डीएसकेंना येरवडा कारागृहात आमदाराने घेतला चावा? व्हायरल बातमीचं धक्कादायक सत्य समोर

पुणे : पुण्याच्या येरवडा कारागृहामध्ये एक धक्कादायक प्रकार समोर आला आहे. इथे येरवडा कारागृहात असलेल्या एका आमदाराने कारागृहात असलेल्या बड्या बांधकाम व्यवसायिकाला चावा घेतल्याची बातमी सोशल मीडियावर व्हायरल होत आहे. पण या घटनेमागे एक धक्कादायक सत्य समोर आलं आहे.

गुंतवणूकदाराची कोट्यावधी रुपयांची फसवणूक केल्याप्रकरणी मागील चार वर्षापासून प्रसिद्ध बांधकाम व्यावसायिक डीएसके येरवडा कारागृहात आहे. बँक घोटाळ्यातील एका आमदारांन डीएसकेचा चावा घेतल्याची माहिती काही वेळापूर्वी सोशल मीडियावर तूफान व्हायरल झाली. त्या घटनेबाबत येरवडा कारागृहाच्या अधीक्षक राणी भोसले यांच्याशी संवाद साधला असता, त्यांनी वेगळंच सत्य सांगितलं आहे.

सांगलीत भाजपला मोठा धक्का, जिल्हा बँकेच्या निवडणुकीत थेट घरचा रस्ता
डीएसके हे साधारण २० दिवसांपूर्वी घसरून पडले होते. त्या घटनेत त्यांच्या पायाला फ्रॅक्चर झाले होते. त्यावर ससून रुग्णालयात उपचार करून पुन्हा कारागृहात आणण्यात आले आहे. त्यामुळे त्यांची प्रकृती उत्तम असून ते सुखरूप आहेत. तसेच सध्या सोशल मीडियावर डीएसके बाबत चुकीची आणि खोडसाळपणे माहिती पसरविली गेली आहे. त्याबद्दल आम्ही शोध घेत असल्याचे त्यांनी सांगितले.

सोशल मीडियावर व्हायरल झालेल्या माहितीनुसार, मागील १० ते १२ दिवसांपूर्वीचा हा प्रकार उघडकीस आला असून सगळीकडे या प्रकरणाची खळबळ उडाली आहे. बड्या बांधकाम व्यवसायिकाचे नाव डी. एस. कुलकर्णी असून त्यांना बँक घोटाळ्यातील आरोपी असलेल्या आमदाराने त्यांच्या हाताला चावा घेतला. कारागृहात असताना सुद्धा बांधकाम व्यावसायिक बिनधास्त फिरतात त्यांच्यावर काहीही परिणाम होत नाही, याचा राग मनात घेऊन आमदाराने डी. एस. के. यांच्या हाताला चावा घेतला अशी खोटी माहिती पसरवली जात आहे.