म. टा. प्रतिनिधी, पुणे
फिल्म अँड टेलिव्हिजन इन्स्टिट्यूट ऑफ इंडियाचा (एफटीआयआय) विद्यार्थी बेपत्ता झाला आहे. मनोज कुमार (वय ३१, मूळ रा. वाराणसी) असे या विद्यार्थ्याचे नाव आहे. प्राध्यापकाशी गैरवर्तन केल्यामुळे त्याला निलंबित करण्यात आले होते. त्यानंतर तो नैराश्यात होता. मनोज हा आर्ट डिरेक्शन अँड प्रॉडक्शन डिझाइन या शाखेचा २०१६च्या तुकडीचा विद्यार्थी आहे. तो एफटीआयआयच्या वसतिगृहात राहत होता. तो बेपत्ता झाल्यापासून त्याच्या मित्रवर्गात काळजीचे वातावरण आहे.
मनोज पाच दिवसांपासून बेपत्ता असल्याने त्याचा मित्र विवेक केरकर याने डेक्कन पोलिस ठाण्यात तक्रार दिली आहे. गेल्या महिन्यात प्राध्यापकाशी गैरवर्तन केल्याप्रकरणी मनोजवर संस्थेकडून निलंबनाची कारवाई करण्यात आली होती. चित्रपट विभागाचे तत्कालीन प्रमुख अमित त्यागी यांनी २१ डिसेंबर रोजी लिहिलेल्या पत्रात मनोज यास २४ डिसेंबर पासून निलंबित करण्यात येत असल्याचे स्पष्ट केले आहे. दैनंदिन वर्ग, कार्यशाळा; तसेच एफटीआयआयच्या कोणत्याही उपक्रमाशी मनोजचा संबंध नसेल, असे पत्रात स्पष्ट केले आहे. हे पत्र मिळाल्यापासून मनोज नैराश्यात होता, असे त्याच्या मित्रांनी पोलिसांना सांगितले.
१४ जानेवारी रोजी मनोज पहाटे खोलीतून निघून गेला. दुपारी मनोजच्या पालकांनी त्याच्या मित्रांशी संपर्क साधून मनोजचा फोन लागत नसल्याचे सांगितले. तो वसतिगृहात आहे का, अशी विचारणा त्यांनी केली. त्यानंतर मनोजचा शोध घेण्याचा प्रयत्न केला असता तो बेपत्ता झाल्याचे मित्रांच्या लक्षात आले. मित्रांनी वसतिगृहातील सीसीटीव्ही पाहिले. त्यात तो पहाटे ४.३० ते ४.४५ वाजण्याच्या सुमारास नळ स्टॉपच्या दिशेने जात असल्याचे विद्यार्थ्यांना दिसले. या माहितीवरून त्यांनी पोलिसांत तक्रार दिली.
या प्रकरणाचा अधिक तपास डेक्कन पोलिस करत आहेत. एफटीआयआयचे संचालक भूपेंद्र कँथोला यांनीही मनोज कुमार बेपत्ता असल्याने पोलिसांत तक्रार दिल्याचे शनिवारी 'मटा'शी बोलताना स्पष्ट केले. तो किती दिवसांपासून बेपत्ता आहे किंवा त्यामागचे कारण काय, याबाबत माहिती नसल्याचे कँथोला यांनी सांगितले.
याबाबत त्यागी यांच्याकडे विचारणा केली असता, ते म्हणाले, 'मनोजबाबत सातत्याने तक्रारी येत असल्याने त्याला निलंबित करावे लागले. विद्यार्थ्याला एखाद्या तक्रारीमुळे निलंबित केले जात नाही. मनोजविरुद्ध आलेल्या तक्रारींबाबत एफटीआयआयमधील समिती चौकशी करत आहे. त्यांचा अहवाल आल्यानंतर अधिक माहिती स्पष्ट होईल. मी आता प्रमुख पदावर नसल्याने याबाबत अधिक माहिती सांगू शकत नाही.'
