म. टा. प्रतिनिधी, पुणे
श्रीमंत दगडूशेठ गणपती मंदिरात दर्शनासाठी आलेल्या एका महिलेच्या गळ्यातील ३८ हजार रुपये किमतीचे मंगळसूत्र चोरून नेल्याचा प्रकार सोमवारी सकाळी घडला. या प्रकरणी विश्रामबाग पोलिस ठाण्यात गुन्हा दाखल करण्यात आला आहे.
याबाबत २८ वर्षीय महिलेने तक्रार दिली आहे. त्यानुसार अज्ञात चोरट्याविरोधात गुन्हा दाखल करण्यात आला आहे. पोलिसांनी दिलेल्या माहितीनुसार, तक्रारदार या सोमवारी सकाळी दर्शनासाठी कुटूंबासह दगडूशेठ मंदिरात आल्या होत्या. रांगेत उभे राहून त्या दर्शन घेत होत्या. मात्र, या वेळी अज्ञात चोरट्याने रांगेत उभे असलेल्या तक्रारदार यांच्या गळ्यातील ३८ हजार रुपयांचे मंगळसूत्र चोरले. काही वेळातच हा प्रकार त्यांच्या लक्षात आला. मंदिरातच मंगळसूत्र चोरीला गेल्याने त्यांनी बरीच शोधाशोध केली. त्यानंतर त्यांनी तत्काळ पोलिसांशी संपर्क साधला. विश्रामबाग पोलिसांनी धाव घेऊन पाहणी केली. मात्र, चोरटा सापडला नाही. विश्रामबाग पोलिसांकडून चोरट्याचा शोध घेतला जात आहे.
मंगळसूत्र हिसकावण्याचे प्रकारात वाढ
शहरात घरफोड्या, मंगळसूत्र हिसकावण्याचे घटनांमध्ये वाढ होत आहे. चोरटे मंदिरातील दान पेट्यांवरही डल्ला मारत आहेत. त्यात दर्शनासाठी रांगेत उभारलेल्या महिलेच्या गळ्यातील मंगळसूत्रच चोरीला गेल्याने चोरट्यांचे धाडस चांगलेच वाढल्याचेही दिसत येत आहे. दोन दिवसांपूर्वी तुळशीबागेत आलेल्या महिलेच्या अंगावरील दागिने देखील गर्दीचा फायदा घेऊन चोरून नेले होते. या प्रकरणी देखील गुन्हा दाखल आहे.
सीसीटीव्हीद्वारे शोध का नाही?
मंडई परिसरात देखील अधून-मधून मोबाइल चोरीच्या घटना सुरूच आहेत. तुळशीबाग, मंडई, दगडूशेठ गणपती हा परिसरात मध्यवस्तीमधील असून, या ठिकाणी नेहमी गर्दी असते. त्यामुळे सीसीटीव्हीच्या निगराणीखाली येथील बराचसा भाग आहे. पण, या ठिकाणी सर्रास चोऱ्या घडत असताना सीसीटीव्हीद्वारे आरोपींचा शोध का घेतला जात नाही, असा प्रश्न नागिरकांकडून विचारला जात आहे.
श्रीमंत दगडूशेठ गणपती मंदिरात दर्शनासाठी आलेल्या एका महिलेच्या गळ्यातील ३८ हजार रुपये किमतीचे मंगळसूत्र चोरून नेल्याचा प्रकार सोमवारी सकाळी घडला. या प्रकरणी विश्रामबाग पोलिस ठाण्यात गुन्हा दाखल करण्यात आला आहे.
याबाबत २८ वर्षीय महिलेने तक्रार दिली आहे. त्यानुसार अज्ञात चोरट्याविरोधात गुन्हा दाखल करण्यात आला आहे. पोलिसांनी दिलेल्या माहितीनुसार, तक्रारदार या सोमवारी सकाळी दर्शनासाठी कुटूंबासह दगडूशेठ मंदिरात आल्या होत्या. रांगेत उभे राहून त्या दर्शन घेत होत्या. मात्र, या वेळी अज्ञात चोरट्याने रांगेत उभे असलेल्या तक्रारदार यांच्या गळ्यातील ३८ हजार रुपयांचे मंगळसूत्र चोरले. काही वेळातच हा प्रकार त्यांच्या लक्षात आला. मंदिरातच मंगळसूत्र चोरीला गेल्याने त्यांनी बरीच शोधाशोध केली. त्यानंतर त्यांनी तत्काळ पोलिसांशी संपर्क साधला. विश्रामबाग पोलिसांनी धाव घेऊन पाहणी केली. मात्र, चोरटा सापडला नाही. विश्रामबाग पोलिसांकडून चोरट्याचा शोध घेतला जात आहे.
मंगळसूत्र हिसकावण्याचे प्रकारात वाढ
शहरात घरफोड्या, मंगळसूत्र हिसकावण्याचे घटनांमध्ये वाढ होत आहे. चोरटे मंदिरातील दान पेट्यांवरही डल्ला मारत आहेत. त्यात दर्शनासाठी रांगेत उभारलेल्या महिलेच्या गळ्यातील मंगळसूत्रच चोरीला गेल्याने चोरट्यांचे धाडस चांगलेच वाढल्याचेही दिसत येत आहे. दोन दिवसांपूर्वी तुळशीबागेत आलेल्या महिलेच्या अंगावरील दागिने देखील गर्दीचा फायदा घेऊन चोरून नेले होते. या प्रकरणी देखील गुन्हा दाखल आहे.
सीसीटीव्हीद्वारे शोध का नाही?
मंडई परिसरात देखील अधून-मधून मोबाइल चोरीच्या घटना सुरूच आहेत. तुळशीबाग, मंडई, दगडूशेठ गणपती हा परिसरात मध्यवस्तीमधील असून, या ठिकाणी नेहमी गर्दी असते. त्यामुळे सीसीटीव्हीच्या निगराणीखाली येथील बराचसा भाग आहे. पण, या ठिकाणी सर्रास चोऱ्या घडत असताना सीसीटीव्हीद्वारे आरोपींचा शोध का घेतला जात नाही, असा प्रश्न नागिरकांकडून विचारला जात आहे.