्यता दिलेल्या सविस्तर प्रकल्प आराखड्यानुसार (डीपीआर) मेट्रोचे काम सध्या सुरू असून, त्याच्या विविध भागांतील विस्तारासाठीचे प्राथमिक नियोजन सुरू असल्याची माहिती या वेळी ‘महामेट्रो’च्या अधिकाऱ्यांनी दिली होती.
स्वारगेट ते कात्रज या मार्गाचे काम झाल्यास सातारा रस्त्यावरील वाहतुकीवरील मोठा ताण कमी होणार आहे. कात्रज परिसरातून निगडी, भोसरी आणि पिंपरी-चिंचवड परिसरात दररोज नोकरी आणि कामधंद्यासाठी जाणाऱ्या प्रवाशांची संख्या मोठ्या प्रमाणात आहे. पीएमपीच्या कात्रजवरून निगडी, चिंचवड आणि भोसरी या तिन्ही मार्गावर चालणाऱ्या बसमधील प्रवाशांची संख्या लक्षणीय आहे. कात्रज ते पिंपरी-चिंचवड हा मेट्रोमार्ग झाल्यास त्याचा फायदा या प्रवाशांना होणार असून त्यांचा वेळ वाचणार आहे.
पिंपरी-चिंचवड ते स्वारगेट या मार्गावरील मेट्रो कात्रजपर्यंत नेण्यासाठी निधीत वाटा उचलण्याची तयारी पुणे महापालिकेने दर्शविली आहे. या मार्गासाठी आवश्यक १४० कोटी रुपयांचा निधी महापालिका देणार असून त्याबाबतची प्राथमिक चर्चा महामेट्रोच्या अधिकाऱ्यांबरोबर करण्यात आली आहे. या कामाच्या सविस्तर प्रकल्प अहवालसाठी (डीपीआर) महापालिकेने ३० लाख रुपये देण्यासही तयारी दर्शवली आहे.
पिंपरी-चिंचवड ते स्वारगेट या मेट्रोमार्गाचे काम प्रगतिपथावर आहे. स्वारगेटपर्यंत येणारी मेट्रो पुढे कात्रजपर्यंत नेण्यात यावी, या मागणीने जोर धरला होता. कात्रज परिसरातून उद्योगनगरी असलेल्या पिंपरी-चिंचवडमध्ये दररोज ये-जा करणाऱ्या प्रवाशांची संख्याही मोठ्या प्रमाणात आहे. या पार्श्वभूमीवर या वाढीव मार्गासाठी लागणाऱ्या खर्च करण्यास महापालिकेने तयारी दर्शवली आहे, अशी माहिती पालिकेतील सभागृह नेते श्रीनाथ भिमाले यांनी दिली.
मेट्रोला ५० टक्के अनुदान हे केंद्र सरकारतर्फे दिले जाते. त्याप्रमाणे स्वारगेट ते कात्रज या मार्गासाठी ३०० कोटी रुपये खर्च अपेक्षित आहे. त्यापोटी महापालिका १४० कोटी रुपये देण्यास तयार आहे. याबाबत ‘महामेट्रो’चे अधिकारी, तसेच पालकमंत्री गिरीश बापट यांच्याशी चर्चा केली असल्याचे भिमाले यांनी सांगितले. या कामाच्या ‘डीपीआर’साठी ६० लाख रुपये खर्च येणार असून त्यातील ५० टक्के रक्कम महापालिकेने देण्याची तयारी दर्शवली आहे, असे भिमाले यांनी सांगितले.
महाराष्ट्र मेट्रो रेल्वे कॉर्पोरेशनतर्फे (महामेट्रो) पुणे मेट्रो प्रकल्पाची अंमलबजावणी केली जात आहे. या प्रकल्पाची नेमकी आखणी (अलाइनमेंट) आणि स्टेशनच्या स्थानांची माहिती होण्यासाठी महापालिकेतील सदस्यांसमोर सविस्तर सादरीकरण करण्यात आले होते. या सादरीकरणानंतर पालिकेतील अनेक सदस्यांनी मेट्रोच्या विस्ताराचे काम केव्हा होणार? त्यासाठीचे नियोजन केले आहे का? कात्रज-वाघोलीपर्यंत मेट्रो कधी येणार यासारख्या अनेक प्रश्नांची सरबत्ती महामेट्रोच्या अधिकाऱ्यांवर केली. केंद्र सरकारने मान्यता दिलेल्या सविस्तर प्रकल्प आराखड्यानुसार (डीपीआर) मेट्रोचे काम सध्या सुरू असून, त्याच्या विविध भागांतील विस्तारासाठीचे प्राथमिक नियोजन सुरू असल्याची माहिती या वेळी ‘महामेट्रो’च्या अधिकाऱ्यांनी दिली होती.
स्वारगेट ते कात्रज या मार्गाचे काम झाल्यास सातारा रस्त्यावरील वाहतुकीवरील मोठा ताण कमी होणार आहे. कात्रज परिसरातून निगडी, भोसरी आणि पिंपरी-चिंचवड परिसरात दररोज नोकरी आणि कामधंद्यासाठी जाणाऱ्या प्रवाशांची संख्या मोठ्या प्रमाणात आहे. पीएमपीच्या कात्रजवरून निगडी, चिंचवड आणि भोसरी या तिन्ही मार्गावर चालणाऱ्या बसमधील प्रवाशांची संख्या लक्षणीय आहे. कात्रज ते पिंपरी-चिंचवड हा मेट्रोमार्ग झाल्यास त्याचा फायदा या प्रवाशांना होणार असून त्यांचा वेळ वाचणार आहे.