पुणे, पिंपरीत ३३० जणांना करोना

पुणे : पुणे शहरात गुरुवारी ३०४ रुग्ण करोनाच्या आजारातून बरे झाले; तर २२७ जणांना संसर्ग झाल्याची नोंद महापालिकेच्या आरोग्य विभागाने केली.

शहरात गुरुवारी २०५ रुग्णांची प्रकृती गंभीर होती. आतापर्यंत बाधितांची संख्या एक लाख ८४ हजार १४ इतकी झाली आहे. दिवसभरात विविध ठिकाणी तीन हजार ४८७ जणांच्या चाचण्या झाल्या. त्यामुळे एकूण चाचण्यांची संख्या नऊ लाख ९२ हजार ८४३ झाली. ऑक्सिजनवर २९५ रुग्ण उपचार घेत आहेत; तर ३०४ रुग्ण करोनामुक्त झाले आहेत. त्यामुळे करोनामुक्त झालेल्यांची संख्या एक लाख ७७ हजार ११६ इतकी झाली. गेल्या चोवीस तासांत पाच जणांचा मृत्यू झाला. त्यामुळे मृतांची संख्या चार हजार ७२५ वर पोहोचली. शहराबाहेरील आणखी दोघांचा बळी गेला आहे. शहरात दोन हजार १७३ रुग्ण सक्रिय आहेत.

पुण्यातील गुरुवारची स्थिती

पुण्यातील नवीन रुग्ण : २२७

बरे झालेले रुग्ण : ३०४

गंभीर रुग्णांची संख्या : २०५

दिवसभरात मृत्यू : ५ (२ शहराबाहेरील)

.

पिंपरी-चिंचवडमधील स्थिती

नवीन रुग्ण : १०३

बरे झालेले रुग्ण : ९६

गंभीर रुग्णांची संख्या : ३३

व्हेंटिलेटरवरील रुग्ण : १६

दिवसभरात मृत्यू : २ (१ शहराबाहेरील)