म. टा. वृत्तसेवा, हडपसर
कॅनॉलमध्ये पाय घसरून पडलेल्या आठ वर्षांच्या बहिणीला वाचण्यासाठी सहा वर्षांच्या भावाने कॅनॉलमध्ये उडी मारली. मात्र, दोघेही पाण्यात बुडत असल्याचे पाहून जवळील लहान मुलांनी आरडाओरडा केल्यानंतर तेथील तरुणांनी या बहीण-भावांना कॅनॉलमधून सुखरूप बाहेर काढले.
मंगळवारी सायंकाळी पाच वाजण्याच्या सुमारास गोंधळेनगर मारुती मंदिराच्या मागील कॅनॉलमध्ये घडली. आदित्य नरेश सिंग (वय ६), विनीता नरेश सिंग (वय ८) अशी कॅनॉलमध्ये पडलेल्या बहीण-भावांची नावे आहेत. आदित्य व विनीत हे दोघे घराजवळील कॅनॉलजवळील मारुती मंदिराशेजारी खेळत होते. खेळता खेळता ते कॅनॉलजडवळ गेले. विनीताचा पाय घसरून ती कॅनॉलमध्ये पडली. ती पडल्यानंतर तिच्या लहान भावानेही बहिणीला वाचवण्यासाठी पाण्यात उडी मारली. मात्र, दोघांनाही पाण्यातून बाहेर येता आले नाही. दोघेही पाण्यात बुडत असल्याचे पाहून जवळील इतर लहान मुलांनी आरडाओरडा सुरू केला.
मुलांचा आरडाओरडा ऐकून आकाश जाधव, योगेश सावंत, प्रवीण सुतार व अक्षय सूर्यवंशी या तरुणांनी कॅनॉलजवळ धाव घेतली. आकाश जाधव व योगेश सावंत या तरुणांनी तात्काळ कॅनॉलमध्ये उडी मारली आणि बहीण-भावांना बाहेर काढले. दोघांच्या पोटातील पाणी बाहेर काढले. एका रिक्षावाल्याच्या मदतीने या दोघांना साने गुरुजी हॉस्पिटलमध्ये नेले. हॉस्पिटलमधील कर्मचारी व डॉक्टरांनी या दोघांवर उपचार सुरू केले आहेत. बहीण-भावांचे प्राण वाचवणाऱ्या तरुणांचे मुलांच्या आई वडिलांनी आभार मानले. याबाबत हडपसर पोलिस ठाण्यात नोंद करण्यात आली आहे.
कॅनॉलमध्ये पाय घसरून पडलेल्या आठ वर्षांच्या बहिणीला वाचण्यासाठी सहा वर्षांच्या भावाने कॅनॉलमध्ये उडी मारली. मात्र, दोघेही पाण्यात बुडत असल्याचे पाहून जवळील लहान मुलांनी आरडाओरडा केल्यानंतर तेथील तरुणांनी या बहीण-भावांना कॅनॉलमधून सुखरूप बाहेर काढले.
मंगळवारी सायंकाळी पाच वाजण्याच्या सुमारास गोंधळेनगर मारुती मंदिराच्या मागील कॅनॉलमध्ये घडली. आदित्य नरेश सिंग (वय ६), विनीता नरेश सिंग (वय ८) अशी कॅनॉलमध्ये पडलेल्या बहीण-भावांची नावे आहेत. आदित्य व विनीत हे दोघे घराजवळील कॅनॉलजवळील मारुती मंदिराशेजारी खेळत होते. खेळता खेळता ते कॅनॉलजडवळ गेले. विनीताचा पाय घसरून ती कॅनॉलमध्ये पडली. ती पडल्यानंतर तिच्या लहान भावानेही बहिणीला वाचवण्यासाठी पाण्यात उडी मारली. मात्र, दोघांनाही पाण्यातून बाहेर येता आले नाही. दोघेही पाण्यात बुडत असल्याचे पाहून जवळील इतर लहान मुलांनी आरडाओरडा सुरू केला.
मुलांचा आरडाओरडा ऐकून आकाश जाधव, योगेश सावंत, प्रवीण सुतार व अक्षय सूर्यवंशी या तरुणांनी कॅनॉलजवळ धाव घेतली. आकाश जाधव व योगेश सावंत या तरुणांनी तात्काळ कॅनॉलमध्ये उडी मारली आणि बहीण-भावांना बाहेर काढले. दोघांच्या पोटातील पाणी बाहेर काढले. एका रिक्षावाल्याच्या मदतीने या दोघांना साने गुरुजी हॉस्पिटलमध्ये नेले. हॉस्पिटलमधील कर्मचारी व डॉक्टरांनी या दोघांवर उपचार सुरू केले आहेत. बहीण-भावांचे प्राण वाचवणाऱ्या तरुणांचे मुलांच्या आई वडिलांनी आभार मानले. याबाबत हडपसर पोलिस ठाण्यात नोंद करण्यात आली आहे.