फिल्म अँड टेलिव्हिजन इन्स्टिट्यूट ऑफ इंडियाचा (एफटीआयआय) विद्यार्थी बेपत्ता झाला आहे. मनोज कुमार (वय ३१, मूळ रा. वाराणसी) असे या विद्यार्थ्याचे नाव आहे. प्राध्यापकाशी गैरवर्तन केल्यामुळे त्याला निलंबित करण्यात आले होते. त्यानंतर तो नैराश्यात होता. मनोज हा आर्ट डिरेक्शन अँड प्रॉडक्शन डिझाइन या शाखेचा २०१६च्या तुकडीचा विद्यार्थी आहे. तो एफटीआयआयच्या वसतिगृहात राहत होता. तो बेपत्ता झाल्यापासून त्याच्या मित्रवर्गात काळजीचे वातावरण आहे.
मनोज पाच दिवसांपासून बेपत्ता असल्याने त्याचा मित्र विवेक केरकर याने डेक्कन पोलिस ठाण्यात तक्रार दिली आहे. गेल्या महिन्यात प्राध्यापकाशी गैरवर्तन केल्याप्रकरणी मनोजवर संस्थेकडून निलंबनाची कारवाई करण्यात आली होती. चित्रपट विभागाचे तत्कालीन प्रमुख अमित त्यागी यांनी २१ डिसेंबर रोजी लिहिलेल्या पत्रात मनोज यास २४ डिसेंबर पासून निलंबित करण्यात येत असल्याचे स्पष्ट केले आहे. दैनंदिन वर्ग, कार्यशाळा; तसेच एफटीआयआयच्या कोणत्याही उपक्रमाशी मनोजचा संबंध नसेल, असे पत्रात स्पष्ट केले आहे. हे पत्र मिळाल्यापासून मनोज नैराश्यात होता, असे त्याच्या मित्रांनी पोलिसांना सांगितले.
१४ जानेवारी रोजी मनोज पहाटे खोलीतून निघून गेला. दुपारी मनोजच्या पालकांनी त्याच्या मित्रांशी संपर्क साधून मनोजचा फोन लागत नसल्याचे सांगितले. तो वसतिगृहात आहे का, अशी विचारणा त्यांनी केली. त्यानंतर मनोजचा शोध घेण्याचा प्रयत्न केला असता तो बेपत्ता झाल्याचे मित्रांच्या लक्षात आले. मित्रांनी वसतिगृहातील सीसीटीव्ही पाहिले. त्यात तो पहाटे ४.३० ते ४.४५ वाजण्याच्या सुमारास नळ स्टॉपच्या दिशेने जात असल्याचे विद्यार्थ्यांना दिसले. या माहितीवरून त्यांनी पोलिसांत तक्रार दिली.
या प्रकरणाचा अधिक तपास डेक्कन पोलिस करत आहेत. एफटीआयआयचे संचालक भूपेंद्र कँथोला यांनीही मनोज कुमार बेपत्ता असल्याने पोलिसांत तक्रार दिल्याचे शनिवारी 'मटा'शी बोलताना स्पष्ट केले. तो किती दिवसांपासून बेपत्ता आहे किंवा त्यामागचे कारण काय, याबाबत माहिती नसल्याचे कँथोला यांनी सांगितले.
याबाबत त्यागी यांच्याकडे विचारणा केली असता, ते म्हणाले, 'मनोजबाबत सातत्याने तक्रारी येत असल्याने त्याला निलंबित करावे लागले. विद्यार्थ्याला एखाद्या तक्रारीमुळे निलंबित केले जात नाही. मनोजविरुद्ध आलेल्या तक्रारींबाबत एफटीआयआयमधील समिती चौकशी करत आहे. त्यांचा अहवाल आल्यानंतर अधिक माहिती स्पष्ट होईल. मी आता प्रमुख पदावर नसल्याने याबाबत अधिक माहिती सांगू शकत नाही.'