अ‍ॅपशहर

केंद्रीय मंत्री स्मृती इराणींच्या दौऱ्यावेळी राष्ट्रवादीचे आंदोलन, कार्यकर्ते हॉटेलमध्ये घुसले

एका पुस्तक प्रकाशनाच्या कार्यक्रमाला केंद्रीय मंत्री स्मृती इराणी यांना राष्ट्रवादीच्या विरोधाला सामोरे जावे लागले. राष्ट्रवादीने देशात वाढलेली माहागाई विरोधात आंदोलन केले. काही कार्यकर्ते तर हाॅटेलमध्ये शिरले.

Authored byप्रशांत पाटील | महाराष्ट्र टाइम्स.कॉम 16 May 2022, 6:51 pm
पुणे : पुस्तक प्रकाशनाच्या कार्यक्रमाला पुण्यात आलेल्या केंद्रीय मंत्री स्मृती इराणी यांना राष्ट्रवादीच्या विरोधाला सामोरे जावे लागले. स्मृती इराणींच्या दौऱ्यावेळी राष्ट्रवादीच्या काही कार्यकर्त्यांनी हॉटेलबाहेर महागाई विरोधात आंदोलन केले. काही कार्यकर्ते तर हाॅटेलमध्ये शिरले. मात्र, पुणे पोलिसांनी राष्ट्रवादीच्या कार्यकर्त्यांना ताब्यात घेतले आहे. तसेच, देशातील वाढती महागाई, घरगुती गॅसचे वाढलेले दर यामुळे त्रस्त झालेल्या नागरिकांच्या भावना केंद्र सरकार पर्यंत पोहचविण्यासाठी काँग्रेसच्या महिला कार्यकर्त्या देखील मंत्री इराणी यांना चूल व बांगड्या भेट देण्यासाठी कार्यक्रमस्थळी पोहोचल्या.
महाराष्ट्र टाइम्स.कॉम Pune News
केंद्रीय मंत्री स्मृती इराणींच्या दौऱ्यावेळी राष्ट्रवादीचे आंदोलन, कार्यकर्ते हॉटेलमध्ये घुसले


एका पुस्तकाच्या प्रकाशनाच्या कार्यक्रमाता मंत्री स्मृती इराणी पुण्यात आल्या आहेत. हे कळताच कार्यक्रमस्थळी पुणे शहर महिला काँग्रेसच्या कार्यकर्त्या पोहोचल्या, आंदोलनादरम्यान केंद्र सरकारच्या विरोधात व स्मृती इराणी यांच्या विरोधात 'हाय, हाय महंगाई मोदीजीने लाई!, जबसे भाजपा सत्ता में है आयी, कमरतोड महंगाई लायी।, क्योंकि गॅस भी कभी सस्ती थी,स्मृती जी याद हैं ना? अशा प्रकारच्या घोषणा मोठ्या प्रमाणात देण्यात आल्या.
अजिंक्य रहाणेला मोठा धक्का, आयपीएलपाठोपाठ इंग्लंडच्या दौऱ्यातूनही होणार आऊट
दरम्यान, देशातील महागाईच्या विरोधात लढताना व जनतेचे प्रश्नांवर काम करतांना पोलिसांनी अशा प्रकारे ताब्यात घेणे निषेधार्ह आहे. जनतेच्या प्रश्नांवर पोलिसांनी अशाप्रकारे शंभरवेळा जरी अटक केले तरी आम्ही तयार आहोत. असं यावेळी पुणे शहर महिला काँग्रेस कमिटीच्या अध्यक्षा पूजा आनंद म्हणाल्या.
लेखकाबद्दल
प्रशांत पाटील
प्रशांत पाटील यांना डिजिटल पत्रकारिता क्षेत्रात ३ वर्षांचा अनुभव आहे. ते 'महाराष्ट्र टाइम्स ऑनलाइन'मध्ये कंटेंट प्रोड्यूसर म्हणून कार्यरत आहेत. याआधी थोडक्यात, आधान न्यूज वेबपोर्टलमध्ये डेस्कवर काम केलंय. महाराष्ट्रातील घडामोडी बघतात.... आणखी वाचा

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज