म. टा. प्रतिनिधी, पुणे
महिलेचा अश्लील फोटो तयार करून तो व्हायरल करण्याची धमकी देणाऱ्या ओडिशातील तरुणाला विश्रामबाग पोलिसांनी अटक केली. या अटकेसाठी पोलिसांचे एक पथक ओडिशातील जजपूर येथे गेले होते. पुणे पोलिसांनी ३८०० किलोमीटरचा प्रवास करून केवळ मोबाइलच्या ‘टॉवर लोकेशन’च्या आधारे आरोपीला गजाआड केले.
कुमार श्रीनिबास नायक (२३, रा. केहोंजर, जजपूर, ओडिशा) असे अटक केलेल्या आरोपीचे नाव आहे. फौजदार आर. बी. बांबळे, पोलिस नाईक आर. आर. केदारी यांच्या पथकाने ही कारवाई केली, अशी माहिती वरिष्ठ पोलिस निरीक्षक हेमंत भट यांनी दिली.
नायक हॉटेलमध्ये वेटर म्हणून नोकरी करत होता. नायकने ‘ओएलक्स’वरून संबंधित महिलेचा नंबर मिळवला होता. त्याने अशा प्रकारे अन्य राज्यांतील महिलांना त्रास दिला असल्याचे तपासात उघडकीस आले आहे. अश्लील फोटो तयार करून ते सोशल मीडियावर व्हायरल करण्याची धमकी त्याने महिलेला दिली होती. महिलेने दिलेल्या तक्रारीनुसार विश्रामबाग पोलिस ठाण्यात ‘आयटी अॅक्ट’नुसार गुन्हा दाखल करण्यात आला होता.
या गुन्ह्याचा तपास फौजदार बांबळे यांच्याकडे देण्यात आला होता. आरोपीच्या मोबाइलचे टॉवर लोकेशन ओडिशा येथील आले होते. त्यानुसार बांबळे आणि केदारी यांनी ओडिशाला जाण्याचा निर्णय घेतला. खासगी गाडीने ते ओडिशा येथे गेले. त्यासाठी त्यांनी १९०० किलोमीटरचा प्रवास केला. आरोपीचा मोबाइल क्रमांक रजिस्टर असलेल्या पत्त्यावर ते पोहोचले. तो पत्ता चुकीचा असल्याचे लक्षात आल्यावर त्यांनी ‘लोकेशन’च्या आधारे त्याचा शोध घेण्यास सुरुवात केली.
त्याच्या मोबाइलचे टॉवर लोकेशन हे कहोंजर (ओडिशा) येथील येत होते. पोलिस उपायुक्त सुधीर हिरेमठ यांच्या कार्यालयातील पोलिस कर्मचारी इनामदार मोबाइल संबंधीचे काम करत होते आणि मिळालेली माहिती बांबळे यांना ओडिशात देत होते. बांबळे यांनी नायकशी संपर्कात असलेल्या ‘कॉमन कॉलर’च्या माध्यमातून नायकला गाठले. त्यासाठी स्थानिक पोलिसांची मदत घेतली आणि त्याला गजाआड केले. त्याला अटक करून पुण्यात पोहोचले.
महिलेचा अश्लील फोटो तयार करून तो व्हायरल करण्याची धमकी देणाऱ्या ओडिशातील तरुणाला विश्रामबाग पोलिसांनी अटक केली. या अटकेसाठी पोलिसांचे एक पथक ओडिशातील जजपूर येथे गेले होते. पुणे पोलिसांनी ३८०० किलोमीटरचा प्रवास करून केवळ मोबाइलच्या ‘टॉवर लोकेशन’च्या आधारे आरोपीला गजाआड केले.
कुमार श्रीनिबास नायक (२३, रा. केहोंजर, जजपूर, ओडिशा) असे अटक केलेल्या आरोपीचे नाव आहे. फौजदार आर. बी. बांबळे, पोलिस नाईक आर. आर. केदारी यांच्या पथकाने ही कारवाई केली, अशी माहिती वरिष्ठ पोलिस निरीक्षक हेमंत भट यांनी दिली.
नायक हॉटेलमध्ये वेटर म्हणून नोकरी करत होता. नायकने ‘ओएलक्स’वरून संबंधित महिलेचा नंबर मिळवला होता. त्याने अशा प्रकारे अन्य राज्यांतील महिलांना त्रास दिला असल्याचे तपासात उघडकीस आले आहे. अश्लील फोटो तयार करून ते सोशल मीडियावर व्हायरल करण्याची धमकी त्याने महिलेला दिली होती. महिलेने दिलेल्या तक्रारीनुसार विश्रामबाग पोलिस ठाण्यात ‘आयटी अॅक्ट’नुसार गुन्हा दाखल करण्यात आला होता.
या गुन्ह्याचा तपास फौजदार बांबळे यांच्याकडे देण्यात आला होता. आरोपीच्या मोबाइलचे टॉवर लोकेशन ओडिशा येथील आले होते. त्यानुसार बांबळे आणि केदारी यांनी ओडिशाला जाण्याचा निर्णय घेतला. खासगी गाडीने ते ओडिशा येथे गेले. त्यासाठी त्यांनी १९०० किलोमीटरचा प्रवास केला. आरोपीचा मोबाइल क्रमांक रजिस्टर असलेल्या पत्त्यावर ते पोहोचले. तो पत्ता चुकीचा असल्याचे लक्षात आल्यावर त्यांनी ‘लोकेशन’च्या आधारे त्याचा शोध घेण्यास सुरुवात केली.
त्याच्या मोबाइलचे टॉवर लोकेशन हे कहोंजर (ओडिशा) येथील येत होते. पोलिस उपायुक्त सुधीर हिरेमठ यांच्या कार्यालयातील पोलिस कर्मचारी इनामदार मोबाइल संबंधीचे काम करत होते आणि मिळालेली माहिती बांबळे यांना ओडिशात देत होते. बांबळे यांनी नायकशी संपर्कात असलेल्या ‘कॉमन कॉलर’च्या माध्यमातून नायकला गाठले. त्यासाठी स्थानिक पोलिसांची मदत घेतली आणि त्याला गजाआड केले. त्याला अटक करून पुण्यात पोहोचले.